Levítico 26:25 - La'aqtaqa Ñim Lo'onatac 'Enauacna 2013

²⁵ Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Levítico 26:25 Referans Kwoze

Números 14:12

Aỹem ñamaxa qome namayepi ca nalolaxa maye dalaataxanapec da ñelaaxaañi, qalaxaye 'am qalota qome ñaqa'en ca 'am chegoxoguetpi, qataq napacalec qome da la'añaxac namayepi.»

Ezequiel 5:17

Aja', Aỹem so'ot qome da qami' taleguete ca nqouaxa, napiina qataq nleuaxa, qataq ca shiguiỹacpi maye qauemaicpi nache qaica naqa'en ca no'onañi ca qaỹa'alquipi, qataq da qoñeeta so'ot qome da qalota ca ileuaigui ca alaataxac. Qaq 'era da ỹa'aqtac Aỹem Nataxala'.»

Ezequiel 33:2

«'Am shiỹaxaua, ña 'autaxaỹot qome na 'arhuo' le'ecpi, qoneta': Da ñamaxa ca 'alhua ca 'alaataxac, nache ca shiỹaxauapi maye hueta'a que'eca 'alhua, ỹaconeua'a ca 'oonolec da ỹauo'o lauanaxanaxanec.

Ezequiel 29:8

Qaq ỹoqo'oye Aỹem Nataxala', shenapec: 'Am Egipto, Aỹem so'ot qome da 'am qailoquiaxan, 'am qairolec ca ỹeelonec, qataq qaỹalauat na 'analleppi qataq na 'ana'atetpi.

Ezequiel 20:37

Aỹem qami' ñimi't qome, 'eeta'am da 'eetec ca qagueta lo'o da naloqten aca lalopi qaguetapi, nache so'ot da qaupaquiitelec dam ñaỹamaxataxac.

Ezequiel 14:17

Qaq da ñamaxa ca alaataxac que'eca 'alhua, qataq da samaxasoxoolec da qaỹalauat na shiỹaxauapi qataq na shiguiỹacpi,

Ezequiel 6:3

qoneta': Ñaq qana'axaỹaxañiỹa da la'aqtac Ñim Nataxala' qami' qasoxonaxapi na Israel, qami' lcomaraxalatepi, qami' talapi qataq qami' ca'ameguepi, Aỹem qami' ñamaxalo qome ca alaataxac, da yaqto' ilaxachigui nam qaỹoqotcheguemec atamnaqa'pi maye huaña da qaỹo'oxoren na ỹaqa'a atamnaxala'pi.

Jeremías 24:10

Qataq ñamaxa qome namayepi ca alaataxac, qataq ca nqouaxa, qataq ca napiina, nache choche ivitta'a qome da qaica da 'oonolec ca no'onalec ne'ena 'alhua, maye sanem co'ollaxa namayepi, qataq som hua'au lta'alpi.»

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Deuteronómio 28:21

Ñim Nataxala', 'am huec naqa'en qome ca napaxa maye qanlem da yaqto' 'am ỹalauat, qom qonetaña ye 'alhua maye 'am ỹanem qome da qonalec.

Lucas 21:11

Qataq huo'o qome ca nacholaxanaxa naua pa'aiguelo naua laỹel ana 'alhua qataq ca nqouaxa. Qataq huo'oi qome naua nalolaxaco naua 'aleu'. Qataq qaila'a qome ca qaica ca 'ena'am da lchec qataq caua lta'al na'anqa na piguem.

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Lamentaciones 2:21

Nam nsoxoppi qataq na ỹa'axaiquipi qalaq huetaiya' huetanguilo naua nqa'aico, som ỹalamaxat nsoxoppi qataq so qa'ampiolec qalaq qaỹalauat qairolec so ỹeelonec, som na'a'q co'ollaq 'aualemata nache 'aualauat. ¡Ỹataqta sa'auchoxonnai' co'ollaxa da 'aualauat!

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»

Salmos 94:1

'Am Nataxala', maye ishet da 'apalaique ca nvi', 'Am Atamnaxala', ñaq 'anachaxan qome.

2 Samuel 24:15

Qaq huaña, nache Ñim Nataxala' namaxa ye Israel so lta'araic napiina, qaq chegoqchiguiña se'eso nte'eta, nache ivitta'a so naloqnec na'a'q, qaq ivi' setenta mil so ileu, 'enauac ye Dan qataq ye beerseba.

Deuteronómio 32:41

Qaq qom sequeuoc ca ỹataqta qashelec ỹainec, nache da ihuaqỹaxac ỹacoolec da ỹo'ot ca ỹaỹamaqchiguiñi lataxac, ¡nache sepalaique ivi' da so'ot da nhuaxanaguec na ñepa'aguenaxauapi! nache so'otec da 'itchiguiñi nhuaxanaguec na aỹem nquiỹategapi.

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Levítico 26:6

Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Números 31:3

Nache so Moisés 'enapega co'ollaxa so nhuo' le'ecpi, 'eeta': «Qanaỹamaxache qome, da yaqto' qanalaachi, qauloquiaxañi na lma' ye Madián da qaupalỹaique ca lvi' Ñim Nataxala'.

Jueces 15:11

Nache so lma' ye Judá, jec so tres mil ỹalleppi da nqo'ona so auac maye naigui aso coma' ye Etam. Nache somayepi 'enapego' so Sansón, 'eeta': ¿Peta'a sa 'auaỹaten da na filisteopi nachena na ilotague' nataqa'en na souaqta'a? ¿Ta'ainco' da qomi' 'auo'oteque de'era souaqaigui nagui? Nache so Sansón 'enapeco': Aỹem so'otec de'era namayepi da yaqto' se'enaxatchigui da aỹem ỹo'otec co'ollaxa.

1 Reyes 8:33

Qaq ne'ena 'aralamaxat nhuo' Israel le'ecpi da loxonec namayepi ca mpa'aguenaxauapi, souaxat da 'am hueto'ot ca lasouaxashet, nache namayepi da ỹe'eguelaxa da 'am ỹo'oxoren, qaq que'eca natamnaxac, qataq nachoxonnaxac da huaña naqa'en ana'ana atamnaxaqui,

1 Reyes 8:37

Qaq da huo'o ca nqouaxa ne'ena 'alhua, napaxaco, lqaxaỹaxa, huo'otaq ỹauta na nañiguishecpi ana shiiquioxoipi, pelgaxanaqpi, huo'otaq da coleesop ca mpa'aguenaxauapi na na'alhua namayepi, huo'otaq da nvita ca camachaqca nam lcheeguesat, huo'otaq na nalolaxapi,

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Éxodo 5:3

Nache soomaye 'ena'apo': «Ñim Lo'onatac 'Enauacna maye Natamnaxala' na hebreopi, anac da qomi' itaua'n. Qaq ỹoqo'oye qomi' ñeqo'onaxa ye toolec 'alhua, qaq yemaye ivi' caua tres na'axa'te da qarqueuoxoc, qaq da sevitaxa nache savigaxataq aca qarachetaqtaxanaqte da sanqot Ñimaye, cha'aye da sa so'otaq damaye, nache saiueno'o' da qomi' iuaxaneque na nalolaxasat da qomi' ỹalaua't, huo'otaq souaqaigui ca alaataxac.»

2 Reyes 17:3

Qaq so Salmanasar maye nta'a ye Asiria, nqo'ona da iloquiaxan so Oseas, qaq nache loxonec, qataq ỹauo'o lamaxashec, nache so Oseas choche desheetenaxaatac qanqa'en.

2 Crónicas 24:24

Qaq na'aictaxa da saq 'amaqtaq so alleppi siiriopi, qalaxaye Ñim Nataxala' ỹanem somayepi da loxonec som qalota alleppi, cha'aye som shiỹaxauapi maye lma' ye Judá, ỹaxanec Ñim Nataxala' maye Natamnaxala' som hua'au lta'alpi. Qaq 'era da 'eetec da so Joás, talec da 'itchiguiñi nhuaxanaguec.

Isaías 1:20

qalaxaye da nache qoquiito'ot da sa qaualaqai, nache qoviỹaigui qome ca alaataxac da qami' qaỹalaua't.» Qaq 'era da la'aqtac Ñim Nataxala'.

Isaías 65:12

qalaxaye Aỹem Nataxala', so'ot qome da qami' qairoleguete ca ỹeelonec da qami' qaỹalaua't. Cha'aye Aỹem qami' seỹaxaategalo co'ollaxa qalaxaye qami' saqauasache, qami' setaqtacoto co'ollaxa qalaxaye Aỹem saqana'axaỹaxañiỹa, nacherata da sauaachigui qanqa'eñi nam qauem maye qauo'ocheetac, qataq qalca'aiua'a da qauo'oche nam sasaỹamaxaren.»

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Oseas 11:6

Nache qairolec qome ca ỹeelonec, da qailaxachigui na huaqta'a't nỹecpi maye lalamaxatpi, qataq qailaxachigui na lpaqtaxatpi namayepi, qataq qanlaxaañi na maiche lapaxañi lataxacpi namayepi.

Habacuc 3:5

Qaq da taỹa'ague qalaq hua'auta'ague da nalolaxa maye dalaataxanapec, qaq da chegaqa'ague qalaq no'onaña ana 'eeta'am ana poqo na le'eraxa.