Levítico 26:32 - La'aqtaqa Ñim Lo'onatac 'Enauacna 2013

³² Nache ỹataqta 'enauac ñelaxatchiguiñi qome ca qana'alhuai, nache ca qampa'aguenaxauaipi maye anac da nalec camaye, ỹataqta huo'o qome da la'aalaxa.

Levítico 26:32 Referans Kwoze

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Jeremías 19:8

Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi.

Jeremías 18:16

Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Ezequiel 5:15

Qaq qom sacoolec da so'ogoxona da ỹalemataic qataq ỹayeloxo da 'am sataỹa'aguet da 'am ñemit, qataq sauo'o ca lta'araic 'anhuaxanaguec, nache 'enauac qome na shiỹaxauapi da 'am isheueetac qataq 'am denoỹa, qaq huaña nache na nhuo' le'ecpi maye 'am coleesop huo'o qome da lta'araic lcolanaxa. Qaq 'era da ỹa'aqtac Aỹem Nataxala'.

Jeremías 25:18

Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.

1 Reyes 9:8

Qaq ana'ana atamnaxaqui nlachiguiñi qome, nache choche lapootasheguem, qaq da huo'o ca nlectot nache huo'o da la'aalaxa qome, nache denataxaatac, 'eeta': ¿Chaq ta'ainco' Ñim Nataxala' da 'eetec de'era ne'ena 'alhua, qataq aso atamnaxaqui?

Deuteronómio 28:37

huaña nache 'am qañi'iỹa, qataq 'am qane'eetapigui, qataq 'am laloqnaxanaxat 'enauac na ỹotta'a't shiỹaxauapi, maye 'am ỹauega Ñim Nataxala'.

Lucas 21:20

Qaq qom qauloỹa'a na Jerusalén da na alleppi maye alaataxaicpi saqaỹapeque naqa'en namaye, nache qami' qauaỹaañi da saqaỹaloq da qailaxachigui.

Habacuc 3:17

Qaq na'aictaxa qome da saishet da dasovi ana higos, qataq da qaca aca ala ana uva, qataq da qaca aca ala ana olivo, qataq da saq ñaxat nam qoỹaalec na nanaxanaqa'pi, qataq da qui'itchigui ana laỹe' ana qaguetapi, qataq da qui'itchigui ana laỹe' anam huacapi,

Daniel 9:18

'Am Ñatamnaxala' ñaq aỹem 'auqocha'a, qataq aỹem 'ana'axaỹaxana, ñaq 'aulochigui da qanlaqtaguec, qataq da nlaqtaguec yem huaqta'a't nỹecpi yem huaña naxa da qaiỹaxana da 'are'enaxat. Saishet da so'otaq da qarỹaxanaxac da sepia'aqtalec ca no'on qarataxac, maye nacherata dam lta'araic 'archoxonnataxanaxa.

Daniel 9:2

Qaq so la'auaxanec vi'i da lo'onataxanaxac da nta'a somaye, nache aỹem Daniel, ñapaxagueetega aso lere so na'aqtaxanaxanec Jeremías, co'ollaq Ñim Nataxala' ỹa'axatem somaye da qom inoxoorec caua setenta vi'iye nache ime da qanlaxaañi ye Jerusalén.

Lamentaciones 5:18

Souaxat da mashe toolec añi qasoxonaxa Sión, nache nda'a't ana huaxaỹaxapi da coleeteguelec añimaye.

Lamentaciones 4:12

Na nta'alpi qataq na shiỹaxauapi maye huetalec ana 'alhua, saishet co'ollaxa da ỹa'amaqten da na npa'aguenaxauapi qataq na lasaxauapi ishet da tateua'a na ñegueuopi da inoxoneua'a ye Jerusalén.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 44:2

«Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': ‹Qami' qauauañiichigui co'ollaxa 'enauac nam qauemsat maye talec ñaqa'en ye Jerusalén qataq nam laỹepi nỹecpi maye ỹotta'a't naua nañalo ye Judá. Qaq nagui qalaq nlachiguiñi yemaye nache qaica ca ishet da netaigui,

Jeremías 25:38

Ñimaye nnoxonec 'eeta'am ca llon da chegoqoolec ca lauanaxanaqa', qaq na na'alhua namayepi ỹe'eguelaxa da toolec, cha'aye 'eroigui da layeloxo Ñim Nataxala', nache namaxa namayepi da alaataxac maye ỹataqta chaqaic.

Isaías 64:10

Nam 'aralamaxatpi qui'itta huaqta'a't nỹecpi maye ỹotta'a't naua nañalo namayepi ỹataqta toolec, na Jerusalén qalaq nlachiguiñi qataq dolachigui.

Isaías 24:1

Ña qauloỹa da Ñim Nataxala' nlaxaañi qome ana 'alhua, nache qaica qome ca no'onañi da huetalec anamaye, qataq ỹataqta qaica ca laỹamaqa' naqa'en qataq ilagaxattac 'enauac nam huetalecpi anamaye.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Isaías 5:9

Ñim Nataxala' maye Qaica ca Ỹaqalanapec aỹem ỹanem da la'aqtac, 'eeta': «Qalota na nỹecpi na nlachiguiñi qome, qaq na'aictaxa da lta'araicpi qataq 'onaxaicpi na nỹecpi qalaxaye qaica qome ca netaigui.

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,