Levítico 26:14 - La'aqtaqa Ñim Lo'onatac 'Enauacna 2013

¹⁴ Qalaxaye qami', da Aỹem sa qaualaqaiguet qataq da saishet da qauo'oche 'enauac ne'ena ỹamaxasoxonaxacpi,

Levítico 26:14 Referans Kwoze

Lamentaciones 2:17

Ñim Nataxala', mashe ỹo'ot dam lapaxañi co'ollaxa, nache ipaqueelec som la'aqtac, maye ỹan co'ollaxa soua qaỹoqteguelo vi'iye. Nache saishet da 'am ichoxoreetac da 'am ilaxachigui, qataq hua'aqta'a na 'ampa'aguenaxauapi da 'am ne'eetapigui, qataq nquigaxatsheguem da la'añaxac na 'ampa'aguenaxauapi.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Hechos 3:23

Qaq ca sa ỹalaxaguet camaye, qalaq saishet da nache 'eetai' da ỹalectaigui na qarhuo' le'ecpi.»

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Lamentaciones 1:18

Qaq Ñim Nataxala', ỹaỹamaqchiguiñi dam ỹo'ot, cha'aye aỹem sataỹa'agueta naua lamaxasoxonaxaco. ¡Ñaq qana'axaỹaxañi nagui 'enauac qami' nhuo' le'ecpi, qataq qaumichiñi da ñequi'ic! ¡Som ỹalamaxat nsoxoppi, qataq som qa'ampi qaỹauega yem ỹaqa'a 'alhua!

Josué 23:15

Qaq dam 'eetec da ỹataqta imauec da ipacchigui na 'onaxaicpi maye ỹachaxanapecpi co'ollaxa Ñim Nataxala' maye Qanatamnaxala', qaq nache 'eetec nataqa'en Ñimaye da anacot qome ca qauemsat, nache ivitta'a da ỹataqta qaica 'oonolec da qoñiita da no'onañi da no'onalec ne'ena no'on 'alhua maye qami' ỹanema Ñimaye,

Jueces 2:15

Qaq somayepi da jec naxa da nalat, nache Ñim Nataxala' nqanaxat somayepi da yaqto' qauem da llecỹaxac, cha'aye nache la'aqtac co'ollaxa, nache ivira'a da ỹataqta lta'araic da lachetataic somayepi.

1 Samuel 12:15

Qalaxaye da sa qaualaqaiguet, qataq sa qauo'oche' naua lamaxasoxonaxaco, nache Ñimaye qami' iuaxa'n qome, 'eeta'am da 'eetec so hua'au qarta'ailpi.

2 Crónicas 7:19

Qalaxaye da aỹem qoquiỹa'ai, qataq sa qaualaqaiguet na iqataxacpi qataq na ỹamaxasoxonaxacpi maye qami' sanema, nacherata da qanqo'oñiỹa da qavio'oxoreñiitac qataq qanatamñiitacot na ỹaqa'a atamnaxala'pi,

Proverbios 3:33

Ñim Nataxala' ỹasaxalec ca qauem ca lma' ca qauemaic, qalaxaye ỹasaxalec da lchoxonnataxanaxa ca lma' ca no'on da lataxac.

Jeremías 11:8

Qalaxaye saishet da Aỹem qocha'a qataq saishet da Aỹem ỹalaxaguet, nachaqrata da qaramchigui da lquiyaqteỹaxac nache queguelo na maiche lhuennataxaco. Nache saishet da ipaqueeleguete naua ỹa'aqtaqa maye samaxaleguete co'ollaxa, qaq huaña nache so'ot so iuaxanaxanaxac maye ỹa'axatta'a co'ollaxa de'era ñaỹamaxataxac.»

Jeremías 26:4

Qataq 'aua'aqtaxanem da Aỹem Nataxala' shenapec: ‹Da saishet da Aỹem qaualaqaiguet qataq sa qaupaquiileguete naua ỹapaxaguenataxanaxaco maye qami' sanema,

Jeremías 28:8

Som hua'au na'aqtaxanaxanecpi co'ollaq saxanaqca 'am qataq aỹem, somayepi ỹa'axatta'aguet co'ollaxa ca alaataxac, nqouaxa qataq ca napiina maye talec na qalota ỹotta'a't shiỹaxauapi, qataq nam nta'alpi maye 'añaxaicpi.

Jeremías 40:2

Qaq so lataxala' so nauaatalecpi so nta'a, iỹotauga co'ollaxa so Jeremías, nache 'enapega, 'eeta': «Ñim Nataxala' maye 'Anatamnaxala', ỹa'axata'a co'ollaxa da namaxa ne'ena 'alhua de'era qauem,

Daniel 9:13

Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.

Oseas 7:12

Qalaxaye qom taỹa, nache sa ñaỹaloxon da sasaxalec ca ỹaleguec yemayepi, qataq naañi ñaqa'en, 'eeta'am ana qoỹopi da chegaqasheguema na piguem, nache sauo'o qome ca nhuaxanaguec souaxat na qauem maye ỹo'otacpi.

2 Reyes 22:13

Ñaq qaunache taxa Ñim Nataxala', da aỹem qauchemaqtaxañiilec, qataq nam nhuo' le'ecpi, qataq 'enauac na Judá le'ecpi, qataq nam na'aqtacpi maye huetalec ana'ana nere maye qailalec. Cha'aye Ñim Nataxala', yo'oqta da ỹataqta qomi' dalemataỹalo, souaxat da so hua'au qarta'alpi saishet da ỹalaxaguet nam na'aqtacpi maye nanettalec ana'ana nere, qataq saishet da ỹo'ot na nanettalec anamaye.

2 Crónicas 34:24

da Aỹem Nataxala', shenapec: Aỹem ñamaq qome ca qauem, da talec ñaqa'en ne'ena nma', qataq nam shiỹaxauapi maye hueta'a namaye, ipacchigui qome 'enauac nam qauem maye nanettalec aso nere, maye hua'aqchigui qanqa'en ñi nta'a ye Judá co'ollaq qaitaxaỹaxan.

Salmos 81:12

Qaq ỹoqo'oye namayepi saxanec da quegue ca maiche 'eetapeguec, qataq maicheye ca lauela da ỹo'ot.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.