Levítico 4:17 - La'aqtaqa Ñim Lo'onatac 'Enauacna 2013

¹⁷ nache ỹa'ayingui ana llaxaata ca ntago'q que'eca shiguiỹac, qataq siete da ỹe'eguelaxalec da ichegoxogue da pa'aỹa'ague ñi napoxonaxat, ỹauaachigui naqa'en Ñim Nataxala'.

Levítico 4:17 Referans Kwoze

Levítico 4:5

Ime, nache camaye ỹacona ca laỹe' ca ltago'q ca huaca llalec, nache iroua'a ye pa'auo ñi npe'l maye huaña naxa da qanauane' Ñim Nataxala',

Levítico 4:16

Ime, nache ca lataxala' na ntaxaỹaxanaxanecpi ỹacona ca laỹe' ca ltago'q ca huaca, nache iroua'a na pa'auo ñi npe'l maye huaña naxa da qanauane' Ñim Nataxala',

Levítico 16:14

Ime, nache ỹacona aca laỹe' ca ltago'q ca huaca, nache ỹa'ayingui ana llaxaata, nache ichegoqot na laỹe maye pa'aigue da yo'oxoñi ñi lapoxot añi laỹe' naua aỹamaxataxaco. Qataq siete da ichegoxogue ca ntago'q da pa'aỹa'ague ñi'iñi lapoxot.

Números 19:4

Nache so ntaxaỹaxanaxanec Eleazar ỹa'ayingui qome ana llaxaata ca ltago'q acamaye, nache siete da ichegoxogue da pa'aỹa'ague ñi npe'l maye naỹonqa'.

Levítico 8:11

Qataq siete da ichegoxolec so aceite aso nca'atoxonaxalate, nataqa'en ichegoxolec 'enauac so nhuenecpi maye chegaqaigui so lcat bronce, qataq so nỹoxonaxaqui qataq so lmala', nache ỹaneuo da ỹataqta qui'itta.

Levítico 14:7

Ime, nache siete da ichegoxolec ca shiỹaxaua maye huec ca qauem nhuetaxanaxa da yaqto' qui'itta, nache ỹa'axatem da no'oita camaye. Qaq ca qoỹo maye ña nca'altauec, nache ỹaxanec da huaỹo.