Levítico 26:5 - La'aqtaqa Ñim Lo'onatac 'Enauacna 2013

⁵ nache sa qoue qome na ala ca nañiguishec, choche ivitta'a da qanqat aca ala aca uva, qaq aca ala aca uva, acamaye choche ivitta'a qome ca laloxoqui da qaltaq qoỹaañi ca nañiguishec, nache que'eca qoñiitaña qana'alhuai, qaica ca leetapigui lauel, cha'aye sa qoue qome ca qanallec ivitta'a da ỹataqta qami' comaraxaiqa.

Levítico 26:5 Referans Kwoze

Amós 9:13

Qataq natrauo caua na'axa'te qom ñaq qanqattac na ala na trigo, nache mashe qaltaq qana'ayisheguem nam nanaxanaqa'pi, qataq qom ñaq saxanaxa da ime da qailaxattapigui ana ala ana uvapi, nache mashe qaltaq qoỹaañi na trigo. Nache na lataxa qalaq 'eeta'am na la'auaxacpi na 'etaxat da chegaqasheguema ana qasoxonaxapi qataq ana lcomaraxalatepi.

Joel 2:26

Qaq nache qaviyeeta'a da ỹataqta qami' comaraxaiqa, huaña, nache qavio'oxoreñi da le'enaxat Ñim Nataxala' maye Qanatamnaxala'ai, maye qami' ỹo'oteque nam ỹataqta lta'araic maye ỹo'ot da na'aalaxa. Huaña nache ne'ena ỹalamaxat nhuo' le'ecpi, saishet qome da huo'o ca na'aloxootaique.

Joel 2:19

Nache Ñim Nataxala', 'enapec: «Aỹem samaxa qome namayepi na trigo, lataxa qataq na aceite, nache ivitta'a ñaqa'en da ỹataqta comaraxaicpi namayepi, qaq nam ỹotta'a't shiỹaxauapi saishet qome da sashenem da ỹe'eetac namayepi.

Proverbios 1:33

Qalaxaye ca aỹem na'axaỹaxana, qalaq huo'o qome da l-lagaxayec, qataq saishet da ñe'etaique ca qauem.»

Deuteronómio 11:15

Nataqa'en Ñimaye ỹo'ot qome da ñaxat na 'auaqpi naua no'onaxaye da yaqto' huo'o na aloq na qareloipi, qataq qauqui'iitac nache ỹataqta qami' comaraxaiqa.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Hechos 14:17

Qalaxaye ñaqaiyeta Ñimaye ỹataqta qomi' nachaxaatalo, da qomi' ỹo'oteque da ỹaỹamaqchiguiñi, da qomi' namaxalo na auot, qataq 'onaxaic naqa'en na qorañiguishec, qataq sa qoue naqa'en na qonoq, da yaqto' samaqchiguiñi.

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Oseas 2:18

Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.

Salmos 144:13

Naua naỹamaqtaxaqui' na ala na qorañiguishec, ña nlaqchiguilo qome ca ỹotta'a't ala ca qorañiguishec, qataq ca qana'atetpi ỹataqta nquictauec qome ye lcata, nache ỹataqta nlaqtelec na qano'onaxapi.

Isaías 1:19

Da qauasacheeguet da qami' laxaraiqa, qaq huaña nache qolliquiitac qome na ỹataqta no'on maye chegaqaigui ana 'alhua,

Isaías 30:23

Qaq Ñim Nataxala' qami' ỹanema qome ca auot, qom qaỹa'añiỹoigui na 'alhua aca qa'añiguishe ala, nache na 'alhua ỹataqta qalota qome ca ñaxaalec trigo. Qaq que'eca na'a'q nache ca qareloipi ỹataqta qolochiguiñi qome ca lquia'aqa'.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.

Joel 2:22

Qataq saishet da qayi'iitac qami' shiguiỹacpi no'onaxa le'ecpi, cha'aye nsalauec qome na 'auaqpisat, qataq huo'o qome ana ala ana qo'oipaqpi, nache huo'o ana ala ana hiigopi qataq ỹaguec ana ala ana uvapi.