Levítico 26:45 - La'aqtaqa Ñim Lo'onatac 'Enauacna 2013

⁴⁵ Nacherata da sepagaqchigui qome da ñaỹamaxataxac co'ollaq ñaỹamaxate' so qarta'ailpi, maye ñeqateeguesop co'ollaxa ye Egipto, ỹauaachigui ñaqa'en na lma' naua lỹa't 'aleu' da yaqto' Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Levítico 26:45 Referans Kwoze

Levítico 25:38

Qaq 'era da ỹa'aqtac, Aỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' qami' sanema ye 'alhua Canaán da yaqto' Aỹem Qanatamnaxala'ai.

Ezequiel 20:22

qalaxaye sha'axaneguet co'ollaxa damaye, souaxat dam la'amaqchec da ỹe'enaxat, yaqto' saishet da saiyacnapec da ỹe'enaxat nam ỹotta'a't shiỹaxauapi, maye ỹauaachigui co'ollaq ñeqateeguesop ye Egipto namayepi.

Ezequiel 20:9

Qalaxaye souaxat da la'amaqchec da ỹe'enaxat, qataq yaqto' saishet da qauem da na'aqtaguec namayepi da ỹalectaigui na ỹotta'a't shiỹaxauapi, cha'aye nache ỹalecta'aguet co'ollaxa ne'ena ỹotta'a't shiỹaxauapi co'ollaq ñachaxana namayepi, qataq co'ollaq sachaxanapeguem da ñeqateeguesop ye Egipto.

Levítico 22:33

qataq qami' ñeqateeguesopa co'ollaxa ye Egipto da yaqto' nache Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Romanos 11:12

Qaq nagui da souaxat da sa ỹalaq na judiopi, nache 'enauac na shiỹaxauapi maye huetalec ana 'alhua ỹaconeguet da ntaunaguec, ¡qaq ỹoqta 'eesa da ỹaconeguet namayepi da ntaunaguec qom 'enauac nam judiopi da ỹoltaq ỹaỹamaxareeta Ñim Lo'onatac 'Enauacna!

Ezequiel 20:14

qalaxaye souaxat da la'amaqchec da ỹe'enaxat, nache saishet da so'ot damaye, qataq yaqto' saishet da saiyacnapec da ỹe'enaxat nam ỹotta'a't shiỹaxauapi maye ỹauaachigui co'ollaq ñeqateeguesop ye Egipto namayepi.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 6:8

Nache qami' sauegalo qome ye 'alhua maye sachaxanapeguem co'olloxocheye so Abraham, Isaac qataq so Jacob. Qaq yemaye nagui qami' sanema da ỹataqta qaralamaxache qarmaye. Aỹem ỹa'aqtac maye Nachaỹem Nataxala'.»

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 9:15

Qaq huaña qome, nache tachigui ye iuel, da ñaỹamaxataxac, co'ollaq qami' ñaỹamaxatto, qataq 'enauac na shiguiỹacpi. Qaq nache saishet qome da qaltaq huo'o ca auot lta'araic da qami' ilaxachiguilo.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Levítico 11:45

Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Deuteronómio 4:31

qaq cha'aye Ñimaye choxonnataxanaxaic, nache saishet da qami' sa ichoxore'n, huo'otaq da qami' nlaxaayiñi, qataq saishet da icoua'ai da ỹan la'aqtac maye 'eetega ipacchigui co'ollaq naỹamaxate' so hua'au qarta'ailpi.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Deuteronómio 9:27

'Auennata'alo qome soua 'aramaxa'she Abraham, Isaac, qataq Jacob. Nache saishet qome da 'aulotagui da ỹataqta sa ỹalaq ne'ena shiỹaxauapi, qataq qauem da lataxac qataq souaxat na lasouaxashetpi,

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.