Levítico 25:23 - La'aqtaqa Ñim Lo'onatac 'Enauacna 2013

²³ Qaq ca 'alhua saishet da ỹoqta qaimen, cha'aye 'enauac camaye ỹalamaxat, qataq ye qami' saishet da nache 'eetai' da qoñiitalec camaye, cha'aye qami' qoñiita'am ca chegaqauec maye choche ñamaxasoxoic.

Levítico 25:23 Referans Kwoze

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

Salmos 39:12

«'Am Nataxala', ñaq 'aua'axaỹa da ñatamnaxac, ñaq 'auqoche'eguet da iỹaxanaxac, saishet da sa 'aua'axaỹa da ñenoinaxac cha'aye 'eeta'am 'anqa'en aỹem ca ỹaqa'a ca chegaqa'ague, sheeta'am ca qoỹo maye chochaq queta, sheeta'am co'ollaxa som sachegoxoguetpi.

Ezequiel 48:14

Qaq que'eca nacheca ca ỹataqta no'on 'alhua maye qaiỹotauga. Qaq camaye saishet qome da qaimen ca laỹe, huo'otaq da huo'o ca nmeneguet qanqa'en, huo'otaq da huo'o ca qoỹanem lỹa shiỹaxaua, cha'aye camaye lalamaxat Ñim Nataxala'.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

1 Crónicas 29:15

Cha'aye da 'am souaqto'ot, nache shenaqta'am cam chegaqauecpi da sa qaỹaloq da jec, 'eeta'am som hua'au qarta'alpi, qataq da qanachaalataxac da souaqtalec ana 'alhua, 'eeta'am ca lpaqal maye saq 'eetai'.

Deuteronómio 32:43

¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!

Éxodo 19:5

Qaq ỹoqo'oye nagui, da qami' ỹataqta aỹem qaualaqaiguet qataq qaupaquiitelec da ñaỹamaxataxac co'ollaq qami' ñaỹamaxateto, nache ỹataqta qami' ỹauotaqa'ate, qataq saishet da qoñeeta'am qome na laỹepi shiỹaxauapi, cha'aye 'enauac ana 'alhua maiche ỹalamaqte.

Joel 3:2

nache llaỹona't qome 'enauac na ỹotta'a't shiỹaxauapi, nache sauega ye ca'amegue Josafat, yem huaña da ñemit qome namayepi, souaxat nam ỹo'otecpi co'ollaxa nam ỹalamaxat nhuo' Israel le'ecpi, da ilagaxaalec nam ỹotta'a't 'alhuapi, qataq namayepi nalogui na ña'alhuapi.

Joel 2:18

Huaña nache Ñim Nataxala' ỹachaxan da lauoche ne'ena na'alhua, nache ichoxoren ne'ena lalamaxat nhuo' le'ecpi.

Oseas 9:3

Qaq nache saishet qome da nache qoñeetalec na 'alhua maye lalamaxat Ñim Nataxala', nacherata da na Efraín, ỹe'eguelaxa qome ye Egipto, qataq ye Asiria yem huaña qome da chectac na nallec maye sa qaỹashenem namayepi da chec.

Salmos 85:1

'Am Nataxala', ỹataqta huo'o da 'archoxonnataxanaxa co'ollaxa ne'ena 'aralamaxat 'alhua, cha'aye 'avi'eguelaxalec co'ollaxa da 'anauaxaỹaxaasheguem so Jacob.

2 Crónicas 7:20

nache aỹem, qami' ñeqateeguesopa qome na 'alhua maye qami' sanema, qataq sheca'ai ana atamnaxaqui maye seỹotauga da yaqto' hueta'a da ỹe'enaxat, nache saneguet da choche ỹe'eetac 'enauac na ỹotta'a't shiỹaxauapi.

Levítico 25:10

Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Isaías 8:8

qaq ivira'a ye Judá da ipaxaalec qome, qataq nquictasheguem ivitta'a da iviro'ot na lqosot. Qaq nache 'eeta'am qome ca qoỹo da ỹauachiguilo naua laua't, nache imattalec 'enauac ye 'ana'alhua, 'am Emanuel.»

Salmos 119:19

Cha'aye aỹem sachegaqauec da soota'a ne'ena 'alhua, qaq saishet qome da aỹem 'oxocheesopa naua 'aramaxasoxonaxaco.

1 Reyes 21:3

Qalaxaye so Nabot 'enapego' so Ajab, 'eeta': Ñim Nataxala', aỹem saỹashenem qome da 'am sanem ne'ena 'alhua, maye aỹem no'onaxata'aguet co'ollaxa soua ita'al, da yaqto' ỹalamaxat naqa'en.

Génesis 47:9

Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»

Génesis 23:4

«Aỹem na'aictoxo' da sachegaqauec da qami' soota'agueta, qalaxaye sauotaique da aỹem qaumiñiỹot ca 'alhua da yaqto' lma' na ỹaqatacpi, yaqto' selayiñi ayem ihua maye saqaca.»

Éxodo 2:22

Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Levítico 25:24

Qaq ỹoqo'oye, da huo'o ca qausheenaxañiỹa 'alhua, nache qami' qauaỹaañita da ca hua'auñi lalamaxat, camaye ishet da ñe'eguelaxaala't.

Salmos 39:13

A'aye qome da 'arayeloxo da aỹem 'aulotagui, yaqto' cara'acolec da ñañaxaayishegue'm naua ỹa'a'che, llaxatemallaxa da ñaq saxanaxa da seleu.»