Levítico 24:16 - La'aqtaqa Ñim Lo'onatac 'Enauacna 2013

¹⁶ Qaq 'enauac cam ỹo'ot da l-laraxanaxac qataq da isheuen da le'enaxat Ñim Nataxala', nache qaỹalauat. Nache 'enauac ca lapoota'a't Israel le'ecpi ỹalauat, ỹauota'a na coma' laỹe da ỹasaq. Qaq nache 'ena'am ca chegaqauec huo'otaq Israel le'ec, cha'aye ỹo'ot da l-laraxanaxac, qataq isheuen da le'enaxat Ñim Nataxala', nache camaye qaỹalauat.»

Levítico 24:16 Referans Kwoze

Mateo 12:31

Qaq ỹoqta 'eesa da Ñim Lo'onatac 'Enauacna ỹapalaxat ca camachaqca nasouaxashet qataq 'enauac nam qauem maye qanasaqteguec. Na'aictaxa da huo'o ca qauema naua ltaxaỹaxaco da Aỹem detaqtega qalaq Ñim Lo'onatac 'Enauacna nache 'ena'am ichoxoren camaye. Qalaxaye ca sa iyacnapec So Saqcha'a Na'añaxac Qui'itta camaye qaica ca nchoxonnataguec. ¡Camaye ỹataqta qaica ca nchoxonnataguec!

Santiago 2:7

¿Saq nacheno' peta'a nam sallaxanecpi nam isheueetac So Qarataxala'?

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

Hechos 26:11

Qataq ỹataqta qalota da seuaxaatac namayepi da sauotaique da ỹaxaañi da lpi'iỹaxac. Qaq 'era da so'otec 'enauac anam napaxaguenaxaquipi nam judiopi. Cha'aye aỹem ỹataqta qalota da iquiỹaxa namayepi, ỹoqo'oye ivira'a da secanaxangui nam hueta'alo naua ỹaqa'alo 'aleu'.

Mateo 26:66

Qaq ¿chaq 'eetec cam qara'aqtaqui? –¡Qomye damaye qaỹalauat! 'Enapec somayepi.

Salmos 139:20

nam qauema na la'aqtaqa da 'am detaqtega, nam qaica ca naigui da nachaañi da 'am dataỹa'aguet.

Salmos 74:18

Ña 'auennata'a qome 'Am Nataxala', da na 'am ipa'agueetacpi ỹataqta 'am ỹe'enai', qataq na shiỹaxauapi maye qaica ca ỹaỹaanapec, ỹataqta qauema naua la'aqtaqa da 'am detaqtega.

Salmos 74:10

'Am Atamnaxala', ¿chaq laguio' da vi'iiguet da qomi' isheueeta'ape na depa'aguenataxaatacpi? ¿Peta'a nache 'eetai' qome da isheueetac da 'are'enaxat namayepi?

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Marcos 14:64

Ye damaye 'eetega da nachera dam Lo'onatac 'Enauacna. Qaq ¿ca 'eetec damaye? ¿Ca 'eetec ca qara'aqtaqui? –Nache somayepi 'enauac da nasara'a't da So Jesús iuen da qaỹalauat.

Juan 19:7

Qalaxaye na judiopi 'enapeco': –Qomi' huo'o dam nqataxac maye qomi' qoỹanema co'ollaxa, qaq damaye 'enapec ye ishet da qaỹalauat ca 'ena'am de'era, cha'aye damaye 'eetega da Llalec Ñim Lo'onatac 'Enauacna.

Hechos 7:58

Nache qaỹauogonnaueegue da laỹe so nỹecpi, nache qaira'a na coma' da qaỹasaq. Qaq nam da'aqtaxan co'ollaxa da 'eetega da huo'o ca lasouaxashet, somayepi icotano'oto naua lapo'ote so nsoq le'enaxat Saulo.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

2 Samuel 6:2

nache so David chegoqchiguiña ye Baalá maye huaigui ye 'alhua Judá, nache lỹatec 'enauac so nalleppi da nqochenaxat aso arca maye laỹe' soua lqataxaco Ñim Nataxala', asom huaña naxa da qaiỹaxana da le'enaxat Ñim Lo'onatac 'Enauacna maye Qaica ca Ỹaqalanapec maye netaleguete soua ne'enaqtaqa shiỹaxau' maye huo'oi naua laua't datatralec ye nso'onqa' Ñimaye da Nta'a.

Levítico 20:2

«Qonapega qome na Israel le'ecpi qoneta': Da huo'o ca 'oonolec na Israel le'ecpi huo'otaq na chegaqauecpi maye netaña ne'ena 'alhua Israel, da huo'otaq ỹanot ca llalec ca atamnaxala' Moloc da ỹavigaxat da lachetaqtaxanaxat, nache ca lma' que'eca 'alhua iuen da ỹalauat camaye, irota'a ca coma' laỹepi da ỹasaq.