Levítico 26:40 - La'aqtaqa Ñim Lo'onatac 'Enauacna 2013

⁴⁰ Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Levítico 26:40 Referans Kwoze

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Ezequiel 36:31

Qaq qom qauennache dam qauem qarataxaqui co'ollaxa, qataq nam qauem maye qauo'oche, nache maiche qami' pa'aỹo'oto qome da huo'o da qara'agaqai, souaxat nam qarasouaxashechi, qataq nam qauem maye qauo'oche co'ollaxa.

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

1 Reyes 8:47

qaq da hueta'a que'eca 'alhua maye qaỹauega souaxat da noxonecpi, nache da nauattoola't da huo'o ca lasouaxashet, nache 'am nqouagaxaunot, 'eeta': Qomi' huo'o da qarasouaxashet, qataq so'otaq na qauempi, qataq na saỹaỹamaxañipi.

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Levítico 26:21

Nache da ñaq 'eetalec da Aỹem qandaqaitapeeguet, qataq saishet da Aỹem qaualaqaiguet. Qaq huaña, nache qaltaq siete da she'eguelaxalec qome da qami' seuaxa'n souaxat da qaye'etaxalqoi.

Levítico 5:5

Qaq da huo'otaq huo'o ca nache 'eeta'am de'era ca npe'enaxac, nache iuen da ỹa'axatta da ỹoqta 'eesa que'eca lasouaxashet.

Esdras 10:11

Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Jeremías 14:20

'Am nataxala', qomi' saỹaanaqta dam qauem maye so'otaq qataq nam lasouaxashetpi som hua'au qarta'alpi, qaq huo'o da qarasouaxashet 'am hueto'ot.

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':

1 Reyes 8:48

Nache da ỹataqta 'am imato'ot da lquiyaqteỹaxac, qataq da nachaalataxac da 'am ỹe'eguelaxa, da hueta'a que'eca na'alhua ca mpa'aguenaxauapi maye ỹauec co'ollaxa, nache da 'am nqouagaxaunot, datategue na huaña ne'ena 'alhua maye 'aỹa'anem co'ollaxa so lta'alpi, qataq nam huaqta'a't nỹecpi maye 'arca'aguishec, qataq ana atamnaxaqui maye ño'oxoosheguem da yaqto' 'aralamaqte,

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Lamentaciones 1:20

¡'Am Nataxala', ña 'aumeten da ỹachetataic! ¡Ñanomteguet da ỹataqta lta'araic lqui'ic ana itogue! Da ñequi'ic qalaq ipataqta'a't añi iquiyaqte, naxa da tachigui iuel da aỹem sa salaq. De'era pa'auec, huaña da qaỹalauat so ỹalaqpi qairolec so ỹeelonec, qaq ne'ena npa'auo nataqa'en hueta'a da nleuaxa.

Ezequiel 14:23

Qami' qauamaichiguiñi qom qauloỹa'a da lataxac caamaye qataq na ỹo'otpi. Qaq huaña nache qauaỹachiñi da saishet da choche sauo'o da nhuaxanaguec ye Jerusalén. Qaq 'era da ỹa'aqtac Aỹem Nataxala'.»