Levítico 25:13 - La'aqtaqa Ñim Lo'onatac 'Enauacna 2013

¹³ Nache que'eca vi'i maye laloxoqui da ỹe'eguelaxa da huesochiguiñi 'enauacna, qami' qaltaq qavi'iguelaqailec da qoñiỹalec ca maiche qaralamaxache qana'alhuai.

Levítico 25:13 Referans Kwoze

Levítico 25:10

Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Números 36:4

Nache da ivita ca vi'i maye laloxoqui da huesochiguiñi qanqa'en na Israel le'ecpi, nache ca na'alhua na 'alpi saishet qome da lalamaxat, cha'aye taỹot da lalamaxat ca lauo' le'ecpi ca lhua anamayepi, nache deqat ca laỹe ca na'alhua na maiche qarhuo' le'ecpi.

Levítico 25:12

cha'aye que'eca vi'i, camaye ỹataqta qaiỹotauga qataq nache qami' huesochiyiñi. Qataq nache qollequiitac qome aca ala na no'onaxa le'ec maye maiche ñaxat que'eca 'alhua.

Levítico 25:28

Qalaxaye da saishet da ivi' aca lasheue da yaqto' ñe'eguelaxaala't ca na'alhua, nache camaye nache 'eetai' da hueto'ot ca shiỹaxaua maye desheenaxana co'ollaxa, choche ivitta'a ca vi'i maye laloxoqui da ỹe'eguelaxa da huesochiguiñi 'enauacna. Huaña, nache ca imen ca na'alhua ishet da ỹe'eguelaxa da qaltaq nalec ca lalamaxat na'alhua.

Levítico 25:54

Qalaxaye da huo'otaq qaica ca anac da nachaalec que'eca Israel le'ec da ñe'eguelaxaala't, camaye qataq ca llalaqpi, nache camayepi huesochiguiñi da ivita ca vi'i da ỹe'eguelaxalec da huesochiguiñi 'enauacna.

Isaías 61:2

qataq sa'axatec nam vi'i maye huaigui da lqouagaxanaqtaic Ñim Nataxala', qataq nam na'a'q maye huaigui da Ñim Qanatanmaxala' ỹauo'o da lvi' da dataỹa'aguet nam qanpa'aguenaxauapi. Ñimaye aỹem namaq da sa'añaqchet 'enauac nam daquicotacpi,

Ezequiel 7:13

Qaq cam huo'o ca imen, qalaq saishet da ỹañoxot da qaltaq ñe'eguelaxaala't cam imen co'ollaxa, na'aictaxa camaye da ña nca'altauec, qataq saishet da nlaxaañi cam nmenaxac maye ỹo'ot co'ollaxa. Qaq nam qauemaicpi qalaq saishet qome da nache 'eetai' da nca'altauec.