Levítico 26:19 - La'aqtaqa Ñim Lo'onatac 'Enauacna 2013

¹⁹ Qataq selaxachigui da qana'amqaanaxaqui, qataq so'ot da qaica ca auot ana 'alhua, qataq qaica ca alaỹaxac.

Levítico 26:19 Referans Kwoze

Deuteronómio 28:23

Qaq na piguem qalaq 'eeta'am qome ca lcat bronce, qaq ana 'alhua maye 'auapetalec qalaq 'eeta'am ca lcat.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Lucas 4:25

Soua qaỹoqteguelo vi'iye co'ollaq ñaq nca'altauec so la'aqtaxanaxanec Ñim Lo'onatac 'Enauacna le'enaxat Elías, nache qaica ca auot soua tres vi'iye qataq soua seis ca'agoxoiqa, qaq na shiỹaxauapi, ilem na lqouaxa. Qaq na lma' na Israel le'ecpi qalota ana pa'aipi,

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Ezequiel 30:6

Da la'aqtac Ñim Nataxala', 'eeta': Cam itauan qome ye Egipto, nache ileuaigui ca alaataxac, chegoqchiguiña na lma' ye Migdol nache ivira'a ye Asuán. Da ño'oxoreetapigui la'añaxac ye Egipto damaye qaica qome ca la'amaqchec. Qaq 'era da san ỹa'aqtac Aỹem Nataxala'.

Jeremías 13:9

«Qaq nache sheetec qome de'era, qom selaxachigui da ño'oxonnaxac ye Judá qataq ye Jerusalén.

Isaías 25:11

Qaq ye Moab ỹachaxaare'c qome naua lhua'q 'eeta'am ca shiỹaxaua daloxootac, qalaxaye da ldaxac naua lhuaxaye nachera da ỹo'ot da nquictañi da napagaqaanaxac.

1 Samuel 4:11

Qaq nataqa'en qaiuotaxanec aso arca maye laỹe' da naỹamaxataxac Ñim Lo'onatac 'Enauacna, qataq qaỹalauat so Jofní qataq so Finés, maye llalqa so Elí.

Ezequiel 7:24

Cha'aye Aỹem so'ot qome da anac ca shiỹaxauapi qauemaicpi, nache mpaxaalec da ỹacona na nma'pi ne'ena huaqta'a't nỹecpi. Qaq nache tachiguiña ñaqa'en qome da ño'oxonnaxac na 'añaxaicpi, qataq so'ot qome da qanshepaxanaqchet nam natamnaqa'pi namayepi.

Isaías 26:5

Ñimaye huañi naqa'en so ño'oxonnaxaicpi, qataq qaica naqa'en ca la'amaqchec som na'amqaanaxaic huaqta'a't nỹecpi, nache hueta'aguet naqa'en na 'alhua,

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

1 Samuel 4:3

Nache so nalleppi so Israel le'ecpi co'ollaq ỹe'eguelaxa so lanataqa', nache so nqueroxonecpi maye lataxala'pi so Israel le'ecpi nnattega't, 'eeta': ¿Chaq ta'ainco' da Ñim Nataxala' ỹasheetem da qomi' loxonqa na filisteopi? ¡Ña she'eguenaqa'a aca arca maye laỹe' da naỹamaxataxac Ñim Nataxala' maye netaña ye Silo, yaqto' Ñimaye qomi' nca'alaxateeguesopa qome na qampa'aguenaxauapi!

1 Reyes 8:35

Qaq da huo'otaq ỹataqta qaica ca auot, souaxat da 'am hueto'ot ca lasouaxashet ne'ena nhuo' le'ecpi, nache da huaña naqa'en ne'ena ca natamnaxac, qataq 'am ỹo'oxoren, qataq ntogottague' ca lasouaxashetpi souaxat da nhuaxanaguec,

Isaías 28:1

¡Qaq choxoraxaso' ye Samaria, maye ño'oxonnaxaqui qataq 'eco' no'on naro'o ye Efraín, yem nhuo' le'ecpi maye 'eeta'am na taxaicpi, qataq llo'oxoraqte ana huo'o da lyac lauoxo maye taỹa'a da deqaqa, maye hualec na lcomaraxa so 'onaxaic ca'amegue, yem huaqta'a't nỹecpi maye hueta'a na shiỹaxauapi maye mashe sa nauec da lamanaxanaxa na lataxa!

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Deuteronómio 11:17

ten qom qami' dalemataỹalo Ñim Nataxala', nache saishet da namaq na auot; nache saishet da ñaxat ca nañiguishec, huaña nache qami' ỹalaua't ca nqouaxa yi'iye no'on 'alhua maye qami' ỹanema qome Ñim Nataxala'.

Ezequiel 33:28

Nache so'ot qome da toolec qataq nlachiguiñi ne'ena 'alhua, qataq selaxachigui dam la'añaxac maye ỹo'ottac da ño'oxonnaxac. Qaq aye qasoxonaxapi ye Israel qalaq toolec qome, nache qaica qome ca ỹa'axasoxoolec ayemayepi.