Biblia Todo Logo
Bib sou entènèt

- Piblisite -




Levítico 26:9 - La'aqtaqa Ñim Lo'onatac 'Enauacna 2013

9 Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Gade chapit la Kopi




Levítico 26:9
31 Referans Kwoze  

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.


Qaq Aỹem ñaralaxat qome ca ñaỹamaxataxac da 'am ñaỹamaxate', qaq huaña qome nache 'auaỹaten da nachaỹem maye Aỹem Nataxala'.


Qataq 'aỹa'anem da ỹataqta qalota so llalaqpi somayepi, 'eeta'am ana huaqaañipi maye neto'ot na piguem, qataq 'aunoxonaqcheteua'a ye 'alhua maye 'auachaxanapeguem co'ollaxa da 'aỹa'anem so hua'au lta'alpi.


Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.


Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.


Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.


Qataq Ñim Nataxala' 'am ỹanem qome da lchoxonnataxanaxa, nache ỹataqta qalota naqa'en ca 'aỹa'alaqpi, qataq ca llalec ca 'arelo shiguiỹacpi, qataq sa qoue naqa'en da alaỹaxac ca 'añiguishecpi maye ñaxaalec yi'iye 'alhua maye Ñim Nataxala' ỹachaxanapeguem co'ollaxa so hua'au 'arta'alpi.


Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.


Qaq 'am qoneta': «Aỹem ñaỹamaxate' so lleca'aguishec. Sachaxanapeguem so ỹamaxashec David da sepacchigui qome da ỹa'aqtac, 'eeta':


Qataq huo'o qome da nchoxonnataguec ca 'aỹa'alaqpi, qataq no'on da alaỹaxac ca 'añiguishecpi, qataq da lañaxataxac ca llalec aca 'arelopi huacapi, qaguetapi, qataq 'enauac ca laỹe shiguiỹacpi maye 'arelopi.


Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.


Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.


qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.


Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.


Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,


Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.


Qalaxaye Aỹem, 'am ñaỹamaxate' qome, qaq aca 'annotaxaqui inoxooroigui qome naua 'aỹa'alqa, 'arhua, 'aratel qataq 'am.


So hua'au ñaỹamaxataxac, nache sacoota'a na lhuaq som hua'au qarta'ailpi qataq ñeqateeguesop ye 'alhua Egipto. Ime, nache sauo'o so ñaỹamaxataxac da ñaỹamaxate' somayepi. Qalaxaye somayepi saishet da ipaguelec, ỹoqo'oye saxaañi da seqochetega somayepi.


Nache aỹem sasategueta soomaye sheeta': Ñim Lo'onatac 'Enauacna maye ilotague' na piguem, Ñimaye qomi' ỹanema qome da huo'o ca ishet da semataq. Cha'aye maiche qomi' lamaxa'she, ỹoqo'oye nagui qaltaq ño'oxonaxasheguem namaye. Qalaxaye qami' saishet da qomi' sa qaualemaxache', cha'aye qaica ca qoñeec, qataq saishet da qananaquiite' na Jerusalén.


Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.


Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»


da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,


qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›


qataq da saishet da qauacoñiiguet, qataq sa qaushetaxachiiguet na iqataxacpi, qataq na ỹamaxasoxonaxacpi, qataq da sa qaualaqaiguet namayepi, qataq qaica ca 'enec qanqa'eñi da ñaỹamaxataxac,


Nache Ñimaye ỹataqta qami' ỹauoteque, qami' ichoxore'n, qataq nquictauec naqa'en na qaỹa'alquipi. Qataq ỹanem da lchoxonnataxanaxa ca qaỹa'alquipi qataq ca qana'alhuai no'on naqa'en da 'alaỹaxac ca qorañiguishequi, qataq ca 'atetpi, huaca qataq aca qagueta da huaña yi'iye 'alhua maye ỹachaxanapeguem co'ollaxa da ỹanem so hua'au qarta'ailpi.


Qaq Aỹem ñepaxattalec qome qataq so'ot da qana'atsheguem qataq qoỹanaxaalec.


Qalaxaye nagui aỹem datalec ne'ena nhuo' le'ecpi maye 'arca'aguishec co'ollaxa, nam shiỹaxauapi maye qalota, qaq souaxat da ỹataqta qalota nache qaica ca ivi' da naloqten.


Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.


Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»


Swiv nou:

Piblisite


Piblisite