Levítico 25:21 - La'aqtaqa Ñim Lo'onatac 'Enauacna 2013

²¹ Qalaxaye Aỹem qome qami' sanema da ichoxonnataxanaxa da ivireuga que'eca vi'i seis, qataq nache ỹo'ot da ivi' caua tres vi'iye da sa qoue da alaỹaxac ca nañiguishec.

Levítico 25:21 Referans Kwoze

Deuteronómio 28:8

Ñim Nataxala', 'am namaxa qome da lchoxonnataxanaxa da yaqto' nlaqchiguilo naqa'en naua laponaxaqui' na ala ca 'añiguishecpi, qataq 'enauac ca 'aro'onatacpi nache ỹataqta 'auamachiguiñi naqa'en qom qonetalec ye 'alhua maye 'am ỹanem qome.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

2 Corintios 9:10

Ñim Lo'onatac 'Enauacna, nacheñi ñi ỹan acam nañiguishe ala, yaqto' qoỹanoigui na 'alhua, qataq ca qanallec da yaqto' ỹa'añaqchet ca shiỹaxaua. Nataqa'en Ñimaye qami' ỹanema qome 'enauac ca qaviñiitaique, yaqto' ishet da qautauañi ca qarỹai.

Salmos 133:3

Qataq 'eeta'am na sheue da chegaqasheguema añi qasoxonaxa Hermón, da naguiñi nache nvittaña añi qasoxonaxa ye Sión. Cha'aye Ñim Nataxala', namaxa da lchoxonnataxanaxa, qataq da chochaq tatec nca'alaxa.

Deuteronómio 28:3

Ỹataqta huo'o qome da 'anchoxonnataguec da qonetaigui ca huaqta'a't nỹecpi, qataq da qouetauga ca no'onaxa.

Éxodo 16:29

Ña qauloỹa'a ctaxa da Aỹem maye Aỹem Nataxala', qami' sanema ye 'oonolec na'a'q da mataxaqui, qaq ỹoqo'oye da inoxoorec naua seis na'axa'te, nache nalaiguilo naua dos na'axa'te na qami' sanema na nallec. Qaq ỹoqo'oye ye na'a'q mataxaqui, nache ñi 'oonolec da qoñiita saishet qome da iraxan ca lma', qataq saishet da huo'o ca taigue.»

Génesis 41:47

Qaq se'eso 'alhua ỹataqta qalota da lañaxataxac se'esoua siete vi'iye maye huaiguilo da qaica ca qaiueetac.

Génesis 26:12

Qaq so Isaac, ỹauo'o co'ollaxa so lañiguishec huaña yemaye se'eso vi'i, qaq ỹataqta 'onaxaic, qataq qalota na ala so lañiguishec, cha'aye Ñim Nataxala', ỹaalec da lchoxonnataxanaxa somaye.

Levítico 25:4

qalaxaye da ivireuga ca vi'i siete, nache saishet qome da qaỹa'anaxañeelec que'eca qana'alhuai qataq saishet da qauchiquiiuec aca lcouepi aca qa'añiguishe uva cha'aye que'eca vi'i iuen da nmatec ca 'alhua, souaxat da qavio'oxoyiñi Ñim Nataxala'.

Levítico 25:6

Qalaxaye 'enauac ca maiche ñaxaalec que'eca 'alhua da huetoigui que'eca vi'i maye nmataxaqui na 'alhua, camaye ishet da qollequiitac, qataq ca qarlataqui qataq aca qarlataipi, qataq ca no'onataxanaxanecpi qataq ca chegaqauecpi maye qami' netaiguilo.

Ezequiel 34:26

Ana ilopi qaguetapi sanaña qome na loigue añi qui'itta ñeqasoxonaxa, nache saalec da na'achecỹaxac, qataq ñamaxa ca auot da ivita ye laloxoqui.

Éxodo 16:5

Qaq qom mashe ivi' caua seis na'axa'te, nache da qalapon ca qandoua'a ca nma', qalaq qandouo ca nalaiguilo caua dos na'axa'te.»