Levítico 24:15 - La'aqtaqa Ñim Lo'onatac 'Enauacna 2013

¹⁵ Nache qonapega qome na Israel le'ecpi, qoneta': ‹Camachaqca shiỹaxaua da ilarapiguiñi Ñim Natamnaxala', nache camaye maiche nque'etaxangui ca nhuaxanaguec.›

Levítico 24:15 Referans Kwoze

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Levítico 5:1

Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Levítico 18:21

Qataq saishet qome da huo'o ca ỹan ca llalec da yaqto' lachetaqtaxanaxat da ỹanot ca atamnaxala' Moloc da yaqto' ỹavigaxat, cha'aye saishet da huo'o ca ỹe'enai' na Atamnaxala'. Qaq 'era da ỹa'aqtac, Aỹem Nataxala'.