Levítico 26:30 - La'aqtaqa Ñim Lo'onatac 'Enauacna 2013

³⁰ Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

Levítico 26:30 Referans Kwoze

2 Reyes 23:20

Ime, nache ỹalauat so ntaxaỹaxanaxanecpi maye huetague' naxa se'eso qaỹoqotcheguema atamnaqa'pi, hualec naqa'en aso nca'atoxonaxalatepi, qataq ỹachalec nataqa'en asomayepi so shiỹaxaua lpi'inecpi da ỹavigaxat. Ime, nache somaye ỹe'eguelaxa ye Jerusalén.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Ezequiel 6:13

Qaq qom qauloỹa'a da lo'ocỹaxac ne'ena shiỹaxauapi da hueto'ot na lqolacpi, qataq naua loiguiye ana nca'atoxonaxalatepi, maye netalec 'enauac ana qaỹoqotcheguemecpi lcomaraxalatepi, qataq na pa'asheguem ana qasoxonaxapi, qataq na la'a' ana qo'oipaqpi maye qalochiguiñi ana lcouepi, qataq na huaña naxa da ỹanot na lchenaxanaxat maye ama na laita na lqolacpi, qaq huaña qome nache qauaỹachiñi da nachaỹem maye Aỹem Nataxala'.

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Salmos 89:38

Qalaxaye 'am 'aumaqauec qataq 'auo'otan ñi 'arcoyiguishec co'ollaxa, qataq ỹataqta 'aualemataỹa ñimaye.

2 Crónicas 31:1

Qaq co'ollaq ime 'enauac de'era, nache 'enauac so Israel le'ecpi maye hueta'a yi'iye, taỹa 'enauac so huaqta'a't nỹecpi maye ỹotta'a't naua nañalo ye Judá, nache ilaxachigui so atamnaxala'pi coma'pi, qataq so lqui'ipi aso Aserá, qataq so qaỹoqotcheguemec atamnaqa'pi, nache ivitta'a da nlaxaañi 'enauac som naña ye Judá, Benjamín, Efraín qataq ye Manasés. Ime nache 'enauac so Israel le'ecpi, ỹe'eguelaxalo naua nañalo so huaqta'a't nỹecpi maye ỹotta'a't naua nañalo, nache ỹataqtac nam maiche lma'pi somayepi.

2 Crónicas 23:17

Qaq co'ollaq ime de'era, nache 'enauac somayepi da nqo'ona aso atamnaxaqui da qanatamnot so Baal, nache nlaxaañi asomaye qataq ilaxachigui aso nca'atoxonaxalatepi, qataq so ne'enaqtacpi atamnaxala'pi. Qataq huaña so naloteuga so nca'atoxonaxalatepi da ỹalauat so Matán, maye ltaxaỹaxanaxanec so Baal.

2 Reyes 23:16

Qaq co'ollaq ỹe'eguelaq so Josías, nache ilalec aso huachiquipi maye nalec aso lcomaraxalate, nache somaye damaxasoxoolec da qanqatsheguem so npi'inecpi maye huetaigui asomayepi, nache ỹavigaxat, ỹachalec aso nca'atoxonaxalate da yaqto' na'aqchet asomaye. Huaña, nache ipacchigui da la'aqtac Ñim Nataxala', maye ỹa'axatta'a co'ollaxa som la'aqtaxanaxanec.

2 Reyes 23:8

So nta'a Josías, nataqa'en iỹaxaneuga 'enauac so ntaxaỹaxanaxanecpi maye naña som huaqta'a't nỹecpi ye Judá, nache nlaxaañi 'enauac som qaỹoqotcheguema atamnaqa'pi maye so ntaxaỹaxanaxanecpi huaña naxa da ỹavigaxattac so nchenaxanaxatpi, chegoqchiguiña ye Geba, nache ivitta'a ye Berseba. Nataqa'en nlaxaañi aso nca'atoxonaxalate maye naña so nasom so Josué, maye ilotague' co'ollaxa so huaqta'a't nỹecpi maye pa'aỹa'ague da ne'emaq so ñegueuo, som huaqta'a't nỹecpi.

1 Reyes 13:2

Qaq somaye, na'axanneque co'ollaxa naua la'aqtaqa maye Ñim Nataxala' ỹamaxalec somaye da ỹa'axa't, 'eeta': «Nca'atoxonaxalate, nca'atoxonaxalate: Ñim Nataxala', 'eeta': ‹Huo'o qome ca ñiguiñi nogotolec chegaqaigui na llalaqpi so David, le'enaxat Josías, qaq camaye ỹalauat qome na ntaxaỹaxanaxanecpi maye 'am ilotague', nache 'am ỹachalec, nam 'am ỹachalec naxa da ỹavigaxat na nchenaxanaxat, qataq nache 'am hualec naqa'en da ỹavigaxat na lpi'inecpi na shiỹaxauapi.›»

Levítico 26:15

qataq da saishet da qauacoñiiguet, qataq sa qaushetaxachiiguet na iqataxacpi, qataq na ỹamaxasoxonaxacpi, qataq da sa qaualaqaiguet namayepi, qataq qaica ca 'enec qanqa'eñi da ñaỹamaxataxac,

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Levítico 20:23

Saishet qome da qaue'enaxache da lataxac ye shiỹaxauapi maye so'orauec qome, cha'aye yemayepi ỹo'ottac 'enauac de'era, ỹoqo'oye Aỹem ỹataqta saỹemec.

Génesis 19:13

cha'aye qomi' selaxataxagui qome ne'ena nma'. Cha'aye ỹataqta qalota na ntaxaỹaxacpi souaxat ne'ena shiỹaxauapi maye hueta'a ne'ena huaqta'a't nỹecpi, nache iviro'ot Ñim Nataxala'. Qaq ỹoqo'oye Ñimaye qomi' nama'q da selaxataxagui namaye.»

Deuteronómio 32:19

Qaq co'ollaq ila'a de'era Ñim Nataxala' nache dalemata, nache sa nasheneguet co'ollaxa na 'aỹa'alaqpi qataq na 'aỹa'alpi,

1 Reyes 13:32

cha'aye ipacchigui qome da la'aqtac Ñim Nataxala', maye ỹamaxalec co'ollaxa yemaye da ỹa'axat, da talec ca nhuaxanaguec añi nca'atoxonaxalate na Betel, qataq 'enauac nam atamnaqa'pi maye huaña ana lcomaraxalatepi yem huaqta'a't nỹecpi ye Samaria.»

Salmos 106:40

Nache Ñim Nataxala' 'eroigui da lalemataic da dalemataỹa so lalamaxat nhuo' le'ecpi, qataq deqaiga na lalamaxat logoxoshetpi somayepi.

Ezequiel 43:7

nache, 'eeta': «'Ena na lma' añi ñeso'onaxaqui, qataq nachena na ỹapiaqa', nachena na huaña da chochaq tatec da soota'aguet na Israel le'ecpi. Qaq namayepi qataq ca lta'alpi, qalaq saishet qome da ỹe'eguelaxalec da ishepaxanaqchet da ỹe'enaxat souaxat da saỹalaq: qataq saishet qome da ỹe'eguelaxalec da no'oxoosheguem ca le'enaqtac maye lqui'ipi so lta'alpi maye mashe ileu,

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Jeremías 16:18

Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

Ezequiel 16:39

Qataq 'am saneguet da lhuaqỹaxac namayepi, da yaqto' nlaxaañi nam huaña naxa da 'anquishestague' namayepi, qataq nam huaña naxa da 'avio'oxoreetac na nqolacpi. Nache namayepi naỹoqnec qome ana 'arpoto, qataq ana 'onaxai 'ano'otaqtepi, nache ỹataqta imauec da qouetauec naqa'en.

Oseas 10:2

Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.