Levítico 24:9 - La'aqtaqa Ñim Lo'onatac 'Enauacna 2013

⁹ Qaq acamayepi, nache taỹot qome ñi Aarón qataq na chegoxoguetpi ñimaye. Qaq namayepi da chec aca'aca nauole, nache huaña naqa'en ca ỹaqauga ye pa'auo ye nqasoxoc ñi npe'l, cha'aye qaiỹotauga nachetaqtaxanaqte maye qoỹanot Ñim Nataxala'. Qaq acamayepi ỹataqta sa qaishetapec.»

Levítico 24:9 Referans Kwoze

Levítico 8:31

Qaq co'ollaq ime, nache so Moisés 'enapego' so Aarón qataq soua llalqa, 'eeta': «Da ivita da qaỹa'añiiuaq ca lapat maye qaralamaxache, nache huaña ye ñegueuo ñi npe'l, qataq nache huaña yemaye da qollequi camaye, qataq aca nauole maye huetangui aca npaqtole da ivita da huo'o ca qoỹanagui da lo'onataxanaxac, qataq nache ipacchigui da la'aqtac Ñim Nataxala' co'ollaq 'eeta': ‹So Aarón qataq soua llalqa, nache aloq qome ne'ena lapat qataq ana nauole.›

Lucas 6:4

Nache so David pa'aigui so lma' Ñim Lo'onatac 'Enauacna, nache ỹacona aso nauole maye sa qaishetapec, qataq nda'a't ca ntaxaỹaxanaxanec da qaỹasheetem asomaye da chec, qalaxaye, nache 'ena'am chec somaye qataq nataqa'en soua nnaictagueto.

Mateo 12:4

Nache soomaye pa'aroigui so lma' Ñim Lo'onatac 'Enauacna, nache che'c soua nauole maye qoỹanot Ñim Lo'onatac 'Enauacna. Asom saishet da huo'o ca qaỹashenem da chec da huo'otaq 'eeta'ama soomaye. Nachaqnata nam ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna ishet da chec.

Levítico 10:17

«¿Ta'ainco' ye saishet da huaigui ñi npe'l da qollequi aso nachetaqtaxanaqte maye sa imauaq da qaỹavigaxat? Ye asomaye ỹataqta sa qaishetapec, qataq Ñim Nataxala' qami' ỹanema da yaqto' qaỹapalaxat na lasouaxashetpi na Israel le'ecpi.

Levítico 6:16

Qaq ca no'onañi laỹepi aca'aca nachetaqtaxanaqte, nache qoỹanem da chec ñi Aarón qataq ñeua llalqa. Qalaxaye saishet da che'c aca huo'o aca lalegue maye ỹasheeraxachigui ca ndaqñiguishec, da huaña ca ỹaqauga ndaqa' ye nqasoxoc ñi npe'l.

1 Samuel 21:6

Nache so ntaxaỹaxanaxanec ỹanem so David aso nauolepi 'ayiiña maye saqaishetapec, cha'aye qaca aca lỹa nauole nachaqasota asom qoỹanot co'ollaxa Ñim Nataxala' maye cheta'ague da qanqatec se'eso na'a'q da yaqto' nmeneguet aso dapaqtai'.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

Malaquías 1:12

Qalaxaye qami', Aỹem qanogoqcheche, cha'aye qaupicheetega da añim ỹalamaqte nca'atoxonaxalate maye iquia'axalate, ishet da sa qaiyacnapec, qataq saqaiyacnapec nam nallec maye huetalec añimaye.

Levítico 8:3

nache 'alaỹona't 'enauac na Israel le'ecpi huaña ye ñegueuo ñi npe'l».

Levítico 24:10

Qaq huo'o so shiỹaxaua ỹalectaigui so Israel le'ecpi maye llalec aso 'alo Israel lashe, qalaxaye so lta'a Egipto le'ec, nache se'eso shiỹaxaua ncotaỹapegue' so Israel le'ec huaña ye nanataqa' maye qanayeuta'a.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 6:9

«Qonapega qome ñi Aarón qataq ñeua llalqa, qoneta': 'Era da llec aca nachetaqtaxanaqte maye qaỹavigaxatta, 'eeta': Aca'aca nachetaqtaxanaqte qaỹavigaxatta, acamaye iuen da palom huetangui ca norec maye huetalec añi nca'atoxonaxalate, choche ivitta'a ca lỹa na'a'q. Qataq que'eca norec, nache 'eetai' da 'ettaigui qanqa'en.

Levítico 6:11

Ime, qataq naralaxa't caua ỹaayiñi alogo, nache irouga ca no'onaxa qui'itta maye laponqa' na alo, maye pa'aueegue da laỹe ca qanayeetaña.

Levítico 10:12

Ime, nache so Moisés 'enapega so Aarón qataq soua llalqa maye no'oirañi, Eleazar qataq so Itamar, 'eeta': «Ca no'onañi lsoche aca ala ca nañiguishec maye nachetaqtaxanaqte acamaye qami' taỹoto, nache qauo'oche aca nauole qaca aca lalecte maye ỹasheeraxachigui, nache qollequi da qoviita'a ye sa qaỹapeque añi nca'atoxonaxalate, cha'aye acamaye ỹataqta sa qaishetapec.