Levítico 26:33 - La'aqtaqa Ñim Lo'onatac 'Enauacna 2013

³³ Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Levítico 26:33 Referans Kwoze

Zacarías 7:14

Qaq ỹoqo'oye Aỹem selagaxatapec co'ollaxa sheeta'am aca daua'ache, da yaqto' ỹaleeguet ñaqa'en nam ỹotta'a't shiỹaxauapi maye saỹauatton co'ollaxa. Qaq na na'alhua namayepi ivira'a da ỹataqta toolec, nache qaica ca ishet da nalec. ¡Nam 'alhua maye ỹataqta 'onaxaic co'ollaxa, qalaxaye namayepi ỹo'otec da ỹataqta toolec!»

Ezequiel 20:23

Qaq huaña co'ollaxa yem toolec 'alhua da sanem so ỹa'aqtac, da selagaxatapec somayepi da yaqto' taỹa nam ỹotta'a't shiỹaxauapi ana 'alhua,

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Ezequiel 22:15

so'ot qome da 'aualecta'aguet na ỹotta'a't shiỹaxauapi, qataq so'ot da 'anqo'ona 'enauac nam ỹotta'a't 'alhuapi, nache imauec da seỹouec na 'arshepaxanaxa,

Salmos 44:11

Nache qomi' 'aỹa'aarec shenaqta'am aca qagueta da qaỹauega ca nalaataqa', qataq qomi' 'aulagaxatoiguilo na ỹotta'a't shiỹaxauapi.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Lamentaciones 4:15

Nache qaỹa'alaqtalec qoỹeeta': «¡Qoquiỹa'ai namayepi, qoquiỹa'ai namayepi, cha'aye namayepi ỹataqta nshepaxan saishet qome da qaupochiiua'a!» Qaq nam shiỹaxauapi maye ỹaqa'a da la'amqaanataxanaxac 'eeta': Namayepi coleetac cha'aye 'eltaxaicpi, ỹoqo'oye namayepi sa ỹaỹamaxañi da nache hueta'a ne'ena.

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»

Lamentaciones 1:3

So Judá le'ecpi noxonec nache qaỹauega ye lỹa 'alhua, ỹataqta daquico qataq nque'etaxangui da qapa'atta lo'onataxanaxac. Som ilotague' co'ollaxa da no'onataxanaxac, qaq nagui qalaq qaica ca nmataqa' qanqa'en. Na mpa'aguenaxauapi co'ollaxa loxonec somayepi, nache ỹataqta qaica ca ldaqa' naqa'en.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

2 Crónicas 7:19

Qalaxaye da aỹem qoquiỹa'ai, qataq sa qaualaqaiguet na iqataxacpi qataq na ỹamaxasoxonaxacpi maye qami' sanema, nacherata da qanqo'oñiỹa da qavio'oxoreñiitac qataq qanatamñiitacot na ỹaqa'a atamnaxala'pi,

Nehemías 1:8

Ña 'auennata'a qome so 'ara'aqtac maye 'aỹa'anem co'ollaxa so 'aramaxashec Moisés, 'eeta': Da huo'otaq huo'o ca qarasouaxashichi nache qami' selagaxaaleguete qome ana 'alhua.

Salmos 106:27

qataq ỹo'ot da nlagaxattac naqa'en nam chegoxoguetpi somayepi, qataq lagoigui naqa'en nam ỹotta'a't shiỹaxauapi.

Isaías 1:7

Ye qana'alhuai qalaq ỹataqta toolec, qataq ye huaqta'a't nỹecpi maye qarmaye ỹataqta ỹavicta. Qataq ỹataqta qauauañiichigui da na qampa'aguenaxauaipi chectac na ala na qa'añiguishiqui. Nache 'enauac da ỹataqta toolec, 'eeta'am da ilaxachigui ca chegaqauec shiỹaxauapi.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Jeremías 13:24

Qaq ỹoqo'oye Aỹem qami' selagaxata'ape qome, 'eeta'am ñaqa'en ca 'auaqpi ltoxoic da ỹaỹoxonaqchet ca la'at maye chegaqalec ye toolec 'alhua.

Jeremías 15:4

Qaq so'otec qome na ỹotta'a't shiỹaxauapi maye netalec ana 'alhua da huo'o da lqaigaxa dam so'otec namayepi, souaxat dam ỹo'ot so nta'a ye Judá, Manasés som llalec so Ezequías maye huaña ye Jerusalén.

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Ezequiel 5:2

Qaq qom ime da qailoquiaxaatac ye huaqta'a't nỹecpi, nache 'auavigaxat aca 'oonole que'ecaua tres 'aqtal cam 'araue, vichiguingui 'anqa'en na laiñi ye huaqta'a't nỹecpi, qaq da ime nache qaltaq 'auacona ca ỹeelonec, nache 'auchiigui aca lỹa que'ecaua tres 'aqtal, nache 'auconnaxaasop na loiguepi ye huaqta'a't nỹecpi, qaq aca no'onañi nache 'auasaxasheguem da yaqto' ỹache na la'at. Qaq Aỹem secanapec qome na shiỹaxauapi ne'ena huaqta'a't nỹecpi, ñasoqta'a ca ỹainec.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

1 Reyes 8:46

Qaq da huo'o ca 'am hueto'ot lasouaxashet namayepi, cha'aye qaica ca saq huo'o ca lasouaxashet, qaq saiuena'a da 'aualemataỹa namayepi, nache 'aỹa'aneguet da loxonec 'anqa'en ca mpa'aguenaxauapi namayepi, nache ỹauega ca lỹa 'alhua qaỹoqta huo'otaq sa qaỹapeque,

2 Reyes 25:9

Nache somaye ỹavigaxat co'ollaxa aso atamnaxaqui maye lalamaqte Ñim Nataxala', qataq so nma' lta'araic maye lo'onataxanaqa' so nta'a, qataq 'enauac se'eso huaqta'a't nỹecpi ye Jerusalén, qataq so lma'pi som ỹo'oxoraicpi ỹalleppi.

Nehemías 1:3

Nache soomaye aỹem da'aqtaxaarem, 'eeta': «Qomye na ỹet co'ollaxa da nanoxonaguec, nache no'onalec yi'iye 'alhua Jerusalén, yemayepi ỹataqta ỹaguec da lachoxoyec qataq da ne'enaguec. Qataq so lpaqtaxat yemaye ỹataqta nlachiguiñi qanqa'en, qataq so lasompi ỹataqta ỹavicta souaxat so norec.»

Ester 3:8

Qaq huaña nache so Amán 'enapega so nta'a Asuero, 'eeta': 'Enauac na nhuo' le'ecpi maye hueta'a nam 'alhuapi maye 'aulotague' 'am nta'a, huo'o na nhuo' le'ecpi maye saishet da nhuoiguet na laỹepi, huo'o na maiche lalamaxat nqataxacpi maye saishet da nateneguet na nqataxacpi maye lalamaxat na laỹepi nhuo' le'ecpi, qaq namayepi saishet da ỹalaxaguet na 'aramaxasoxonaxacpi 'am nta'a. Qaq saỹaỹamaxañi da ne'ena nhuo' le'ecpi, nache queta da 'aulotague' 'am nta'a.

Salmos 44:12

Qataq saqaỹaua'a da 'aumen na 'aralamaxat nhuo' le'ecpi, qataq qaca aca 'araueque da 'aumen namayepi.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Lamentaciones 4:16

Ñim Nataxala' nacheñi Ñim ilagaxattac somayepi, nache saishet da ỹe'eguelaxa da ỹamata'a somayepi. Qataq qaica ca 'enec qanqa'en so ntaxaỹaxanaxanecpi, qataq saishet da qaichoxoreetac so ỹa'axaiquipi maye nataxala'pi.

Ezequiel 12:20

'Enauac nam huaqta'a't nỹecpi maye ỹotta'a't naua nañalo maye qanayeetaiguipi, qailaxachigui qome, qaq ne'ena 'alhua qalaq ỹe'eguelaxa qome da toolec. Qaq huaña nache qami' qauaỹachiñi da nachaỹem maye Aỹem Nataxala'.›»

Oseas 9:6

Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.