Levítico 26:26 - La'aqtaqa Ñim Lo'onatac 'Enauacna 2013

²⁶ Qaq da ivita da selaxachigui ca qaraỹamaqtaqui nallec, huaña nache caua diez 'alo, da ỹauot aca qanqoi nauolepi, nache dauoxonoigui aca 'oonole qatelaxanaxaqui, souaxat da saq 'amaqtaq ca nallec. Qataq da qanallec, nache ỹataqta qalcoreeta, huaña nache saishet da ỹataqta qami' comaraxaiqa.

Levítico 26:26 Referans Kwoze

Miqueas 6:14

Qataq 'auque'etac qome qalaxaye saishet da 'aucoma', nacherata da queta da 'anque'etaxaatapigui na 'arqouaxa, nam 'arapoñiguishecpi qome qalaq pasa'a da imeuo, qaq da huo'o ca no'onañi nache serolec ca alaataxac da qailaxachigui.

Isaías 3:1

¡Ña qauloichigui de'era! Ñim Nataxala' maye Qaica ca Ỹaqalanapec nqateeguesop qome na Jerusalén qataq ye Judá, 'enauac da ntaunaguec qataq da qoỹaata'am na nallec, qataq na 'etaxat.

Ezequiel 5:16

Aỹem so'ot qome da qami' taleguete ca lta'araic nqouaxa, 'eeta'am aca chaqai checnapi maye dalaataxan. Aja', Aỹem so'ot qome da anac ca qami' ilaxachiguilo, ca nqouaxa, qataq da lvic ca qanallec.

Salmos 105:16

Nache Ñim Lo'onatac 'Enauacna ỹo'otec na lqouaxa 'enauac so netalec yi'iye 'alhua, qataq nlaxaañi 'enauac na lma'pi so trigo.

Hageo 1:6

Qami' ỹataqta qalota qome ca qa'añiguishequi, qalaxaye saq 'amaqtaq cam ala maye qanqachi; qataq qauqui'iitac, qalaxaye saishet da qami' comaraxaiqa; qanỹomiitac, qalaxaye ñaq 'eetalec da huo'o na qaraquipi; qaỹa'añiiñi na sansatta nogoxot, qalaq saishet da qami' napaqre'c, qataq ca do'onataxaatac qalaq qaica ca naigui aca lasheue da lo'onataxanaxac.

Ezequiel 14:13

Da huo'o ca 'alhua da Aỹem ỹacho'ot ca lasouaxashet, qataq Aỹem saỹalaxaguet, nache Aỹem ñauaxaỹaxaasheguem qome na ihuaq da sauo'o ca nhuaxanaguec, qataq seuotaxanec 'enauac na hueto'ot nallec, nache ñamaxa ca nqouaxa, nache so'ot qome da ileu na shiỹaxauapi qataq na shiguiỹacpi.

Ezequiel 4:16

Qaq nataqa'en aỹem 'enapega, 'eeta': Aỹem so'ot qome da qaica ca nallec ye Jerusalén. Ca nallec qalaq qalcoreeta qome nache na shiỹaxauapi da chectac camaye qalaq huo'o da laquicoxo, qataq ca 'etaxat qalcoreeta qome, qaq qom nỹomgui namayepi nache ỹataqta lta'araic da ncolanaxa.

Isaías 9:20

Ñi 'oonolec qalaq chec qome ca pa'ata'ague na aloiguishec lhuaq, qalaxaye ñaq 'eetalec da huo'o na lqouaxa, qaq ca lỹa qalaq chec ca pa'ata'ague na ne'emaxashec lhuaq, qalaxaye ñaq 'eetalec da saishet da icoma'. Nache ivitta'a da chec ca maiche llalaqpi.

Oseas 4:10

Qaq na'aictaxa qome da sa qoue da lquia'axac qalaxaye saishet da icoma', qataq da ỹapacauec da lquisheguetaxac, qalaxaye qaica qome ca llalec, souaxat da ca'ai Ñim Nataxala'.

Ezequiel 4:10

Qaq ye na'a'q nache 'auauo'o ca ỹoqta laloqo' da qollec que'eca saq 'amaqtaq 'oqolec,

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Levítico 26:27

Qaq da ñaq 'eetalec da sa qaualaqai qataq Aỹem qauataita'aguet,

2 Reyes 6:25

Qaq souaxat da ỹataqta qaỹoqtec de'era, nache huo'o so nqouaxa lta'araic ye Samaria, ỹoqo'oye da qaimen na 'oonolec lqaic na 'ashena, nache añi lasheue ivi' ochenta lcatpiole plata, qaq na un cuarto litro na la'atec na qoto', nache añi lasheue ivi' cinco ana lcatpiole plata.

Isaías 5:10

Cam qalochiguiñi 'alhua maye ñaxattalec ana uva, da qanqat nache 'oonole acatai' nlaxachigui laỹe' ca lataxa, qataq caua diez laỹe' ana ala aca nañiguishe da qanqat nache 'oonolec ca nlaxachigui laỹe' na trigo.»

Ezequiel 4:17

Nache qaica qome ca 'etaxat qataq ca qanallec, qaq ñi 'oonolec da ilota'a ñi lỹa nache huo'o da lli'iỹaxa. Qaq souaxat na lasouaxashetpi namayepi nache nquictañi qome da lca'alaxa.

Isaías 9:19

Qaq souaxat dam layeloxo Ñim Nataxala' maye Qaica ca Ỹaqalanapec, nache ana 'alhua ỹavic, nache ca norec ỹavigaxat na shiỹaxauapi. Nache qaica ca ichoxoreetac ca maiche lqaỹa.