Levítico 27:26 - La'aqtaqa Ñim Lo'onatac 'Enauacna 2013

²⁶ Qaq ca la'auaxanec llalec ca 'atetpi, camaye nache 'eetai' da lalamaxat Ñim Nataxala'. Ỹoqo'oye qaica qome ca ỹe'egueeta'a da ỹaneuo ca huaca llalec, huo'otaq ca qagueta llalec, cha'aye camaye mashe sogote da lalamaxat Ñim Nataxala'.

Levítico 27:26 Referans Kwoze

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Deuteronómio 15:19

Qaq ca la'auaxanec llalec ỹale aca huaca, huo'otaq aca qagueta, nache 'auỹotauga da lalamaxat 'anqa'en Ñim Nataxala' maye 'Anatamnaxala'. Qataq saishet da 'auo'onataxanaxan da 'auauegaxaalec ca la'auaxanec llalec aca huaca, huo'otaq da 'anpetec na laue ca la'auaxanec llalec aca qagueta.

Números 18:17

Qalaxaye ca la'auaxanec llalec ana huaca, qagueta, qataq na quetaq, saishet da huo'o ca lasheue da nmeneguet 'anqa'en. Cha'aye namaye qaiỹotauga da ỹalamaxat, nache qaỹalauat qome, qaq na ltago'q, nache qaiquetegaxaalec añi nca'atoxonaxalate, qaq na lcheta qaỹavigaxat da nachetaqtaxanaxat, yaqto' da ama laitaỹaxac ỹamaateguet Ñim Nataxala'.

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.

Levítico 27:27

Qaq da huo'o ca huotaique da ñe'eguelaxaala't ca shiguiỹac maye ỹaneuo co'ollaxa nam saishet da qui'itta, nache isheeten aca lasheue maye ỹanagui ca ntaxaỹaxanaxanec, qataq ỹauo'o aca ỹauaxaỹaxaalec aca ỹoqta lasheue camaye. Qalaxaye da saishet da ñe'eguelaxaala't da desheenaxana, nache camaye qaimen qataq ipacchigui aca lasheue maye ỹanagui ca ntaxaỹaxanaxanec.

Números 3:13

cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»

2 Reyes 7:5

Ỹoqo'oye so mashe pe, nache ñeyeshegue'm, nache tareuga so lanataqa' so siiriopi, qaq co'ollaq mashe nayeetraua'a somaye, nache ỹaỹate'n da qaica ca hueta'a se'eso nanataqa'.

Nehemías 10:36

Nataqa'en seroxoua'a so ntaxaỹaxanaxanecpi so qara'auaxanec qoyalaqpi, da yaqto' qoỹanot Ñim Lo'onatac 'Enauacna. Nataqa'en seroxoua'a so la'auaxanec llalaqpi so qana'atetpi, huaca, qataq aso qagueta da yaqto' qaipacchigui da 'enapec naua nanettrañi nqataxaco.