Levítico 26:17 - La'aqtaqa Ñim Lo'onatac 'Enauacna 2013

¹⁷ Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Levítico 26:17 Referans Kwoze

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Salmos 53:5

Qaq na'aictaxa da qaica ca ỹo'ot da lcolanaxa, qalaq namayepi iviloxolaqchet da lli'iỹaxa, cha'aye Ñim Lo'onatac 'Enauacna ilagaxattac na lpi'inecpi na depa'aguenataxaatacpi. Nache huo'o da la'aloxo cha'aye Ñim Lo'onatac 'Enauacna, saiuooneguet namayepi.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Lamentaciones 1:5

Nam npa'aguenaxauapi co'ollaxa qalaq nachena nam na'aco'pi nagui, qataq na l-loquiaxauapi co'ollaxa nquictasheguem da lsallaxa nagui. Qaq cha'aye Ñim Nataxala', maiche ỹo'otec de'era laquicoxo, souaxat nam qalota lasouaxashetpi namayepi. Ỹoqo'oye som llalaqpi, qaỹauega ye ỹaqa'a 'alhua, ỹauec nam npa'aguenaxauapi namayepi.

1 Samuel 31:1

Qaq so filisteopi delogui' co'ollaxa so Israel le'ecpi, nache so Israel le'ecpi dataueeguesop somayepi, qataq qalota so ileu huaña añi qasoxonaxa ye Gilboa.

1 Samuel 4:10

Huaña nache so filisteopi jec da iloquiaxan so Israel le'ecpi nache loxonecpi, ỹoqo'oye datauec somayepi, ỹe'egueneua'alo soua lma'ate. Qaq se'eso na'a'q ỹataqta qalota so qaỹalauatpi, ivi' treinta mil so ileu so nalleppi so Israel le'ecpi.

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Josué 7:4

Huaña co'ollaxa, nache jec so tres mil ỹalleppi da iloquiaxan ye Ai. Qalaxaye so lma' ye Ai nauec co'ollaxa somayepi nache datauec naqa'en,

1 Reyes 8:33

Qaq ne'ena 'aralamaxat nhuo' Israel le'ecpi da loxonec namayepi ca mpa'aguenaxauapi, souaxat da 'am hueto'ot ca lasouaxashet, nache namayepi da ỹe'eguelaxa da 'am ỹo'oxoren, qaq que'eca natamnaxac, qataq nachoxonnaxac da huaña naqa'en ana'ana atamnaxaqui,

Salmos 44:10

Qataq 'auo'ot da qomi' iqoshaxaate' na qampa'aguenaxauapi, nache na qomi' nquiỹategalo qomi' nhuotte', nache ỹache na nqopita na qaralamaxatpi.

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

Ezequiel 15:7

Aỹem sataỹa'aguet qome namayepi. Namayepi dataueeguesop qome ca norec qalaxaye ca lỹa norec loxonec qome namayepi. Qaq qom sataỹa'aguet namayepi, nache ỹaỹaten da nachaỹem maye Aỹem Nataxala'.

Jueces 3:8

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so Cusán Risatayin, som nta'a ye Mesopotamia. Nache somayepi ivi' ocho vi'iye da do'onataxaatacot so Cusán Risatayin.

Jueces 3:14

Huaña, nache so Israel le'ecpi, ivi' dieciocho vi'iye da do'onataxaatacot so Eglón,

Jueces 6:2

Qaq souaxato' so madianiitapi da ỹataqta nquictauec da la'añaxac da ỹachoxoren so Israel le'ecpi, nache somayepi ỹo'ot so lloqtaxanaxaquipi, ỹanaigui aso qasoxonaxapi, qataq so auacpi maye nqañoxotaxaquipi.

1 Samuel 12:15

Qalaxaye da sa qaualaqaiguet, qataq sa qauo'oche' naua lamaxasoxonaxaco, nache Ñimaye qami' iuaxa'n qome, 'eeta'am da 'eetec so hua'au qarta'ailpi.

2 Reyes 13:3

Qaq ỹoqo'oye ỹataqta 'eroigui da lalemataic Ñim Nataxala' da dalemataỹa so Israel le'ecpi, nache ỹataqta qaỹoqtec naqa'en da ỹaneguet da lhuaqỹaxac so Jazael, maye nta'a ye Siria, qataq so Ben Adad, maye llalec so Jazael.

2 Reyes 13:7

Qaq so Joacaz, nachesota so cincuenta nalleppi maye netalec naxa na caaỹo da no'onañi, qataq aso diez naigonapi maye nalaataxaquipi, qataq so diez mil nalleppi maye petañepi, cha'aye so nta'a ye Siria, nmatchiguiñi so laỹepi nalleppi somaye, qataq ỹataqta dolachigui naqa'en.

Salmos 53:6

Qaq 'onaxaictaxa da chegoqchiguiña añi qasoxonaxa Sión ca lca'alaxa na Israel le'ecpi qom ivita da Ñim Lo'onatac 'Enauacna ỹe'eguelaxa da ỹaỹamaxaañi na lalamaxat nhuo' le'ecpi. Nache machiguiñi qome na chegoxoguet so Jacob, qataq 'enauac na Israel le'ecpi.

Isaías 30:17

Qataq souaxat da larenaxanaxac ca 'oonolec shiỹaxaua, nache mil qome cam datauec da qoñiita, qataq souaxat da larenaxanaxa'c caua cinco nache 'enauac qami' da qauataiuec qome, choche ivitta'a da qoñeeta'am aca 'oonole qo'oipaq, maye netalec aca qasoxonaxa huo'otaq aca na'anaxanaqte maye netalec ca qaỹoqotcheguemec 'alhua.

Isaías 63:10

Qalaxaye namayepi sa ỹalaxaguet co'ollaxa Ñim Nataxala', qataq inogoqchet Ñim qui'itta Nataxala', qaq ỹoqo'oye Ñimaye ỹe'eguelaxa da mpa'aguene' namayepi nache delogui'.

Lamentaciones 2:4

Ñim Nataxala', 'eeta'am ca pa'aguenaxaua da ichegaxaalec ca lchecnec, qataq ỹa'añaxaalec na aloiguishec lhuaq, 'eeta'am ca loquiaxaua, qataq ilaxachigui na huo'o da lyac da qailota'a. Qataq anacot da nnogoxonaxac, 'eeta'am ca norec da talec naqa'en so npe'lpi yem huo'o da lyac Sión.