Levítico 4:13 - La'aqtaqa Ñim Lo'onatac 'Enauacna 2013

¹³ Qaq da huo'otaq 'enauac na ỹalecta'a't Israel le'ecpi da huo'o ca npe'enaxac, qataq sa nanoma da ỹo'ot cam sa qaỹashen da qaỹo'ot, nache namayepi huo'o da lasouaxashet, cha'aye saishet da ỹalaxaguet na lqataxacpi Ñim Nataxala'.

Levítico 4:13 Referans Kwoze

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Corintios 11:27

Qaq ỹoqo'oye da huo'o ca chec ana nauole, huo'otaq nỹomgui ana ỹomaxaqui maye naigui da qaiuennate So Qarataxala', qaq da huo'otaq qaica ca naigui naqa'en, nache camaye huo'o da lasouaxashet cha'aye sa iyacnapec da lo'ocỹaxac qataq naua ltago'q So Qarataxala' Jesús.

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Esdras 10:19

somayepi ỹa'n co'ollaxa so la'aqtac da nalate' aso lamoxouapi maye chegaqauec. Ime, nache somayepi ndouo so qagueta lhuaraic da ỹauo'o lachetaqtaxanaxat da yaqto' qaỹapalaxat so lasouaxashetpi.

Josué 7:11

Na Israel le'ecpi huo'o da lasouaxashet, qataq sa ỹalaxalec da ñaỹamaxataxac maye samaxalec namayepi. Qataq ỹacona co'ollaxa na nogoxoshetpi maye samaxalec da ilaxachigui, nache ỹoxotoigui na maiche lalamaxat logoxoshet na lcachaxatpi.

Levítico 6:4

nache que'eca shiỹaxaua huo'o da lasouaxashet, nache camaye iuen da ỹe'eguelaxat que'eca lcachaxat, huo'otaq lhuotaxanaxat, huo'otaq ca nogoxoshet maye ilalec,

Levítico 4:21

Ime, nache nqateeguesop nataqa'en ye nanataqa' maye qanayeeta'a ca huaca, nache irouec da ỹavigaxat, qataq nache ỹe'enaxatchigui da ỹavigaxat ca hua'auchiguiñi huaca. Cha'aye nachetaqtaxanaxat maye sa imauaq da qaỹavigaxat, yaqto' qaỹapalaxat ca npe'enaxac na ỹalecta'a't Israel le'ecpi.

Levítico 16:5

Qataq ñi Aarón, nache ỹachegoxotaigui na Israel le'ecpi caua dos quetaq da yaqto' namayepi lachetaqtaxanaxa't maye sa imauaq da qaỹavigaxat, qataq ca qagueta lhuaraic da lachetaqtaxanaxat qaỹavigaxatta.

Números 15:22

Qaq saiuena'a da huo'o ca sa qaipaguelec ne'ena namaxasoxonaxacpi maye samaxalec so Moisés da qami' da'aqataxanema,

Salmos 19:13

Qataq aỹem 'anqateeguesop qome da ña'amqaanaxac, qataq saishet qome da aỹem 'auashenem da ña'amqaanaxac da aỹem loxonec. Yaqto' nalochiguiñi da ỹataxac, qataq saishet da lta'araic ca ỹasouaxashet.

Ezequiel 45:22

Que'eca na'a'q nache ca nta'a, ỹaneuo qome ca 'oonolec huaca llalec da lachetaqtaxanaxat souaxat na lasouaxashetpi, qataq nam lasouaxashetpi 'enauac na nhuo' le'ecpi,