Levítico 25:22 - La'aqtaqa Ñim Lo'onatac 'Enauacna 2013

²² Nache qollequiitac qome aca qaraỹamaqtai qa'añiguishe ala, qataq ivitta'a ca vi'i ocho da qaltaq qaỹa'añiiñi ca dalaxaic qa'añiguishequi, qalaxaye ñaqaiyeta ivirauga ca vi'i nueve aca'aca qaraỹamaqtai nañiguishe ala.

Levítico 25:22 Referans Kwoze

2 Reyes 19:29

Nache so Isaías, 'enapega co'ollaxa so Ezequías, 'eeta': 'Era qome da la'anaxat cam naỹa'acna: Ne'ena vi'i qataq ca lỹa vi'i maye ñaq natauo, nache qollequiitac qome na ala cam trigo maye chochaq nasheguem, qaq ca vi'i tres nache ishet da qa'anaxañi qataq qauqataxañi, qataq qaỹa'añiiñi ana uva nache qollequiitac aca ala.

Levítico 26:10

Qataq qollequiitac qome aca ala ca hua'auñi qa'añiguishe ca lỹa vi'i, nache ivitta'a da qanqacheeuec ca togoshec qaraỹamaqtaqui souaxat da qauaỹamaxache ca dalaxaic ala.

Isaías 37:30

Qaq huaña nache so Isaías qaltaq 'enapega so Ezequías, 'eeta': «'Era da la'anaxat qome cam ñaq taỹa'a da yo'oq: Ne'ena vi'i qataq ca lỹa vi'i qollequiitac qome nam trigo maye maiche ñaxatsheguem, qalaxaye ca lỹa vi'i nache ishet qome da qa'anaxañi qataq qauqataxañi, qataq qaỹa'añiiñi ana uva nache qollequiitac qome ana ala.

Levítico 25:23

Qaq ca 'alhua saishet da ỹoqta qaimen, cha'aye 'enauac camaye ỹalamaxat, qataq ye qami' saishet da nache 'eetai' da qoñiitalec camaye, cha'aye qami' qoñiita'am ca chegaqauec maye choche ñamaxasoxoic.

Éxodo 16:5

Qaq qom mashe ivi' caua seis na'axa'te, nache da qalapon ca qandoua'a ca nma', qalaq qandouo ca nalaiguilo caua dos na'axa'te.»