Levítico 26:42 - La'aqtaqa Ñim Lo'onatac 'Enauacna 2013

⁴² Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,

Levítico 26:42 Referans Kwoze

Ezequiel 16:60

Qalaxaye Aỹem ñetoueeta'ac som ñaỹamaxataxac maye 'am so'otec co'ollaq ñaq 'am qa'añole, qataq so'ot qome ca ñaỹamaxataxac maye chochaq tatec da 'am ñaỹamaxate'.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Éxodo 6:5

Qaq ỹoqo'oye nagui aỹem saỹaten da na Israel le'ecpi, ỹataqta huo'o da nque'eenaxac souaxat da na Egipto le'ecpi ỹamaxalec na qapa'atta lo'onatac. Qaq ỹoqo'oye aỹem tachigui ye iuel de'era ñaỹamaxataxac.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Joel 2:18

Huaña nache Ñim Nataxala' ỹachaxan da lauoche ne'ena na'alhua, nache ichoxoren ne'ena lalamaxat nhuo' le'ecpi.

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

Deuteronómio 4:31

qaq cha'aye Ñimaye choxonnataxanaxaic, nache saishet da qami' sa ichoxore'n, huo'otaq da qami' nlaxaayiñi, qataq saishet da icoua'ai da ỹan la'aqtac maye 'eetega ipacchigui co'ollaq naỹamaxate' so hua'au qarta'ailpi.

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 26:5

cha'aye so Abraham ỹataqta aỹem ỹalaxaguet co'ollaxa, qataq ipacchigui na ỹa'aqtacpi, ỹamaxasoxonaxacpi, na iqataxacpi, qataq na ỹapaxaguenataxanaxacpi.»

Génesis 9:16

Qaq so qomoxonalo, qom huetaigui na lo'oc na piguem, qom sela'a, nache tachigui ye iuel dam chochaq tatec ñaỹamaxataxac, co'ollaq ñaỹamaxate' 'enauac na shiỹaxauapi, qataq 'enauac na shiguiỹacpi, maye huetalec ana 'alhua.

Génesis 9:15

Qaq huaña qome, nache tachigui ye iuel, da ñaỹamaxataxac, co'ollaq qami' ñaỹamaxatto, qataq 'enauac na shiguiỹacpi. Qaq nache saishet qome da qaltaq huo'o ca auot lta'araic da qami' ilaxachiguilo.

Génesis 26:2

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 35:12

Qaq na 'alhua maye sanem co'ollaxa so Abraham qataq so Isaac, qalaq nataqa'en 'am sanem, qataq ca 'am chegoxoguetpi.»

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,

Ester 4:14

Qaq nagui da 'añe'emaxat, qataq da qaica ca 'ara'aqtac, nache ca lca'alaxa na judiopi huo'o qome ca lỹa chegaqa'ague, qalaxaye 'am qataq na llalaqpi so 'arta'a, qaullivi qome. ¡Qaq souaxai' nachera da huo'omshe 'aviraua'a da 'am nate'e, da yaqto' qomi' 'autauan de'era souaqaigui!»

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Deuteronómio 9:27

'Auennata'alo qome soua 'aramaxa'she Abraham, Isaac, qataq Jacob. Nache saishet qome da 'aulotagui da ỹataqta sa ỹalaq ne'ena shiỹaxauapi, qataq qauem da lataxac qataq souaxat na lasouaxashetpi,

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.