Levítico 25:10 - La'aqtaqa Ñim Lo'onatac 'Enauacna 2013

¹⁰ Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Levítico 25:10 Referans Kwoze

Jeremías 34:8

Ñim Nataxala' qaltaq 'enapega so Jeremías, co'ollaq ime da so nta'a Sedequías ỹauo'o so naỹamaxataxac da naỹamaxate' 'enauac so shiỹaxauapi maye netaña ye Jerusalén, da yaqto' ỹaxanec na l-latacpi.

Isaías 63:4

Aỹem mashe llapaqtañi da huo'o ca na'a'q qaq sauo'o ca ivi', qaq nagui mashe ivita ye laloqo' da sesouec na ỹalamaxat nhuo' le'ecpi.

1 Pedro 2:16

Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

Levítico 25:13

Nache que'eca vi'i maye laloxoqui da ỹe'eguelaxa da huesochiguiñi 'enauacna, qami' qaltaq qavi'iguelaqailec da qoñiỹalec ca maiche qaralamaxache qana'alhuai.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

2 Corintios 3:17

Cha'aye So Qarataxala' qataq So Saqcha'a Na'añaxac 'oonolec da lataxac, qaq ỹoqo'oye cam hueta'ague So Saqcha'a La'añaxac So Qarataxala', nache qaica ca saq huesochiguiñi. Qaq qomi' mashe qaica som lapoxot na qarashec, nache shenaqta'am aca tannaxai da lqashelgaxa da sachaxanaq da llo'oxoyec Ñim Qarataxala' maye naralaxat da qanachaalataxac. Qaq huo'o da qana'achec souaxat da qomi' ỹo'oteque So Saqcha'a Na'añaxac da ñequigaqta'aguet naqa'en da shenaqta'am Somaye.

Lucas 1:74

da Ñimaye qomi' nca'alaxateeguesopa nam qomi' ipa'agueeta'ape. Yaqto' saishet da huo'o ca sho'oqtaique da so'onataxanaqtacot Ñimaye,

Salmos 146:7

Ñimaye ỹo'otec da no'on lataxac cam qaica ca nyacnataguec, qataq ỹanem da lquia'axac cam huo'o na lqouaxa. Ñim Nataxala', isouec na ncoñeteguishecpi,

Isaías 49:9

qataq da yaqto' qonapega na ncoñeteguishecpi: ‹Qapa'aiuec›, qataq na huetaigui na napalaxa: ‹Qanachaxañi qome› qaq 'enauaque naua loiguiye na nqa'aicpi qalaq qauanachiỹa qome na 'auaqpi qataq camachaqaca anam qasoxonaxapi maye toolec, qalaq huo'o qome na aloq na qareloipi.

Esdras 1:3

Ỹoqo'oye da qoñeeta da huo'o ca camachaqca da chegoqchiguiña ye 'alhua Judá da jec, da taỹa ye Jerusalén da no'oxoosheguem aca atamnaxaqui maye lalamaqte Ñim Nataxala' maye Natamnaxala' ye Israel le'ecpi maye netaña ye Jerusalén, nache Ñim Lo'onatac 'Enauac hueta'aguet qome.

Levítico 25:11

Qaq que'eca vi'i cincuenta, nache laloxoqui da ỹe'eguelaxa da huesochiguiñi 'enauacna, nache qaica ca danaxan qataq da nqat aca ala ca nañiguishec maye maiche ñaxat, qataq saishet da qanqat aca ala aca nañiguishe uva,

Levítico 25:54

Qalaxaye da huo'otaq qaica ca anac da nachaalec que'eca Israel le'ec da ñe'eguelaxaala't, camaye qataq ca llalaqpi, nache camayepi huesochiguiñi da ivita ca vi'i da ỹe'eguelaxalec da huesochiguiñi 'enauacna.

Ezequiel 46:17

Qalaxaye ca nta'a da ỹanem ca na'alhua laỹe ca 'oonolec cam lamaxashecpi, nache camaye lalamaxat que'eca 'alhua, qalaxaye da ivita ca laloxoqui da qaỹe'eguelaxat na 'alhua, nache que'eca 'alhua qaltaq ỹe'eguelaxa da taỹot ca nta'a, qaq camaye lalamaxat qome cam llalaqpi.

Levítico 25:41

Huaña, nache camaye ca'ai qome ca 'arma', lỹatec ca llalaqpi da yaqto' ỹe'eguelaxa ca lalamaxat lauo' le'ecpi, qataq ca na'alhua,

Jeremías 34:10

Nache 'enauac so nataxala'pi qataq som shiỹaxauapi, ỹaỹamaxareeta se'eso aỹamaxataxac, nache ỹaxanec 'enauac so l-latacpi, nache saishet da qaltaq dequicto'ot da ỹamaqtac somayepi.