Levítico 27:9 - La'aqtaqa Ñim Lo'onatac 'Enauacna 2013

⁹ Qaq da shiguiỹac ca qaỹachaxanapec da qoỹanot Ñim Nataxala' da nachetaqtaxanaxat, nache que'eca shiguiỹac camaye lalamaxat Ñimaye.

Levítico 27:9 Referans Kwoze

Levítico 27:8

Qaq que'eca shiỹaxaua da ỹachaxanapec co'ollaxa da ỹan ca lauo' le'ec, da ỹapac choxoraq da sa nalolec da isheeten aca lasheue camaye, nache iuen da taua'a ca ntaxaỹaxanaxanec da yaqto' camaye ỹo'ot aca lasheue, maye nalota'ai' da isheeten camaye.

Levítico 27:10

Qataq saishet da nmeneguet ca lỹa shiguiỹac, na'aictaxa camaye da 'onaxaic, huo'otaq da qallegueme da 'onaxaic. Cha'aye da nmena't que'ecaua shiguiỹa'c, nache 'enauaque caamaye da lalamaqa'ate Ñimaye.

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Proverbios 20:25

Huo'o da lchec ca ỹale da ỹalaxaraic da huo'o ca ỹachaxanapecot Ñim Lo'onatac 'Enauacna, cha'aye da ime da ỹan ca la'aqtac nache cheta'ague da deuennataxaalec.

Eclesiastés 5:6

Saishet da 'aua'aqta'a ñi 'arachaxat da ỹauo'o ca 'arasouaxashet, qaq ime nache 'aua'aqtaxanem cam lamaxashec Ñim Lo'onatac 'Enauacna da qonetega chochaq 'aulamaqalec cam 'ara'aqtac. ¿Ta'ainco' da 'auo'ot da dalemata Ñim Lo'onatac 'Enauacna souaxat cam 'ara'aqtac, nache nlaxaañi cam 'aro'onatac?

Ezequiel 48:14

Qaq que'eca nacheca ca ỹataqta no'on 'alhua maye qaiỹotauga. Qaq camaye saishet qome da qaimen ca laỹe, huo'otaq da huo'o ca nmeneguet qanqa'en, huo'otaq da huo'o ca qoỹanem lỹa shiỹaxaua, cha'aye camaye lalamaxat Ñim Nataxala'.

Mateo 15:5

Qalaxaye qami' qoñiitega, da ca 'oonolec da yaqto' saishet da sa ỹalaxaguet Ñim Lo'onatac 'Enauacna, nache 'enapega ca lta'a, 'eeta': ‹Saishet da 'am setauan, cha'aye 'enauac na aỹem hueto'ot mashe sogote da sanot Ñim Lo'onatac 'Enauacna, ivira'a ana aỹom.› Qami' saishet da qaualaqaiguet da lamaxasoxonaxac Ñim Lo'onatac 'Enauacna, nda'a't da qoquiitague' da maiche qarataxaqui.