Levítico 26:43 - La'aqtaqa Ñim Lo'onatac 'Enauacna 2013

⁴³ yem 'alhua maye taỹa'a da qoquiỹa'ai qome, da yaqto' ỹataqta nmatec, nachichiigui da qami' saishet da qoñiỹalec. Qalaxaye qauaỹachiñiita qome da qami' huo'o da qanpe'enaxaqui, souaxat da sa qaualaqailec na ỹamaxasoxonaxacpi qataq na iqataxacpi.

Levítico 26:43 Referans Kwoze

Romanos 8:7

Nam saishet da nllañi nam qauem lqopitaxanaqtaicpi nda'a't da iuennatega da ỹo'ot ca qauem, nache namayepi ỹataqta ipa'agueetac Ñim Lo'onatac 'Enauacna. Cha'aye sa ỹaỹamaxaren qataq saishet da ỹalaxaguet na lamaxasoxonaxacpi Ñimaye.

Levítico 26:15

qataq da saishet da qauacoñiiguet, qataq sa qaushetaxachiiguet na iqataxacpi, qataq na ỹamaxasoxonaxacpi, qataq da sa qaualaqaiguet namayepi, qataq qaica ca 'enec qanqa'eñi da ñaỹamaxataxac,

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Daniel 9:14

Qaq ỹoqo'oye 'Am Nataxala', 'auqataxanai' co'ollaxa de'era qauem, nache qomi' 'anamaxalo da qomi' taleguete, cha'aye 'am Nataxala' maye 'am Qanatamnaxala', ỹataqta nalochiguiñi 'enauac nam 'auo'otpi, qalaxaye qomi' saishet co'ollaxa da 'am ña'axaỹaxanaxa.

Jeremías 31:19

Aỹem 'am sheca'ai co'ollaxa qalaxaye huo'o da ñetogotaxac, saỹateeta da huo'o da ỹasouaxashet, nache seuet ana itogue, qaq ỹataqta huo'o da ỹa'agaxa qataq ñanomta da qaica ca shenec, souaxat na ỹasouaxashetpi chegoqta'a co'ollaq ñaq aỹem nsoqolec.›

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Salmos 119:75

'Am Nataxala', aỹem saỹaten da naua no'oñi 'arhuennataxaco ỹataqta ỹaỹamaqchiyiñi, qaq ỹoqo'oye 'itchiguiñi da 'auo'ot da ñeque'eenaxac.

Salmos 119:71

Qaq aỹem no'onaxat co'ollaxa da huo'o da ñeque'eenaxac, cha'aye nachera da ỹo'ot da sauatto'n naua 'arqataxaco.

Salmos 119:67

Cha'aye co'ollaq saxanaxa da huo'o da ñeque'eenaxac nache qalota na isomaxacpi, qalaxaye nagui, aỹem salaxagueta naua 'ara'aqtaqa.

Salmos 50:17

Ye 'am sa 'auaỹamaxaren da 'am sachaxana ca 'arsomaxac qataq qaica ca 'aỹa'anaiguilo naua ỹa'aqtaqa.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Da na'aqtaguec so Job 5:17

Qaq ỹataqta machiguiñi qome ca shiỹaxaua maye Ñim Lo'onatac 'Enauacna ỹaỹamaxaañi ca lsomaxac, ỹoqo'oye saishet qome da 'aumaqa'aguet da lviraqtaxanaxac Ñim Qaica ca Ỹaqalanapec.

2 Crónicas 33:12

Qalaxaye somaye co'ollaq huo'o da lhuogoxo, nache iỹaxanot Ñim Nataxala' maye Natamnaxala', nache ỹataqta nmanot Ñim Natamnaxala' som hua'au lta'alpi.

Levítico 26:41

qaq nachera da ỹo'ot qome da qami' sataỹa'agueta, qataq qanqo'oñiỹa ñaqa'en ca na'alhua ca qampa'aguenaxauaipi, yaqto' sa na'amaqten da qarquiyaqteỹaxaqui. Huaña, nache saishet da qauqolliguichi da qanhuaxanaguiiqui.

Levítico 26:30

Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

2 Crónicas 36:21

da yaqto' ipacchigui som la'aqtac co'ollaxa Ñim Lo'onatac 'Enauacna maye chegoqchigui naqa'en so la'aqtaxanaxanec Jeremías. Qaq 'era da 'eetec da se'eso 'alhua nque'etaxaachigui da nmataxac, cha'aye nmateeguesopa 'enauaque se'esoua vi'iye maye huetaiguilo da qaica ca lyac, choche ivitta'a da inoxoore'c soua setenta vi'iye.