Levítico 26:35 - La'aqtaqa Ñim Lo'onatac 'Enauacna 2013

³⁵ Qaq nache 'enauaque que'ecaua vi'iye da toolec, ca 'alhua ỹataqta nmatec qome, saq 'ena'am co'ollaq qoñiitalec nache qaica ca nmataxac.

Levítico 26:35 Referans Kwoze

Romanos 8:22

Qomi' saỹaanaq da 'enauac na lo'onatacpi Ñimaye huo'o da lachetataic qataq dachotta'am da nqui'ic, 'eeta'am aca 'alo maye mashe huotaique da deco'o.

Levítico 26:34

Nache ca 'alhua ỹataqta lacchiguiñi qome, cha'aye huo'o da nmataxac 'enauaque que'ecaua vi'iye da toolec, qataq da qoñiitaña ca na'alhua ca qanpa'aguenaxauaipi, nache ca qana'alhuai ỹataqta nmatec qome, souaxat da qaica ca nmataxac co'ollaxa.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Levítico 25:2

«Qonapega qome na Israel le'ecpi qoneta': Da ivita da qaunoxoñiiua'a ye 'alhua maye qami' sanema qome da yaqto' qaralamaxache, nache yemaye huo'o qome ca laloxoqui da qanmataxanaxañiiuec na 'alhua, souaxat da ỹataqta qavio'oxoyiñi Ñim Nataxala'.