Levítico 26:31 - La'aqtaqa Ñim Lo'onatac 'Enauacna 2013

³¹ Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Levítico 26:31 Referans Kwoze

Nehemías 2:3

Nache sasateguet se'eso nta'a, sheeta': ¡Ỹataqta nache 'eetai' qome da 'anca'altauec 'am nta'a! Ta'ainco' ctaxa da qaica ca ỹaquicoxo ye ỹataqta nlachiguiñi ye sachegoqchiguiña huaqta'a't nỹecpi maye nlattraña yeua ita'al, qataq so lasompi ỹataqta ỹavicta naqa'en so norec.

Hebreos 10:26

Cha'aye da nache qarhuennataxa da qolaqto'ot da so'otaq ca qarasouaxashet da huo'otaq mashe sauattonaq dam 'eesa lapaxaguenataxanaxac Ñim Lo'onatac 'Enauacna, nache qaica ca ishet da qaltaq sanaqot Ñimaye da yaqto' ỹapalaxat na qarasouaxashetpi.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Hechos 6:14

Qomi' sa'axasoqchigui de'era ỹale da ỹa'axattac da So Jesús maye Nazaret le'ec, da nlaxaañi qome añi qui'itta qaro'onaxanaxaqui qataq naralaxat nam namaxasoxonaxacpi maye qomi' no'onaxata'agueta so Moisés.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Ezequiel 21:15

Qaq camaye ỹataqta nlaxatchigui naqa'en da lcolanaxa namayepi, qataq ỹataqta qalota qome ca lalaatacpi. 'Enauac na lma'pi namayepi, sanaña ca ỹeelonec maye laataxanaxaic. Cam ỹeelonec maye qaiqashelgaqchet da yaqto' chegaqaigui ca nqashelgaxa, qataq ỹaxaraic da yaqto' dalaataxan.

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Ezequiel 6:6

Qaq 'enauac na nma'pi maye qoñiỹalec qome, nache na huaqta'a't nỹecpi dolagui qome, qataq ana nca'atoxonaxalatepi maye huaña naxa da qaỹo'oxoren na ỹaqa'a atamnaxala'pi nlachiguiñi qome. Qaq ana lca'atoxonaxalatepi namayepi qalaq imauec qome da nlachiguiñi, na lqolacpi qalaq dolachigui qome, ana lca'atoxonaxalatepi da yaqto' ỹavigaxat na lchenaxanaxat qalaq hua'axañi qome, qaq 'enauac nam qauo'oche co'ollaxa imeuo qome.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Jeremías 26:9

¿Ta'ainco' da 'aua'axattac da qonetega chegoqchigui da le'enaxat Ñim Nataxala' da ana atamnaxaqui 'eeta'am qome asom naña ye Siló, qataq ne'ena huaqta'a't nỹecpi dolagui qome nache qaica ca hueta'a shiỹaxauapi?» Nache 'enauac so nhuo' le'ecpi maye hueta'a aso atamnaxaqui coleesop so Jeremías.

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Jeremías 22:5

Qalaxaye da saishet da qaualaqaigueta naua ỹa'aqtaqa, nache ne'ena nma' lta'araic, namaye nlachiguiñi qome. Qaq 'era da ỹa'aqtac, Aỹem Nataxala'.›»

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Isaías 1:7

Ye qana'alhuai qalaq ỹataqta toolec, qataq ye huaqta'a't nỹecpi maye qarmaye ỹataqta ỹavicta. Qataq ỹataqta qauauañiichigui da na qampa'aguenaxauaipi chectac na ala na qa'añiguishiqui. Nache 'enauac da ỹataqta toolec, 'eeta'am da ilaxachigui ca chegaqauec shiỹaxauapi.

Nehemías 2:17

Huaña nache shenapega somayepi, sheeta': «Qami' mashe qauaỹaañeeta da qomi' huo'o da qarqalaic, cha'aye se'eso lpaqtaxat ye Jerusalén ỹataqta nlachiguiñi, qataq so lasompi ỹaqta ỹavicta souaxat so norec. Qaq ỹoqo'oye aỹem qauauaqaiguet qome da yaqto' she'eguelaxasoxolec da ño'oxonaxasheguem so lpaqtaxat ye Jerusalén, da yaqto' saishet da nache 'eetai' da qomi' qaisheueeta'ape.»

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

2 Reyes 22:19

nache ỹataqta huo'o da 'antogotaxac, qataq da 'anmanaxac da 'ana'axaỹaxana nam sa'axata'a da talec ne'ena 'alhua, qataq nam netalecpi namaye, da taỹa'a da ñelaxaañi qataq talec da qauem ỹa'aqtac, qaq souaxat da 'ancolaxata'aisalo naua 'ogo, qataq da aỹem 'anỹeeto'ot, qaq Aỹem, nataqa'en 'am sa'aqchigui. 'Era da ỹa'aqtac, aỹem Nataxala'.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Isaías 63:18

Na 'aralamaxat nhuo' le'ecpi, ỹataqta saqaỹarauec soua na'axa'te da lalamaxat 'anqa'en ne'ena 'alhua, qaq nagui na qampa'aguenaxauapi ỹataqta saiyacnapec añi atamnaxaqui maye 'aralamaqte.

Jeremías 44:2

«Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': ‹Qami' qauauañiichigui co'ollaxa 'enauac nam qauemsat maye talec ñaqa'en ye Jerusalén qataq nam laỹepi nỹecpi maye ỹotta'a't naua nañalo ye Judá. Qaq nagui qalaq nlachiguiñi yemaye nache qaica ca ishet da netaigui,

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Daniel 2:46

Qaq huaña nache so nta'a Nabucodonosor, ỹa'aroto naua l-llectel so Daniel, qataq nqollemñi nache iviraxata'aguet na latap na 'alhua, ime nache damaxasoxoolec da qoỹaneuo aca nachetaqtaxanaqte qataq ca nchenaxanaxat maye ama na laita.

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!

Nehemías 1:3

Nache soomaye aỹem da'aqtaxaarem, 'eeta': «Qomye na ỹet co'ollaxa da nanoxonaguec, nache no'onalec yi'iye 'alhua Jerusalén, yemayepi ỹataqta ỹaguec da lachoxoyec qataq da ne'enaguec. Qataq so lpaqtaxat yemaye ỹataqta nlachiguiñi qanqa'en, qataq so lasompi ỹataqta ỹavicta souaxat so norec.»

Isaías 64:9

'Am Nataxala' saishet qome da ỹapacauec da 'aralemataic, qataq saishet da qome da nache 'eetai' da 'auennatega dam qaralaataxanaxac. ¡Ñaq 'auloigui da 'enauac qomi' nhuo' le'ecpi maiche qomi' 'aralamaxatpi!

Jeremías 4:26

Qataq samata'a nam no'on uva lma'pi qalaq ỹataqta toolec, qataq 'enauac som huaqta'a't nỹecpi ỹataqta nlachiguiñi. Cha'aye da ỹataqta chaqaic layeloxo Ñim Nataxala', nachera dam ỹo'ot da huo'o de'era.

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Lamentaciones 2:6

Qataq ỹamaxañi so lpe'l, 'eeta'am naqa'en da ỹamaxañi ca npe'l maye hueta'a ca nañiguishe lma', qataq nlaxaañi som huaña naxa na naponaxac. Ñim Nataxala' ỹo'ot da nam hueta'a ye Sión, icoua'ai nam naponaxacpi, qataq yem na'a'q mataxaqui. Qataq co'ollaq 'eroigui da nnogoxonaxac Ñimaye, nache dataỹa'aguet so nta'a, qataq so ntaxaỹaxanaxanecpi.

Ezequiel 12:20

'Enauac nam huaqta'a't nỹecpi maye ỹotta'a't naua nañalo maye qanayeetaiguipi, qailaxachigui qome, qaq ne'ena 'alhua qalaq ỹe'eguelaxa qome da toolec. Qaq huaña nache qami' qauaỹachiñi da nachaỹem maye Aỹem Nataxala'.›»