Levítico 4:15 - La'aqtaqa Ñim Lo'onatac 'Enauacna 2013

¹⁵ Huaña, nache na nqueroxonecpi maye lataxala'pi na Israel le'ecpi, ỹashel-lec na lqaic que'eca huaca. Ime, nache ipelecot na lqosot, huaña naqa'en ye lanataqa' Ñim Nataxala'.

Levítico 4:15 Referans Kwoze

Levítico 1:4

Qaq nache huaña yemaye da ỹashel-lec na lqaic que'eca shiguiỹac, yaqto' que'eca shiguiỹac qaỹaỹamaxareeta. Qataq nache chegoqchigui da qaỹapalaxat na lasouaxashetpi que'eca shiỹaxaua.

Números 11:25

Nache Ñim Nataxala' huenotec huetaigui so lo'oc, nache detaxaỹapegue' so Moisés, ime nache ỹacona so laỹe so saqcha'a la'añaxac maye ỹanem co'ollaxa so Moisés, nache ỹanem so setenta nqueroxonecpi. Qaq co'ollaq taigui somayepi se'eso saqcha'a na'añaxac, nache detaqa somayepi 'eeta'am ca na'aqtaxanaxanec. Qalaxaye co'ollaq ime, nache saishet da qaltaq ỹe'eguelaxa da detaqtac da 'eeta'am ca na'aqtaxanaxanec.

Números 11:16

Qalaxaye Ñim Nataxala', 'eeta': «'Alaỹona't qome ca setenta nqueroxonecpi Israel le'ecpi, maye lataxala'pi ne'ena nhuo' le'ecpi, nache 'auauegueua'a ye ñegueuo ñi npe'l, nache camayepi qataq 'am, aỹem qauachiỹaique qome.

Números 8:10

Qaq da mashe hueta'a na leviitapi ye lanataqa' Ñim Nataxala', nache na Israel le'ecpi ỹashel-lec 'anqa'en na lqaic qome namayepi.

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 8:22

Ime, nache so Moisés damaxasoxoneuga so lỹa qagueta maye nachetaqtaxanaxat, da huo'o ca qoỹanagui da lo'onataxanaxac. Nache so Aarón qataq soua llalqa ỹashel-leguete na lqaic somaye.

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Levítico 4:4

Qataq iroua'a ye ñegueuo ñi npe'l maye huaña naxa da qanauane' Ñim Nataxala' que'eca huaca, nache ỹashel-lec na lqaic. Ime, nache ipelecot na lqosot huaña naqa'en ye lanataqa' Ñim Nataxala'.

Éxodo 24:9

Ime, nache so Moisés tasheguemec aso qasoxonaxa, nnaictague' so Aarón, Nadab, Abiú qataq so setenta lqueroxonecpi so Israel le'ecpi.

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 4:16

Ime, nache ca lataxala' na ntaxaỹaxanaxanecpi ỹacona ca laỹe' ca ltago'q ca huaca, nache iroua'a na pa'auo ñi npe'l maye huaña naxa da qanauane' Ñim Nataxala',

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Números 8:12

Ime, nache na leviitapi ỹashel-lec na lqaic ca huaca llalaqpi, nache ca 'oonolec que'eca huaca llalaqpi, ỹaneuo da yaqto' qaỹapalaxat na lasouaxashetpi, qaq ca lỹa qalaq ỹanot Ñim Nataxala' da lachetaqtaxanaxat sa imauaq da qaỹavigaxatta.

2 Crónicas 29:23

Ime nache so quetaq llalaqpi maye nachetaqtaxanaxat souaxat na nasouaxashetpi, qaỹauega som hueta'a so nta'a qataq so shiỹaxauapi maye lapoota'a't da yaqto' somayepi ỹashel-lec na lqaic se'eso shiguiỹacpi.