Levítico 27:13 - La'aqtaqa Ñim Lo'onatac 'Enauacna 2013

¹³ Qaq da huo'otaq qaỹauotaique da qaỹe'eguelaxat que'eca shiguiỹac, nache aca lasheue camaye huo'o aca qaỹauaxaỹaxaalec.

Levítico 27:13 Referans Kwoze

Levítico 27:19

Qaq que'eca ỹaneuo que'eca na'alhua, da huo'otaq huotaique da ñe'eguelaxaala't, nache iuen da ỹauo'o aca ỹauaxaỹaxaalec aca ỹoqta lasheue camaye. Nache que'eca 'alhua ishet da ỹe'egueloqot que'eca shiỹaxaua.

Levítico 27:15

Qalaxaye ca ỹaneuo que'eca nỹec da huo'otaq ñe'eguelaxaala't, nache iuen da ỹauo'o aca ỹauaxaỹaxaalec aca ỹoqta lasheue camaye. Nache que'eca nỹec ishet da ỹe'egueloqot que'eca shiỹaxaua.

Levítico 22:14

Qaq ca shiỹaxaua da ilamaxata'a da chec ca nallec maye qoỹaneuo da nachetaqtaxanaxat, nache camaye iuen da isheeten ca nallec maye chec, qataq ỹauo'o aca ỹactec lsheetenaxanaqte, da ỹanem ca ntaxaỹaxanaxanec.

Levítico 27:10

Qataq saishet da nmeneguet ca lỹa shiguiỹac, na'aictaxa camaye da 'onaxaic, huo'otaq da qallegueme da 'onaxaic. Cha'aye da nmena't que'ecaua shiguiỹa'c, nache 'enauaque caamaye da lalamaqa'ate Ñimaye.

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Levítico 27:12

da yaqto' camaye ỹauo'o ca lashiichiỹaxac. Nache aca lasheue maye ỹanagui ca ntaxaỹaxanaxanec, nachaca aca lasheue.

Levítico 27:14

Qaq da huo'o ca ỹanot Ñim Nataxala' ca lma', nache ca ntaxaỹaxanaxanec ỹo'ot aca lasheue que'eca nỹec. Nache aca lasheue maye ỹanagui ca ntaxaỹaxanaxanec, nachaca aca lasheue camaye.

Levítico 27:27

Qaq da huo'o ca huotaique da ñe'eguelaxaala't ca shiguiỹac maye ỹaneuo co'ollaxa nam saishet da qui'itta, nache isheeten aca lasheue maye ỹanagui ca ntaxaỹaxanaxanec, qataq ỹauo'o aca ỹauaxaỹaxaalec aca ỹoqta lasheue camaye. Qalaxaye da saishet da ñe'eguelaxaala't da desheenaxana, nache camaye qaimen qataq ipacchigui aca lasheue maye ỹanagui ca ntaxaỹaxanaxanec.