Levítico 26:28 - La'aqtaqa Ñim Lo'onatac 'Enauacna 2013

²⁸ nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Levítico 26:28 Referans Kwoze

Isaías 59:18

Ñim Nataxala' ỹanem qome ñi 'oonolec cam naigui nam ỹo'ottacpi, qataq ỹauo'o ca nhuaxanaguec nam mpa'aguenaxauapi. Qataq nam nquiỹatega Ñimaye, ỹanem qome ca nsheetenaguec, ivira'a nam shiỹaxauapi maye netalec ana ỹaqauga 'alhuapiolec aso auaxai.

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Ezequiel 5:15

Qaq qom sacoolec da so'ogoxona da ỹalemataic qataq ỹayeloxo da 'am sataỹa'aguet da 'am ñemit, qataq sauo'o ca lta'araic 'anhuaxanaguec, nache 'enauac qome na shiỹaxauapi da 'am isheueetac qataq 'am denoỹa, qaq huaña nache na nhuo' le'ecpi maye 'am coleesop huo'o qome da lta'araic lcolanaxa. Qaq 'era da ỹa'aqtac Aỹem Nataxala'.

Ezequiel 5:13

Qaq huaña qome nache ñashetcheguem da ỹayeloxo, qaq qom nmisheguem damaye, nache samaguiñi. Qaq qom nmisheguem da ỹayeloxo souaxat namayepi, nache namayepi ỹaỹaten qome da Aỹem Nataxala', maiche ỹa'aqtac co'ollaxa damaye.

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Isaías 66:15

Cha'aye Ñim Nataxala' qom anac qalaq nactaigui ca norec, aca nnaigonapi qalaq 'eeta'am qome ana daua'ache, huaña nache icorec na le'eraxa da layeloxo, qataq nalaqaasheguem na le'eraxa da lhuaxanaxanaxac.

Isaías 63:3

Aja', Aỹem 'oonolec co'ollaxa da sapetapigui aso uvapi, qaica ca aỹem itauan, ỹataqta Aỹem nlaxagui da ỹayeloxo nache sapetapigui som ñepa'aguenaxauapi, nache ỹataqta dapaxañi ñaqa'en serolec da ỹalemataic nache na ltago'q qalaq dechecnaxanoto naua ỹogo, nache nshepaxanaqche't 'enauaque na ỹogo.

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Isaías 27:4

Aỹem saishet da senotac, qalaxaye da huo'o aca ỹaxat qataq ca ato', nache aỹem ashec da selogui', nache ỹataqta imauec da savigaxat.

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Levítico 26:27

Qaq da ñaq 'eetalec da sa qaualaqai qataq Aỹem qauataita'aguet,

Levítico 26:41

qaq nachera da ỹo'ot qome da qami' sataỹa'agueta, qataq qanqo'oñiỹa ñaqa'en ca na'alhua ca qampa'aguenaxauaipi, yaqto' sa na'amaqten da qarquiyaqteỹaxaqui. Huaña, nache saishet da qauqolliguichi da qanhuaxanaguiiqui.

Salmos 79:12

'Am Nataxala', siete qome da 'avi'eguelaxalec da nque'eteeta 'anqa'en na qarhuoreuapi, souaxat na qauemsat maye 'am ỹasaxalec.

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Lamentaciones 4:11

Ñim Nataxala' co'ollaq mashe ivita so laloqo' da layeloxo, nache saishet da ỹañoxot da nllañi nache ỹavigaxat ye Sión, nache ỹataqta ilaxachigui ivira'a so lo'oxonaxala'pi.