Levítico 26:37 - La'aqtaqa Ñim Lo'onatac 'Enauacna 2013

³⁷ Qataq ỹe'egueetega'tpi, 'eeta'am ca dataueeguesop ca alaataxac, na'aictaxa da qaica ca ncaatague', nache qaica ca 'oonolec da qoñiita ca ishet da dataỹa'aguet ca npa'aguenaxauapi.

Levítico 26:37 Referans Kwoze

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Jeremías 37:10

Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Jueces 7:22

Qaq se'eso trescientos Israel le'ecpi, nache quetot da ỹashettapigui aso lasheerepi peenaq lcouepi, nache Ñim Nataxala' ỹo'otec so madianiitapi da maiche taỹa't da nalaara't qataq datauec, nache taỹa ye Bet Sitá, qataq taỹa'a ye Sererá, maye loga't ye Abel Meholá maye huaqta'ai' ye Tabat.

Números 14:42

Ỹoqo'oye saishet qome da qoqui, cha'aye Ñim Nataxala' saishet da qami' hueta'agueta. Nache ca qanpa'aguenaxauaipi qami' loxonqa qome.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Jeremías 6:21

Qaq ỹoqo'oye Ñim Nataxala' 'enapec: «Aỹem so'otec qome ne'ena nhuo' le'ecpi da depoxolaxaañi qataq huañi. Na nta'alpi, na ñalaqpi, na nhuoreuapi qataq nam auochaxauapi 'enauac qome da ileu.»

Jeremías 46:16

Na 'analleppi qalaq pogolaxaañi, nache huañi, nache ñi 'oonolec 'eetega ñi lỹa, 'eeta': ¡Qolaqa'ai qome ne'ena, nache she'eguelaxasaxa ye qana'alhua, yem 'alhua maye maiche qarañoqo' co'ollaxa! ¡Sataxaueguesop da alaataxac maye qaica ca qairen!

Nahúm 3:3

Qataq da l-lamaxa nam qanayeetalec caipi, qataq da lqashelgaxa na ỹeelonecpi, qataq na le'eraxa ana taquiaxaipi. Qataq nam qalota que'emaxaicpi, qataq nam logosheguem leuaxaicpi. Nam leuaxaicpi maye qaipogolaxaateguesop.

1 Samuel 4:2

nache nlagaxaañi somayepi da yaqto' iloquiaxan so Israel le'ecpi, qaq co'ollaq delogoỹa't nache so filisteopi loxonec so Israel le'ecpi, nache ỹalauat so cuatro mil hualec naqa'en ye no'onaxa.