Levítico 27:34 - La'aqtaqa Ñim Lo'onatac 'Enauacna 2013

³⁴ Qaq 'ena na lamaxasoxonaxacpi Ñim Nataxala' maye ỹanem co'ollaxa so Moisés da yaqto' ỹanem so Israel le'ecpi, co'ollaq huaña añi qasoxonaxa Sinaí.

Levítico 27:34 Referans Kwoze

Levítico 26:46

Qaq 'ena na nqataxacpi, qataq na namaxasoxonaxacpi qataq na napaxaguenataxanaxacpi, maye lapaxañi co'ollaxa so Moisés, chegoqchigui Ñim Nataxala', da ỹanem so Israel le'ecpi, huaña añi qasoxonaxa Sinaí.

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Deuteronómio 4:45

qataq na namaxasoxonaxacpi, nqataxacpi, qataq na qalapaxañi lataxacpi maye ỹa'axatem somayepi co'ollaq ca'ai ye Egipto,

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Levítico 7:38

Qaq 'era da 'eetec Ñim Nataxala' co'ollaq huaña añi qasoxonaxa Sinaí, co'ollaq ỹamaxalec so Moisés da 'enapega na Israel le'ecpi, huaña ye toolec 'alhua ye Sinaí da yaqto' ỹaneuo ana lachetaqtaxanaqtepi.

Números 36:13

Qaq 'era da namaxasoxonaxac qataq da qalapaxañi lataxac maye Ñim Nataxala' ỹanem so Moisés, da yaqto' ỹamaxalec so Israel le'ecpi co'ollaq huaña ye nalochiguiñi 'alhua ye Moab, maye sa qaỹapeque ye Jordán qataq nalotta ye Jericó.

Deuteronómio 29:1

Qaq 'enaua naua na'aqtaqa co'ollaq qaỹo'ot da aỹamaxataxac, maye Ñim Nataxala' ỹamaxalec co'ollaxa so Moisés da ỹo'ot, huaña ye Moab da yaqto' Ñimaye naỹamaxate' so Israel le'ecpi 'eeta'am co'ollaxa so huaña ye Horeb.

Números 3:1

Qaq 'era da naneraguec soua chegoxogueta so Aarón qataq so Moisés, huetoigui so na'a'q co'ollaq Ñim Nataxala' detaxaỹapegue' so Moisés, huaña añi qasoxonaxa Sinaí.

Números 28:6

Qaq ne'ena nachetaqtaxanaxat qaỹavigaxatta nachena nam qoỹaategueuo ima'ape naua na'axa'te co'ollaq huaña añi qasoxonaxa ye Sinaí, da yaqto' nachetaqtaxanaxat maye ỹamaateguet da laitaỹaxac Ñim Nataxala'.

Deuteronómio 1:3

Qaq so la'auaxanec na'a'q so ca'agoxoic once so vi'i cuarenta, nache so Moisés da'aqtaxanem co'ollaxa so Israel le'ecpi da lamaxasoxonaxac Ñim Nataxala'.