Biblia Todo Logo
Bib sou entènèt

- Piblisite -




Levítico 25:43 - La'aqtaqa Ñim Lo'onatac 'Enauacna 2013

43 Qataq saishet qome da sa 'auayacnapec, nacherata da 'auachaxan da huo'o naq 'enec 'anqa'en Ñim Atamnaxala'.

Gade chapit la Kopi




Levítico 25:43
23 Referans Kwoze  

Qaq qami' 'aco'pi, ỹataqta qauo'oche ca ỹaỹamaqchiguiñi, qataq ỹataqta qaupagaqñiichigui da nsheetenaguec ca qarlataqui. Qami' qauennachiỹa'a da nataqa'en huo'o ñi qana'aco'oi maye neta'ague da piguem, Ñimaye nacheñi Ñi Jesucristo maye Nataxala'.


Qaq camayepi nache no'ona'aguet qome ca qaỹa'alquipi da yaqto' lalamaxat da ivita da qaullivi, da nache 'eetai' da l-latacpi. Qalaxaye qami' Israel le'ecpi, qaica qome ca sa iyacnapec ca lamaxashec da maiche lauo' le'ec.


Saisheto' da huo'o ca ỹatenachet ca lỹa da ỹe'enai'. Nacherata da huo'o naq 'enec naqa'en Ñim Natamnaxala', qaq 'era da ỹa'aqtac, Aỹem Nataxala' maye Qanatamnaxala'ai.


Qataq qami' 'aco'pi, iuen nataqa'en da ỹataqta qaue'enaxacheeteguet qome na qarlataquipi. Saishet da qauayiñiitalec. Qauennachiỹa'a da qami' qataq namayepi qoviito'ot Ñim Nataxala' maye neta'ague da piguem, qaq Ñimaye saishet da lca'atagui na shiỹaxauapi.


Qami' saishet da qautauañi ana qaguetapi maye qaica ca la'añaxac, qataq sa qanatareñi anam sa no'onpi, qataq saishet da qauauoi ca laxataxat na lacagaxa ana huacac na lapia', qataq saishet da qaupacỹapegue' ana dasheuec, qataq saishet da qanmichiỹaique ana deqat, nacherata da saishet da qauchiyiitac qataq sa qanỹeñi anamayepi.


Qataq saishet da qauashiñiita da sa qaiyacnapec camaye, nacherata da qaue'enaxacheeteguet ca 'onataxanaxaic maye 'oonolec vi'i qanqa'en da do'onataxan.


«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.


qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,


Aỹem co'ollaq salemataỹa nam ỹalamaxat nhuo' le'ecpi, nache saneguet namayepi da saqaỹaỹamaxatapec, qataq saneguet da 'ara'añaxac. Qaq 'am saishet da 'auchoxoreetac co'ollaxa namayepi, na ỹa'axaiquipi maye nataxala'pi qalaq 'auachelec co'ollaxa nam qapa'atta lla'ac.


qataq da 'eetec co'ollaq saishet da ñi'iỹa Ñim Lo'onatac 'Enauacna da qami' naxategueta, huangui so nqa'aic, nache chegoxogue na qarlaqai da iloquiaxan so nca'ataxaatauopi maye nasamaqtocpi maye qaica ca la'añaxac.


Nataqa'en ỹataqta iuaxaatalec som lataxala'pi som nlatacpi maye ipataxalec so faraón da ilo'ogue naqa'en so nlatacpi. Nache 'eetega, 'eeta': «¿Ta'ainco' ye shecait, qataq nagui da saishet da naloguiñi na qaỹa'añeeuo na qaro'onataqui losoc, qaq saishet da 'ena'am so hua'auchiguiñi?»


Qaq Aỹem sa'aqtega da lachetataic ye Israel le'ecpi, nataqa'en sauaachigui da ye Egipto le'ecpi ỹataqta qaica ca lyacnataxanaxac yemayepi.


Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.


Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.


qataq nache ỹanema da ỹataqta qalota na llale'c, cha'aye soomaye huo'o da lcolanaqa'.


Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.


Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:


cha'aye 'enauac na Israel le'ecpi maiche ỹalamaxat ỹamaxashecpi, cha'aye Aỹem ñeqateeguesop co'ollaxa ye Egipto, ỹoqo'oye namayepi saishet qome da huo'o ca qaimen, da yaqto' nlatacpi.


Qaq da 'auauotaique da 'ausheenaxana ca 'arlatac, huo'otaq aca 'arlata, nache 'auachegoxota'a ca lỹa 'alhua maye saqaỹapeque ca qonetaña 'alhua.


Qaq nagui nache qaltaq qauacoñiiua'a da qauauo'oi qarlataqui na shiỹaxauapi maye lma' ye Judá, qataq ye Jerusalén. Qaq ¿peta'a saisheto' da huo'o da qarasouaxashechi hueto'ot Ñim Nataxala' maye Qanatamnaxala'ai?


Qaq da sa selo'oguet co'ollaxa na ilatacpi huo'otaq ana ilatapi, da aỹem dequictacot da sanem ca iỹaxaataique.


Qaq ¿'eeteco' ca ỹa'aqtac da aỹem iỹaxaneuga Ñim Lo'onatac 'Enauacna? Qataq ¿'eeteco' ca ỹasataxac da aỹem inat Ñimaye?


Swiv nou:

Piblisite


Piblisite