Levítico 3:3 - La'aqtaqa Ñim Lo'onatac 'Enauacna 2013

³ Nache que'eca ỹaneuo aca lachetaqtaxanaqte, camaye ỹanot Ñim Nataxala' ca lcheta na lauel le'ec que'eca shiguiỹac, da yaqto' lachetaqtaxanaqte maye qaỹavigaxat,

Levítico 3:3 Referans Kwoze

Éxodo 29:13

Qaq ca lcheta ca lailshecpi, qataq ca l-lamec qataq caua lchiguishel, nache 'auavigaxa't 'auachalec aca nca'atoxonaxalate,

Mateo 15:8

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem.

Éxodo 29:22

Ime, qataq 'anqateua'a ca lcheta so la'araxashet, lailshecpi, l-lamec, lchiguishel, qataq ca lcheta na aloiguishec ltele'eta, cha'aye que'eca qagueta nachetaqtaxanaxat da huo'o ca qoỹanagui da lo'onataxanaxac da ntaxaỹaxanaxanec.

Romanos 6:6

Huo'o da ỹataqta ỹataqtegue, 'eeta': Co'olloxocheye maye qomi' 'etaxaloxoiqa, qalaxaye co'ollaq So Cristo da qaiuaxaneguet so npe'enaxaqui, nache qomi' qarleuaxaua Somaye. Qaq ỹoqo'oye de'era ñe'etaxaloxo mashe saishet da qomi' ỹamaqta'ape.

Mateo 13:16

Qalaxaye qami' maye qami' ỹapaxaguenataqa Ñim Lo'onatac 'Enauacna qami' ỹaaleguete da lqouagaxanaqtaic, cha'aye qauauañiichigui qataq qaua'aqaichigui da ỹa'aqtaxanaxac.

Ezequiel 36:26

nache qami' sanaiguilo aca dalaxai nquiyaqte, qataq ca dalaxaic saqcha'a nca'alaxa. Nache ñeqateeguesopa qami' ana nquiyaqtepi maye ỹataqta qaramchigui 'eeta'am ca coma', nache qami' sanaiguilo aca nquiyaqte maye ỹataqta huesota.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Proverbios 23:26

'Am ỹalcolec, ỹataqta aỹem 'aualaxaguet qome, qataq 'aulotelec da 'am sachaxana ỹecỹaxac,

Salmos 119:70

Cha'aye da lhuennataxac namayepi mashe sa ỹaỹamaxañi, qalaxaye naua 'arqataxaco ỹo'ot da samachiguiñi.

Deuteronómio 30:6

Qataq Ñim Nataxala' nqateua'a qome na qauemsat naua qarquiyaqchilli', nataqa'en cam qami' chegoxogueta yaqto' da qarquiyaqteỹaxaqui qataq da qanachaalataxaqui ỹataqta ỹauotec Ñim Nataxala' maye Qanatamnaxala'ai, yaqto' nache 'eetai' da qarca'alletauec.

Levítico 3:16

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñimaye, yaqto' da ama laitaỹaxac ỹamaateguet Ñim Nataxala'. Qaq 'enauac que'eca lcheta nache lalamaxat Ñimaye.

Levítico 1:8

Ime, nache ỹachalec que'eca 'epaqpi 'ettaigui maye huetalec añi nca'atoxonaxalate, ca laỹepi que'eca shiguiỹac maye mashe qanpilliguiñi, qataq ca lqaic, qataq ca lcheta ca lauel le'ecpi.

Levítico 1:12

Ime, nache npilliguiñi que'eca shiguiỹac, nache ca ntaxaỹaxanaxanec ỹachalec ca 'epaqpi maye 'ettaigui qataq huetalec añi nca'atoxonaxalate que'eca laỹepi maye npilliiguishecpi, qataq lỹateuaq naqa'en ca lqaic, qataq ca lcheta ca lauel le'ecpi.

Levítico 3:2

Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Levítico 3:4

qataq caua lchiguishel ima'aguet naqa'en ca lcheta, qataq ca lcheta ca l-laq lapat, nataqa'en ca lsheenec ca l-lamec.

1 Samuel 2:15

Nataqa'en, naxa da saxanaxa da qaỹavigaxat na lcheta, nache qaltaq nvireuo ñi 'oonolec som lamaxashecpi soomaye, nache 'eetega ñim huotaique da ỹaneuo ana lachetaqtaxanaqte, 'eeta': «Ñaq aỹem 'aỹa'anem cam lapat maye talec ñim ntaxaỹaxanaxanec da yaqto' maiche sauot, cha'aye ñimaye saishet da ỹaconeguet ca lapat da mashe datoxoic, nachaqcata cam ñaq tocchigui.»

Levítico 4:10

qataq ỹe'enaxatchigui da 'eetec da qanqat na lcheta ca huaca maye qoỹaneuo da nachetaqtaxanaxat maye qanhuaachigui. Ime, nache que'eca lataxala' ca ntaxaỹaxanaxanecpi ỹavigaxat 'enauac camaye, ỹachalec añi nca'atoxonaxalate da huo'o na qaỹavigaxat.

Levítico 7:5

Ime, nache ca ntaxaỹaxanaxanec ỹavigaxat 'enauac acamaye, ỹachalec aca nca'atoxonaxalate yaqto' nachetaqtaxanaqte maye qaỹavigaxat da qoỹanot Ñim Nataxala'. Qaq 'era da 'eetec aca'aca nachetaqtaxanaqte maye sa imauaq da qaỹavigaxat.

Levítico 7:30

qataq nacheca camaye da iroua'a añi nca'atoxonaxalate maye lalamaqte Ñim Nataxala'. Qaq huaña, nache ỹacona ca ltogue lapat qataq ca lcheta ca shiguiỹac da ỹaasheguem da ỹanot Ñimaye.

Levítico 9:10

Ime, nache ỹachalec aso nca'atoxonaxalate da yaqto' ỹavigaxat so lcheta qataq soua lchiguishel ima'aguet naqa'en so lcheta, qataq so lsheenec so l-lamec se'eso shiguiỹac, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 16:25

Qataq na lcheta ca nachetaqtaxanaxat maye sa imauaq da qaỹavigaxat, nataqa'en ỹavigaxat ỹachalec añi nca'atoxonaxalate.

Ezequiel 44:15

Na ntaxaỹaxanaxanecpi leviitapi maye chegoxoguet so Sadoc, nam queto'ot co'ollaxa da Aỹem do'onataxaatacot da huaña aso ỹalamaqte atamnaxaqui, co'ollaq na Israel le'ecpi ca'ai da ñeqa'aicỹaxac, namayepi ishet da Aỹem naua'a da Aỹem do'onataxanot. Namayepi ishet da aỹem nachaateua'a da Aỹem ỹanot na lcheta, qataq na ltago'q nam nachetaqtaxanaxatpi. Qaq 'era da ỹamaxasoxonaxac Aỹem Nataxala'.