Levítico 24:6 - La'aqtaqa Ñim Lo'onatac 'Enauacna 2013

⁶ qataq 'auachalec ye nquia'axala' maye chegaqaigui na ndotec oro maye netaña ye pa'auo ye lanataqa' Ñim Nataxala', nache 'alapotchiyigue'm caua seis, da 'auachaleguete naua dos laỹel.

Levítico 24:6 Referans Kwoze

1 Reyes 7:48

Qaq so Salomón, nataqa'en damaxasoxoolec da qaỹo'ot so laỹepi lhuenecpi aso atamnaxaqui maye lalamaqte Ñim Nataxala': Asom nca'atoxonaxalate oro, qataq so nquia'axala' maye nataqa'en oro, maye qaỹachetalec naxa aso nauole maye qoỹanot Ñim Nataxala',

Hebreos 9:2

Som npe'l maye qaỹo'ot co'ollaxa da huaña da qaỹo'oxoren Ñim Lo'onatac 'Enauacna, 'eeta' da lataxac: so hua'auchiguiñi ndaqa', le'enaxat ndaqa' qui'itta somaye hueta'a aso ncoỹaraxanaxaqui qataq so nquia'axala' maye huetaleguete soua nauolel 'ayiiña maye qaiỹotaugalo da lalamaqtel Ñim Lo'onatac 'Enauacna.

2 Crónicas 13:11

Qaq namayepi ye nte'eta qataq ye avit, ỹanot naxa Ñim Nataxala' ana nachetaqtaxanaqte qaỹavigaxatta, qataq na nchenaxanaxat, qataq ỹachalec so qui'itta lmala' ana nauolepi, qaq da avit nache ỹe'eraxatoigui aso ncoỹaraxanaxaquipi maye netagui aso lashe oro. Cha'aye qomi' salaxasoxoguet nam lamaxasoxonaxacpi Ñim Nataxala', maye Qanatamnaxala', qami' qalaxaye qoquiỹa'ai Ñimaye.

2 Crónicas 4:19

Qaq 'era da 'eetec so Salomón da damaxasoxoolec nataqa'en da qaỹo'ot so laỹepi nhuenecpi da yaqto' lalamaxat aso atamnaxaqui maye lalamaqte Ñim Lo'onatac 'Enauacna, aso nca'atoxonaxalate maye ndota't oro, qataq so nquia'axala'pi maye qaỹachalec naxa aso nauolepi maye qaiỹotauga da lalamaqtepi Ñim Lo'onatac 'Enauacna,

1 Corintios 14:40

Qalaxaye qauaỹamaxachiichiguiñi da llecỹaxac 'enauac namayepi.

Éxodo 39:36

so nquia'axala' qataq so logoxoshetpi, qataq aso nauolepi maye qoỹanot Ñim Nataxala',

Nehemías 10:33

qataq yaqto' qaisheenaxana aca nauole 'ayiiña maye qoỹanot Ñim Lo'onatac 'Enauacna, qataq aca nachetaqtaxanaqte maye qaỹavigaxatta qataq aca ala na nañiguishec, qataq ca nachetaqtaxanaxat shiguiỹacpi maye qoỹaneuo ye na'a'q, qataq aca nachetaqtaxanaqte maye qoỹaneuo ca na'a'q mataxaqui, qataq aca qoỹaneuo da dalaxaic so ca'agoxoic, qataq aca nachetaqtaxanaqte maye sa imauaq da qaỹavigaxat da yaqto' qaỹapalaxat na nasouaxashetpi, qataq 'enauac aca laỹe nachetaqtaxanaqtepi da huo'o ca naponaxac.

Ezequiel 41:22

Qaq aso nca'atoxonaxalate 'epaq, qalaq ivi' un metro y medio ye lshequitcheguemegue, qaq soua lallemaqreuo, qataq so lo'oxonaxala' qataq naua laỹel qalaq 'enauac 'epaq. Qaq huaña nache se'eso shiỹaxaua aỹem 'enapega, 'eeta': «'Ena na nquia'axala' maye datatalec Ñim Nataxala'.»

Éxodo 25:30

Qataq nache 'eetai' qome da qaỹachetalec que'eca nquia'axala' aca nauolepi 'ayiiña maye Aỹem qoỹanot.»

Nehemías 10:34

Qaq so nachetaqtaxanaxat qo'oipaqpi maye norec lashec, somaye ñalletaxagui qomi' ntaxaỹaxanaxanecpi qataq leviitapi, nataqa'en 'enauac se'eso maiche nhuo' le'ecpi, da yaqto' qaỹaỹaten negue't ca talec da ndouo ca qo'oipaq se'eso maiche nalamaxat ñalaqpi, qataq yaqto' da ivireuga ca laloqo' so 'oonolec vi'i, nache que'eca qo'oipaqpi qandoua'a añi atamnaxaqui maye lalamaqte Ñim Nataxala' maye Qanatamnaxala', da yaqto' qaỹaloolec ca norec aso lca'atoxonaxalate, da yaqto' qaipacchiguilo naua 'ena'ape na nqataxacpi maye nanettañi.