Levítico 27:32 - La'aqtaqa Ñim Lo'onatac 'Enauacna 2013

³² Qataq ca 'oonolec caua diez ca 'atetpi huaca, huo'otaq aca qagueta, qataq quetaq, nache qaiỹotauga da qoỹanot Ñim Nataxala',

Levítico 27:32 Referans Kwoze

Jeremías 33:13

Qaq nataqa'en nam huaqta'a't nỹecpi maye ỹotta'a't naua nañalo maye netalec ana qasoxonaxapi, qataq nam netaña na ca'ameguepi, qataq nam netalec yem 'alhua Néguev, qataq ye na'alhua so Benjamín, qataq 'enauac nam coleesop na Jerusalén, qataq na laỹepi huaqta'a't nỹecpi ye Judá, ỹe'eguelaxa qome da qailota'a ca qagueta lo'opi da naloqteetac aca lalo qaguetapi. Qaq 'era da ỹa'aqtac Aỹem Nataxala'.

Ezequiel 20:37

Aỹem qami' ñimi't qome, 'eeta'am da 'eetec ca qagueta lo'o da naloqten aca lalopi qaguetapi, nache so'ot da qaupaquiitelec dam ñaỹamaxataxac.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Levítico 27:31

Qaq da huo'otaq huo'o ca nshetaique da ñe'eguelaxaala't aca diezmo maye ala ca nañiguishec, nache camaye isheeten aca lasheue, qataq ỹauo'o aca ỹauaxaỹaxaalec.

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

Números 18:21

Qaq na leviitapi, sanem qome da lalamaqte ana diezmo maye Aỹem ỹanem na Israel le'ecpi, da nsheetenaqte ñaqa'en da lo'onataxanaxac souaxat da huetague' na no'onatacpi maye huaña ñi npe'l maye naỹonqa'.