Levítico 24:19 - La'aqtaqa Ñim Lo'onatac 'Enauacna 2013

¹⁹ Qaq da huo'o ca ique'emaqchet ca lỹa shiỹaxaua, nache camaye qaỹe'enaxatteguet ca lque'emaqtaxanaxac.

Levítico 24:19 Referans Kwoze

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Mateo 5:38

Qaq da lỹa lapaxaguenataxanaxac so Moisés damaye 'eeta': «Da huo'o ca nqat aca 'oonole la'aite ca lỹa, nache camaye nataqa'en qanqat aca 'oonole la'aite, qataq ca ỹacagaxatec aca lhue ca lỹa, nache nataqa'en qaỹacagaxatec aca lhue camaye.»

Deuteronómio 19:21

Qaq saishet qome da qauchoxoyiñiitac camaye: Cha'aye ca dalaataxan nache nataqa'en qaỹalauat, qataq ca iuaxangui aca la'aite ca lỹa nache nataqa'en qaiuaxangui aca la'aite, qaq ca iuaxaare'c caua lhue ca lỹa nache nataqa'en qaiuaxaare'c caua lhue, qaq ca iuaxangui na lhuaq ca lỹa nataqa'en qaiuaxangui na lhuaq, qataq ca iuaxangui ca lche ca lỹa nataqa'en qaiuaxangui na lche.

Éxodo 21:23

Qalaxaye da huetalec da lchec da ileu aca'aca 'alo, nache da qaisheeten de'era nachaalataxac nache lasheue ca lỹa achaalataxac.

Levítico 24:18

Qaq ca shiỹaxaua da ỹalauat ca shiguiỹac maye saishet da lalo, nache camaye ỹauo'o ca nmenaxanaxaneguet lỹa shiguiỹac.

Levítico 24:20

Da huo'otaq dacagaqtaxan, nache nataqa'en qaỹacagaxat, da huo'otaq ique'emaqchet aca na'aite, nache nataqa'en qaique'emaqchet aca la'aite. Qaq da huo'otaq ỹacagaxat aca nhue, nache nataqa'en qaỹacagaxat aca lhue, nache qaipagaqchiichigui da nque'eenaxac ca qaỹacagaxat acamaye.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Éxodo 21:24

Qaq ca ique'emaqchet aca na'aite, nache nataqa'en qaique'emaqchet aca la'aite camaye, qaq da huo'otaq nhue, nache nataqa'en aca lhue camaye, qaq da huo'otaq nhuaq, nache nataqa'en ca lhuaq camaye, qaq da huo'otaq napia', nache nataqa'en qaique'emaqchet na lapia' camaye,

Éxodo 21:25

Qaq da huo'otaq ỹavigaxat ca lỹa, qaq nataqa'en qaỹavigaxat camaye, qaq da huo'otaq deque'emaqtaxan qaq nataqa'en qaique'emaqchet, qaq da huo'otaq deuaxanaxan, qaq nataqa'en qaiuaxan.