Levítico 27:21 - La'aqtaqa Ñim Lo'onatac 'Enauacna 2013

²¹ Qaq que'eca 'alhua da ivita ca vi'i maye laloxoqui da ỹe'eguelaxa da huesochiguiñi 'enauacna, nache camaye nache 'eetai' da lalamaxat Ñim Nataxala', qataq lalamaxat ca ntaxaỹaxanaxanecpi.

Levítico 27:21 Referans Kwoze

Ezequiel 44:29

Namayepi, ishet qome da chectac nam ala na nañiguishec, maye Aỹem ỹanot na Israel le'ecpi, qataq na shiguiỹacpi maye qoỹaneuo da nachetaqtaxanaxatpi souaxat na nasouaxashetpi, qataq ca nachetaqtaxanaxat souaxat ca lỹa nasouaxashet. Qataq 'enauac qome nam iỹotauga na Israel le'ecpi da Aỹem ỹanot, nache lalamaxat qome namayepi.

Números 18:14

Qaq 'enauac na nachetaqtaxanaxat maye Aỹem ỹanem na Israel le'ecpi, nache 'am sanem da 'aralamaxat.

Levítico 25:31

Qalaxaye ca nỹecpi maye netaigui na qaica ca lpaqtaxat, camayepi 'eeta'am qanqa'en da lataxac ca 'alhua, da ishet da qaltaq qañe'eguelaxaala't da qaisheenaxana, huo'otaq qaỹe'eguelaxat da ivireuga ca vi'i maye laloxoqui da ỹe'eguelaxa da huesochiguiñi 'enauacna.

Levítico 25:28

Qalaxaye da saishet da ivi' aca lasheue da yaqto' ñe'eguelaxaala't ca na'alhua, nache camaye nache 'eetai' da hueto'ot ca shiỹaxaua maye desheenaxana co'ollaxa, choche ivitta'a ca vi'i maye laloxoqui da ỹe'eguelaxa da huesochiguiñi 'enauacna. Huaña, nache ca imen ca na'alhua ishet da ỹe'eguelaxa da qaltaq nalec ca lalamaxat na'alhua.

Levítico 25:10

Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Esdras 10:8

Nataqa'en qaiqattega 'enauac ca saishet da nvireuo caua tres na'axa'te maye naloqnaqa, maye ỹecchiguilo so nataxala'pi qataq so chegoqtacotpi na nqataxac, nache camaye qaiuotaxanec ca logoxoshetpi, qataq qaỹamaqhuec da ca'ai qanqoỹen som cheta'ague da ñe'eguelaqpi.

Josué 6:17

Qaq ne'ena huaqta'a't nỹecpi, qataq 'enauac na huetaiguipi, ỹataqta qanlaxatchiguiñi qome da qoỹanot Ñim Nataxala', cha'aye nache lamaxasoxonaxac Ñim Nataxala'. Qalaxaye nachacata aca Rajab maye quisheguetaxai da qauchoxoyiñi qome da nachaalataxac, qataq 'enauac cam ỹe'egueneua'a ye lma', cha'aye acamaye ỹoxooyiñi co'ollaxa soua qaramaxa'ashe da nmeenaxara ne'ena.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

Levítico 27:20

Qalaxaye da sa ỹañoxot da ñe'eguelaxaala't, qataq mashe imenot ca lỹa shiỹaxaua que'eca na'alhua, nache camaye saishet da ỹe'eguelaxa da ñe'eguelaxaala't.

Levítico 27:22

Da huo'o ca ỹachaxanapec da ỹanot Ñim Nataxala' ca 'alhua maye lsheenaxanaxat, da saishet da lalamaxat co'ollaxa ca maiche lauo' le'ecpi camaye,