Levítico 24:14 - La'aqtaqa Ñim Lo'onatac 'Enauacna 2013

¹⁴ «'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Levítico 24:14 Referans Kwoze

Deuteronómio 17:7

Qaq que'ecaua shiỹaxau' maye da'aqtaxa'n caamaye nachecaua caua la'auaxanaqa da ira'alo ca coma' da ỹasaq que'eca shiỹaxaua maye qaỹalauat. Qaq da ime, nache dasaxasoxon 'enauac ca maiche nhuo' le'ecpi, huaña nache imeuo qanqa'eñi que'eca qauem maye qami' huetanguilo.»

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

Levítico 20:2

«Qonapega qome na Israel le'ecpi qoneta': Da huo'o ca 'oonolec na Israel le'ecpi huo'otaq na chegaqauecpi maye netaña ne'ena 'alhua Israel, da huo'otaq ỹanot ca llalec ca atamnaxala' Moloc da ỹavigaxat da lachetaqtaxanaxat, nache ca lma' que'eca 'alhua iuen da ỹalauat camaye, irota'a ca coma' laỹepi da ỹasaq.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Levítico 13:46

Qaq 'enauaque caua na'axa'te da hueta'ac da nhuetaxanaxa maye nchega naqa'en na lo'oc ca shiỹaxaua, nache saishet da qui'itta. Ỹoqo'oye qaiỹotauga da tauga ca pa'auec ca nanataqa' maye qanayiutaña, qataq nache 'oonolec camaye.»

Levítico 24:13

Nache Ñim Nataxala' 'enapega so Moisés, 'eeta':

Deuteronómio 17:5

nache que'eca ỹale huo'otaq 'alo maye ỹo'ot de'era saỹaỹamaxañi, qaỹauegueuga ca ñegueuo ca huaqta'a't nỹecpi nache qaira'a ca coma' da qaỹasaq choche ivitta'a da ileu.»

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»