Levítico 26:36 - La'aqtaqa Ñim Lo'onatac 'Enauacna 2013

³⁶ Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Levítico 26:36 Referans Kwoze

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Isaías 30:17

Qataq souaxat da larenaxanaxac ca 'oonolec shiỹaxaua, nache mil qome cam datauec da qoñiita, qataq souaxat da larenaxanaxa'c caua cinco nache 'enauac qami' da qauataiuec qome, choche ivitta'a da qoñeeta'am aca 'oonole qo'oipaq, maye netalec aca qasoxonaxa huo'otaq aca na'anaxanaqte maye netalec ca qaỹoqotcheguemec 'alhua.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Ezequiel 21:15

Qaq camaye ỹataqta nlaxatchigui naqa'en da lcolanaxa namayepi, qataq ỹataqta qalota qome ca lalaatacpi. 'Enauac na lma'pi namayepi, sanaña ca ỹeelonec maye laataxanaxaic. Cam ỹeelonec maye qaiqashelgaqchet da yaqto' chegaqaigui ca nqashelgaxa, qataq ỹaxaraic da yaqto' dalaataxan.

Ezequiel 21:12

Qaq 'am shiỹaxaua, ¡'aua'alaq qome qataq 'anỹen souaxat da 'anqui'ic, cha'aye ca ỹeelonec taỹa'a da ỹalauat na ỹalamaxat nhuo' le'ecpi, qataq 'enauac na nta'alpi ye Israel! Namayepi taỹa'a da qaỹalauat, lỹangui' na ỹalamaxat nhuo' le'ecpi, qaq ỹoqo'oye 'anhuaxaata'a qome ana 'artogue souaxat da 'anqui'ic.

Isaías 7:4

nache qonapega qome qoneta': ‹Maxatchaxa 'avitapigui' qome, qalaxaye saishet da 'aue'elaq, saishet da 'añe'etac, qataq saishet da leuapigui ye 'arhuel, souaxat ñi Resín qataq yem siiriopi qataq ñim llalec so Remalías,› maye 'eeta'ama caua norec lasoqo da nchetrapiguishegue'm, souaxat da 'eroigui da nnogoxonaxa'c.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

2 Crónicas 14:14

Ime qaltaq iloquiaxan so huaqta'a't nỹecpi maye ỹotta'a't naua nañalo maye naugalo na loiguiye ye Gerar, qaq se'eso shiỹaxauapi ỹataqta lta'araic da lcolanaxa Ñim Nataxala', qaq som Judá le'ecpi ỹataqta nhuotta somayepi, cha'aye se'eso huaqta'a't nỹecpi ỹataqta lta'araic da nsallaxa.

1 Samuel 17:24

Qaq so Israel le'ecpi co'ollaq ila'a se'eso shiỹaxaua, nache ỹataqta datauec souaxat da lcolanaxa.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Deuteronómio 1:44

Nache so amorreopi maye netalec co'ollaxa yemaye, qami' dataỹa'agueta nache somayepi 'eeta'am na te'esaq lalaxat da qami' icaata'ape, nache qami' loxonqa chegoqchiguiña ye Seír choche qami' iviraxatta'alo ye Jormá.

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Levítico 26:35

Qaq nache 'enauaque que'ecaua vi'iye da toolec, ca 'alhua ỹataqta nmatec qome, saq 'ena'am co'ollaq qoñiitalec nache qaica ca nmataxac.

Josué 7:5

nache so Ai le'ecpi ỹalauat co'ollaxa so treinta y seis Israel le'ecpi, qaq so laỹepi nache ỹachegoxotchiguiña so lasom so lpaqtaxat ye huaqta'a't nỹecpi da icaatac, nache iviraxatta'a so qaỹachegoxottapiguiña na no'oxonaxanaxat coma', qaq co'ollaq huaña ye lca'amaxa nache noxonecpi somayepi. Qaq ỹoqo'oye se'eso shiỹaxauapi nlleuchiguiñi da lquiyaqteỹaxac.

Da na'aqtaguec so Job 13:25

¿Peta'a 'aulaxachigui aca laue ana qo'oipaq da huetaiya'? Qataq ¿'aucaatac peta'a ca 'auaqpi maye deqaqta?

Salmos 53:5

Qaq na'aictaxa da qaica ca ỹo'ot da lcolanaxa, qalaq namayepi iviloxolaqchet da lli'iỹaxa, cha'aye Ñim Lo'onatac 'Enauacna ilagaxattac na lpi'inecpi na depa'aguenataxaatacpi. Nache huo'o da la'aloxo cha'aye Ñim Lo'onatac 'Enauacna, saiuooneguet namayepi.

Jeremías 37:10

Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Jeremías 46:16

Na 'analleppi qalaq pogolaxaañi, nache huañi, nache ñi 'oonolec 'eetega ñi lỹa, 'eeta': ¡Qolaqa'ai qome ne'ena, nache she'eguelaxasaxa ye qana'alhua, yem 'alhua maye maiche qarañoqo' co'ollaxa! ¡Sataxaueguesop da alaataxac maye qaica ca qairen!

Lamentaciones 1:3

So Judá le'ecpi noxonec nache qaỹauega ye lỹa 'alhua, ỹataqta daquico qataq nque'etaxangui da qapa'atta lo'onataxanaxac. Som ilotague' co'ollaxa da no'onataxanaxac, qaq nagui qalaq qaica ca nmataqa' qanqa'en. Na mpa'aguenaxauapi co'ollaxa loxonec somayepi, nache ỹataqta qaica ca ldaqa' naqa'en.

Lamentaciones 1:6

Qaq ỹataqta deqat 'enauac so lyacỹaxac ye Sión, som lataxala'pi qalaq 'eeta'am aca chegaxango da saỹanata ca 'auaqpi, qataq ỹauogoleete' naua lapia'ate da dataueeguesop nam icaatacpi.

Lamentaciones 4:19

Nam qomi' icaata'ape qalaq ỹataqta qayaqaicpi napacalec na vi'ic piguem le'ec, ivira'a da sonaqtalec ana qasoxonaxapi da qomi' icaata'ape, qataq qomi' nqovi'n, ỹanalec na toolec 'alhuapi ana lqoinapi.

Salmos 53:6

Qaq 'onaxaictaxa da chegoqchiguiña añi qasoxonaxa Sión ca lca'alaxa na Israel le'ecpi qom ivita da Ñim Lo'onatac 'Enauacna ỹe'eguelaxa da ỹaỹamaxaañi na lalamaxat nhuo' le'ecpi. Nache machiguiñi qome na chegoxoguet so Jacob, qataq 'enauac na Israel le'ecpi.

Salmos 89:43

Qataq 'anqat da llaxa so lainec, qataq saishet da 'autauan da huo'o da alaataxac.

Oseas 8:3

Qalaxaye na Israel le'ecpi saishet da ỹaconeguet da no'on, ỹoqo'oye na npa'aguenaxauapi icanapec qome namayepi.