Levítico 24:8 - La'aqtaqa Ñim Lo'onatac 'Enauacna 2013

⁸ Qaq acamayepi, nache 'enauaque qome naua na'axa'te maye mataxaqui' da ca ntaxaỹaxanaxanec iroua'a ye pa'auo ye lanataqa' Ñim Nataxala'. Qaq aca'aca nauolepi, nache naigui naua doce llalqa so Israel, qaq 'era da nache 'eetai' qome da lataxac acamayepi.

Levítico 24:8 Referans Kwoze

2 Crónicas 2:4

Cha'aye aỹem so'ot qome aca atamnaxaqui maye lalamaqte Ñim Nataxala' maye Ñatamnaxala', nache sanot qome Ñimaye da yaqto' savigaxat ca ichenaxanaxat maye ama da laitaỹaxac da sho'oxoren Ñimaye, qataq nache sachaigui acamaye aca nauolepi maye sa qaishetapec, qataq nache huaña da saneuo aca nachetaqtaxanaqtepi qaỹavigaxatta, ye nte'eta, qataq ye avit, qataq ye na'a'q mataxaqui, qataq da dalaxaic ñi ca'agoxoic, qataq na laỹepi naponaxacpi maye laloxoqui da qaỹo'oxoren Ñim Nataxala', maye nache 'eetai' qome da qaỹo'ottac ne'ena Israel.

Números 4:7

Qataq lapaxalec ca lmala' ana nauole maye qoỹanot Ñim Nataxala' ca hualoq laỹe imalaqalec, qataq ỹachalec camaye ca nquia'axaquipi, nemecpi, ỹomaxaquipi qapio'ole, qataq aca late'erai maye laỹe' na nachetaqtaxanaxat lataxa, qataq aca nauole maye nache qoỹaategueuo naxa ye na'a'q.

1 Crónicas 9:32

Qataq huo'o som lauo' le'ecpi somaye, som quehatiitapi maye pa'aỹa'aguet naxa da ỹo'ot ana nauole maye saqaishetapec, qataq da naloqchiichiguiñi naxa da ỹachalec so lmala' asomayepi da ivita ye na'a'q mataxaqui.

Nehemías 10:33

qataq yaqto' qaisheenaxana aca nauole 'ayiiña maye qoỹanot Ñim Lo'onatac 'Enauacna, qataq aca nachetaqtaxanaqte maye qaỹavigaxatta qataq aca ala na nañiguishec, qataq ca nachetaqtaxanaxat shiguiỹacpi maye qoỹaneuo ye na'a'q, qataq aca nachetaqtaxanaqte maye qoỹaneuo ca na'a'q mataxaqui, qataq aca qoỹaneuo da dalaxaic so ca'agoxoic, qataq aca nachetaqtaxanaqte maye sa imauaq da qaỹavigaxat da yaqto' qaỹapalaxat na nasouaxashetpi, qataq 'enauac aca laỹe nachetaqtaxanaqtepi da huo'o ca naponaxac.

1 Crónicas 23:29

Qaq nataqa'en somayepi pa'aỹa'aguet da ilo'ogue aso nauolepi maye sa qaishetapec da lapotcheguem naqa'en, qataq so 'ayiiña maye nachetaqtaxanaxat, qataq aso nauole maye sa qaỹauo'o ca lalegue ỹasheeraxachigui, qataq aso ntoñiguishe huo'otaq aso qoỹaatauaq, qataq 'enauac som no'onataxanaxat da qanaloqten qataq da qaỹo'ot ye lcata.

Éxodo 25:30

Qataq nache 'eetai' qome da qaỹachetalec que'eca nquia'axala' aca nauolepi 'ayiiña maye Aỹem qoỹanot.»

1 Samuel 21:7

Qaq se'eso na'a'q hueta'a se'eso atamnaqa' maye lalamaxat Ñim Nataxala' som edomiita le'enaxat Doeg, qaq somaye nacheso so lataxala' som qagueta lo'opi maye lamaxashecpi so Saúl.

2 Crónicas 13:11

Qaq namayepi ye nte'eta qataq ye avit, ỹanot naxa Ñim Nataxala' ana nachetaqtaxanaqte qaỹavigaxatta, qataq na nchenaxanaxat, qataq ỹachalec so qui'itta lmala' ana nauolepi, qaq da avit nache ỹe'eraxatoigui aso ncoỹaraxanaxaquipi maye netagui aso lashe oro. Cha'aye qomi' salaxasoxoguet nam lamaxasoxonaxacpi Ñim Nataxala', maye Qanatamnaxala', qami' qalaxaye qoquiỹa'ai Ñimaye.