Levítico 27:2 - La'aqtaqa Ñim Lo'onatac 'Enauacna 2013

² «'Aua'aqtaxanem qome na Israel le'ecpi, qoneta': Da huo'otaq huo'o ca ỹachaxanapec co'ollaxa ca lauo' le'ec da ỹanot Ñim Nataxala', nache da huotaique da ñe'eguelaxaala't camaye, nache isheeten ipagaqchiichigui aca lasheue.

Levítico 27:2 Referans Kwoze

Números 6:2

«Qonapega qome na Israel le'ecpi qoneta': Da huo'o ca ỹale, qataq 'alo da nañan da qaiỹotauga da lalamaxat Ñim Nataxala',

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

Jueces 11:39

Qaq co'ollaq mashe inoxoorec se'esoua dos ca'agoxoiqa, nache asomaye ñe'eguelaxaua'a ye hueta'a so lta'a. Nache somaye ipacchigui da ỹo'ot so la'aqtac maye ỹanot co'ollaxa Ñim Nataxala'. Qaq asomaye saxanaxa da ỹauana ca ỹale.

Números 30:3

Qaq da huo'o aca qa'añole maye ñaq neto'ot ca lta'a, da ỹanot ca la'aqtac Ñim Nataxala', huo'otaq da ỹan ca la'aqtac da 'eetega ipacchigui,

Números 21:2

Qaq huaña, nache so Israel le'ecpi ỹanot da la'aqtac Ñim Nataxala', 'eeta': «Da qomi' 'autaua'n da qoroxonec ne'ena qampa'aguenaxauapi, nache ñemataqchiguiñi qome da selaxataxagui 'enauac na lalamaxat huaqta'a't nỹecpi maye ỹotta'a't naua nañalo.»

Levítico 27:1

Ñim Nataxala' 'enapega so Moisés, 'eeta':

Deuteronómio 23:24

Qaq da huo'otaq 'anqo'oneua'a ca lañiguishe uva lma' ca 'arỹa, nache ishet da maicheye ca tachiguiña aca qollec, qalaxaye saishet da huo'o aca 'auache da 'auachangui aca 'arachoxonaxaqui npaqta.

2 Reyes 12:5

na ntaxaỹaxanaxanecpi ỹaconeguet qome acam nañaneuo nam maiche lauo' le'ecpi, nache qauo'ogoxoñiỹa acamaye da qanapareñi na huaña na lpoxoỹaxapi añi atamnaxaqui.

Eclesiastés 5:3

Cha'aye da qalota na nhuennataxacpi, nache ỹo'ot da ñi'iỹaxa, qataq da ỹaguec da ntaxaỹaxac, nache ivira'a da qaica ca naigui nam qaỹa'axatpi.