Levítico 27:28 - La'aqtaqa Ñim Lo'onatac 'Enauacna 2013

²⁸ Qaq da huo'otaq huo'o ca mashe ỹanot co'ollaxa Ñim Nataxala' ca lalamaxat logoxoshetpi, huo'otaq da shiỹaxaua, shiguiỹacpi, huo'otaq na'alhua da yaqto' nache 'eetai' da lalamaxat Ñimaye, nache saishet da imen, qataq da ñe'eguelaxaala't da desheenaxana, cha'aye ỹataqta sa qaishetapec, qataq mashe lalamaxat Ñim Nataxala'.

Levítico 27:28 Referans Kwoze

Éxodo 22:20

Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.

Levítico 27:21

Qaq que'eca 'alhua da ivita ca vi'i maye laloxoqui da ỹe'eguelaxa da huesochiguiñi 'enauacna, nache camaye nache 'eetai' da lalamaxat Ñim Nataxala', qataq lalamaxat ca ntaxaỹaxanaxanecpi.

Deuteronómio 25:19

Ỹoqo'oye qom ivita da Ñim Lo'onatac 'Enauacna, qami' isoueeguesopa ye ỹotta'a't shiỹaxauapi maye qampa'aguenaxauaipi yem lauoreuapi yi'iye 'alhua, maye qami' ỹanema qome Ñim Nataxala' maye Qanatamnaxala'ai. Nache ỹataqta qauapalaxache qome da le'enaxat nam chegoxoguetpi so Amalec yi'iye 'alhua. ¡Saishet qome da qaucouaỹa'ai de'era!

1 Samuel 15:18

Qaq Ñim Nataxala' da huo'otaq 'am ỹamaxalec co'ollaxa da 'anqo'ona da 'aulaxachigui se'eso 'etaxaloxoicpi amaleciitapi, qataq ỹataqta 'anmatchiguiñi da 'aualauat.

Josué 7:1

Qalaxaye huo'o so 'oonolec so nhuo' le'ecpi maye chegoxoguet so Judá, somaye le'enaxat Acán, qaq somaye llalec so Carmi, qaq so Carmi nache laual so Zabdi, qaq so Zabdi nache laual so Zeraj, qaq se'eso Acán qalota co'ollaxa so ỹacona som nogoxoshetpi maye qaỹamaxasoxoolec co'ollaxa da qailaxachigui. Qaq ỹoqo'oye ỹataqta 'eroigui da lalemataic Ñim Nataxala', nache nmatañi da dalemataỹa so Israel le'ecpi.

Josué 6:26

Huaña nache so Josué ỹauo'o so ỹan la'aqtac, 'eeta': «Ỹataqta qauem qome ca talec ca shiỹaxaua qom nshetaique da ỹe'eguelaxalec da no'oxoosheguem ne'ena huaqta'a't nỹecpi na Jericó. Cha'aye Ñim Nataxala', talec naqa'en qome da nhuaxanaguec que'ecaua llalqa que'eca shiỹaxaua qom no'oxoosheguem ne'ena huaqta'a't nỹecpi qataq qom ỹanauo ca lasom.»

Números 18:14

Qaq 'enauac na nachetaqtaxanaxat maye Aỹem ỹanem na Israel le'ecpi, nache 'am sanem da 'aralamaxat.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Romanos 9:3

Huo'o da ñeque'eenaxac souaxat nam judiopi maye ihuo' le'ecpi, qaq aỹem sauotaique da setauan namayepi. Qaq ỹoqo'oye aỹem ỹataqta qaica ca shectega da aỹem talec ca camachaqca qauem qataq aỹem qaỹoqta Ñim Lo'onatac 'Enauacna qataq So Cristo, da huo'otaq chegoqchigui damaye, da itauan namayepi da nquicot Ñimaye.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

1 Samuel 15:3

Qaq ỹoqo'oye nagui 'anqo'ona yemayepi, nache saishet da 'auchoxoreetac da 'auloquiaxan, nache ỹataqta 'anmatchiguiñi qome da 'aualauat 'enauac ye ỹalleppi, 'alpi, ñaqpiolec, qataq na cheta'ague da ñiguiñi, qataq aye huacapi, qaguetapi, cameellopi qataq 'ashenapi.»

Jueces 21:18

Qalaxaye qomi' saishet da sanaxauec ana qoyalepi da huaroneguet namayepi, cha'aye 'enauac nam Israel le'ecpi mashe sanaq co'ollaxa so qara'aqtac da qaỹo'ot da nhuaxanaguec cam ỹan aca llale da huaroneguet naqa'en nam chegoxoguetpi so Benjamín.

Jueces 21:11

qataq 'enauac som ỹalleppi, qataq so 'alpi maye mashe lauatapiguiñi' na ỹale.

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Levítico 27:27

Qaq da huo'o ca huotaique da ñe'eguelaxaala't ca shiguiỹac maye ỹaneuo co'ollaxa nam saishet da qui'itta, nache isheeten aca lasheue maye ỹanagui ca ntaxaỹaxanaxanec, qataq ỹauo'o aca ỹauaxaỹaxaalec aca ỹoqta lasheue camaye. Qalaxaye da saishet da ñe'eguelaxaala't da desheenaxana, nache camaye qaimen qataq ipacchigui aca lasheue maye ỹanagui ca ntaxaỹaxanaxanec.

Levítico 27:29

Qataq ca shiỹaxaua maye mashe qoỹanot Ñim Nataxala' da yaqto' nache 'eetai' da lalamaxat Ñimaye, nache saishet da qaltaq qañe'eguelaxaala't da qaisheenaxana, nacherata da qaỹalauat da yaqto' nachetaqtaxanaxat.

Deuteronómio 7:26

Qaq ỹoqo'oye saishet da qauroiua'alo naua qarma'achilli' nam qaiqaiga, nacherata da 'enauac qauasaqaiuec qataq qauqaiquiỹa, yaqto' saishet da qami' qailaxachiguilo, cha'aye yemaye ỹataqta sa qaishetaxateguet.

Ezequiel 44:29

Namayepi, ishet qome da chectac nam ala na nañiguishec, maye Aỹem ỹanot na Israel le'ecpi, qataq na shiguiỹacpi maye qoỹaneuo da nachetaqtaxanaxatpi souaxat na nasouaxashetpi, qataq ca nachetaqtaxanaxat souaxat ca lỹa nasouaxashet. Qataq 'enauac qome nam iỹotauga na Israel le'ecpi da Aỹem ỹanot, nache lalamaxat qome namayepi.

Ezequiel 48:14

Qaq que'eca nacheca ca ỹataqta no'on 'alhua maye qaiỹotauga. Qaq camaye saishet qome da qaimen ca laỹe, huo'otaq da huo'o ca nmeneguet qanqa'en, huo'otaq da huo'o ca qoỹanem lỹa shiỹaxaua, cha'aye camaye lalamaxat Ñim Nataxala'.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.