Levítico 26:20 - La'aqtaqa Ñim Lo'onatac 'Enauacna 2013

²⁰ Qataq shaco' da qana'añaxachiitac da qauo'ocheetac ca qana'alhuai, ye camaye qaica ca lañaxataxac, qataq aca qo'oipaqpi ca no'onaxa qaca aca ala.

Levítico 26:20 Referans Kwoze

Isaías 49:4

Qalaxaye aỹem shenapec': «Aỹem ỹataqta qaica ca naigui da ỹo'onataxanaxac, choche semetaxateuo da ỹa'añaxac qalaq qaica ca sachegoxotaigui.» Qalaxaye nam so'otpi hueto'ot Ñim Nataxala', qaq cam ñesheetanaguec qalaq chegoqo'ot qome Ñim Lo'onatac 'Enauacna.

Salmos 127:1

Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Deuteronómio 11:17

ten qom qami' dalemataỹalo Ñim Nataxala', nache saishet da namaq na auot; nache saishet da ñaxat ca nañiguishec, huaña nache qami' ỹalaua't ca nqouaxa yi'iye no'on 'alhua maye qami' ỹanema qome Ñim Nataxala'.

Habacuc 2:13

Qaq Ñim Nataxala' maye Qaica ca Ỹaqalanapec, ỹo'ot qome da qaica ca naigui da 'aro'onataxanaxac qataq da 'arasamaxa, cha'aye 'enauac nam 'aro'onatac nlachiguiñi qome da ỹavigaxat ca norec.

Levítico 26:4

nache Aỹem ipacchiguilo ñaqa'en naua na'axa'te maye laloxoqui' na auot da qami' ñamaxalo, nache ana 'alhua qataq ana qo'oipaqpi maye hualec na no'onaxa huo'o da alaỹaxac,

Gálatas 4:11

Qaq ỹoqo'oye aỹem huo'o da icolanaxa da tachigui ye iuel da qaica ca naigui da ỹo'onataxanaxac maye qami' so'oteque.

1 Corintios 3:6

Aỹem qami' sa'axatema da no'on na'axaỹaxac maye na'aqtaguec So Jesucristo, qaq so Apolo qalaq qami' ỹapaxagueneque da lataxac da qoquiito'ot da qaua'amaqchiñiitac Somaye. Qalaxaye Ñim Lo'onatac 'Enauacna nacheñi Ñim qami' ỹo'oteque da qanquiquiita'aguet da ỹataqta qauauattoñiita So Cristo.

Hageo 2:16

¿ca 'eetec co'ollaxa som qoviỹaigui? Cha'aye da qoñeeta, naxa da huo'o ñi 'oonolec da nqo'oneuga na naponec ala na nañiguishec maye ivi' veinte ana laỹe', qalaq nda'a't naxa da diez ana ilalec, qataq naxa da huo'o ñi tauga na no'onataqa' na lataxa, da huotaique da nlaxatchigui aca cincuenta naco'oñapi, qalaq nda'a't da nlaxachigui naxa ana veinte.

Isaías 17:11

qataq so na'a'q co'ollaq 'aỹa'aañi qalaq 'ampaxattalec, qataq 'auo'otec da ñaxat ana ala ye lỹa na'a'q. Qalaxaye, qom anac cam nalolaxa qataq cam qauem maye qaica ca lata', nache deqat qome na ala nam nañiguishecpi.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Da na'aqtaguec so Job 31:40

¡nache na ña'alhua ñaxaalec qome ana ỹaxat, nmeneguet na trigo, qataq na qauem 'auaqpi nmeneguet na cebada!

Deuteronómio 28:42

Qataq 'enauac aca qo'oipaqpi qataq aca ala ca ñaxattalec que'eca 'ana'alhua nlaxaañi qome aca shiiquioxoipi.

Deuteronómio 28:18

Qataq ỹataqta qauem qome da lañaxataxac ca 'aỹa'alaqpi, qataq da alaỹaxac ca 'añiguishecpi, qataq ca llalec aca 'arelo huacapi, qagueta qataq ca laỹe 'arelopi shiguiỹacpi.

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Isaías 17:10

cha'aye 'aucoua'ai Ñim Lo'onatac 'Enauacna maye 'am nca'alaxatec co'ollaxa, qaq saishet da 'antoonec da nacheñi Ñim qaica ca 'eeta'am 'aye'eguenaxala'. 'Am 'auo'ottac na ỹataqta no'on nanaxanaqa'piolec, qataq 'aỹa'aateguiñi ana nañiguishe da yaqto' 'avio'oxoren som chegaqauec atamnaxala',

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

1 Reyes 18:2

Nache so Elías jec co'ollaxa, nache nqo'oneua'a so Ajab. Qaq ye Samaria, ỹataqta sa la'axaic co'ollaxa so nqouaxa.

Oseas 2:11

Huaña qome nache tachiguiña ñaqa'en da lamaicỹaxac, qataq da ỹo'ottac na lquia'axac da dalaxaic ñi ca'agoxoic, qataq ye na'a'q mataxaqui, qataq 'enauac na laỹe la'ashaxacpi.