Levítico 27:17 - La'aqtaqa Ñim Lo'onatac 'Enauacna 2013

¹⁷ Qaq da huo'otaq huetoigui ca vi'i cincuenta maye laloxoqui da ỹe'eguelaxa da huesochiguiñi 'enauacna, nache camaye ipacchigui aca maiche lasheue maye qoỹanagui co'ollaxa.

Levítico 27:17 Referans Kwoze

Levítico 27:14

Qaq da huo'o ca ỹanot Ñim Nataxala' ca lma', nache ca ntaxaỹaxanaxanec ỹo'ot aca lasheue que'eca nỹec. Nache aca lasheue maye ỹanagui ca ntaxaỹaxanaxanec, nachaca aca lasheue camaye.

Levítico 27:16

Qaq da huo'o ca ỹachaxanapecot da ỹanot Ñim Nataxala' ca na'alhua laỹe, nache aca lasheue qanaloqnagui ye lcachiguiñi que'eca 'alhua, nache aca doscientos veinte kilos aca nañiguishe ala cebada, acamaye cincuenta caua lca'achole ca lcat plata aca lasheue da qaisheeten que'eca lalamaxat 'alhua.

Levítico 27:18

Qalaxaye da ỹaneuo co'ollaq mashe inoxonec que'eca vi'i, nache ca ntaxaỹaxanaxanec naloqteetegueta aca lasheue caua vi'iye da saxanaxa da ivireuga ca vi'i, da ỹe'eguelaxa da qaltaq huesochiguiñi 'enauacna.

Levítico 25:9

Qaq ca na'a'q diez que'eca ca'agoxoic siete, nache huetoigui da qaỹapalaxat ca nasouaxashet, nache qami' qauashiiyigui aca nasheere peenaq lcoue, que'eca qoñiitaña qana'alhuai.

Levítico 25:10

Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Levítico 25:11

Qaq que'eca vi'i cincuenta, nache laloxoqui da ỹe'eguelaxa da huesochiguiñi 'enauacna, nache qaica ca danaxan qataq da nqat aca ala ca nañiguishec maye maiche ñaxat, qataq saishet da qanqat aca ala aca nañiguishe uva,

Levítico 25:13

Nache que'eca vi'i maye laloxoqui da ỹe'eguelaxa da huesochiguiñi 'enauacna, qami' qaltaq qavi'iguelaqailec da qoñiỹalec ca maiche qaralamaxache qana'alhuai.