Levítico 24:11 - La'aqtaqa Ñim Lo'onatac 'Enauacna 2013

¹¹ Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Levítico 24:11 Referans Kwoze

Isaías 8:21

Na shiỹaxauapi qalaq tateguelo qome, qaica ca nyacnataguec qataq ỹaguec na lqouaxa, qaq souaxat na lqouaxa nache qaica ca iren qataq ỹasaxalec ca qauem la'aqtac ca lta'a qataq ca natamnaxala'pi, nache ilo'ot na piguem,

Da na'aqtaguec so Job 2:5

Qalaxaye da 'aupoteua'a da nachaalataxac, nache 'auaỹaten qome da ishet da 'am iviraxato'ot da 'am isheuen.»

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Éxodo 18:26

Qaq nacheso somayepi som ishet da nmit na lasouaxashetpi so nhuo' le'ecpi 'enauaque naua na'axa'te. Qaq nam nasouaxashetpi maye ỹataqta huo'o da lqalaic, nache qairoua'a so Moisés, qaq nam nasouaxashet maye saq 'amaqtaq, nache maiche ỹaỹamaxaañi somayepi.

Éxodo 18:22

Nache camayepi nacheca qome ca nmit ca lasouaxashet ñi 'oonolec nam nhuo' le'ecpi 'enauaque naua na'axa'tesa'ache. Qaq cam ỹapactec lta'araic nasouaxashet, nache 'am qandoua'a. Qaq ca saq 'amaqtaq nasouaxashet, qalaq maiche huapegue' qome camayepi. Yaqto' saqallegueme da 'ansallaxa, cha'aye camayepi 'am itauan qome.

Éxodo 3:15

Ñim Lo'onatac 'Enauacna nataqa'en 'enapega so Moisés, 'eeta': «Qonapega qome ye llalaqpi so Israel, qoneta': ‹Ñim Nataxala', Ñim Natamnaxala' soua hua'au' qarta'alli' Abraham, Isaac qataq Jacob, Ñimaye aỹem namaxalo qami'.› Qaq 'era da ỹe'enaxat maye chochaq tatec, qataq 'era da ỹe'enaxat maye qaica ca loga't.»

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

Romanos 2:24

Qaq mañaxasaco' naua ñiyigui'she la'aqtaqa Ñim Lo'onatac 'Enauacna da 'eeta': «Nam saishet da judiopi saishet da iyacnapec da detaxaỹa Ñim Lo'onatac 'Enauacna, souaxat da qoñiita.»

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Salmos 74:22

'Am Ñatamnaxala', 'anachaañi qome, ña 'ampaxaalec da qoneta, 'auennata'a da 'enauaque naua na'axa'te da 'am isheueetac na qaica ca ỹaỹaanapec.

Salmos 74:18

Ña 'auennata'a qome 'Am Nataxala', da na 'am ipa'agueetacpi ỹataqta 'am ỹe'enai', qataq na shiỹaxauapi maye qaica ca ỹaỹaanapec, ỹataqta qauema naua la'aqtaqa da 'am detaqtega.

Da na'aqtaguec so Job 1:22

Qaq 'era da 'eetec 'enauac da huaigui so Job, qalaxaye ñaqaiyeta qaica ca mpe'enaxac, qataq saishet da huo'o ca la'aqtac da isheuen Ñim Lo'onatac 'Enauacna.

Da na'aqtaguec so Job 1:11

Qalaxaye da huo'o ca qona'ac qataq da 'auacona 'enauac na hueto'otpi, nache 'aue'elaqtem qome da 'Am iviraxato'ot da 'Am isheuen.»

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

2 Reyes 19:22

¿Negue't cam 'aunogoqchettac qataq 'ausheueetac? Qataq ¿negue't cam 'auqaqaato'ot, qataq da ỹataqta huo'o da 'ana'amaqnaxac da 'auamatto'ot? ¡Qomye nacheñi Ñim Qui'itta Natamnaxala' na Israel le'ecpi!

2 Reyes 19:10

da yaqto' 'enapega, 'eeta': Ñim 'Anatamnaxala' maye 'anteetacot, Ñimaye 'eetega da saishet da ỹoxonec ye Jerusalén, qalaxaye saishet qome da choche 'am ỹatenachet Ñimaye.

2 Reyes 19:6

nache so Isaías, 'eeta': «Qoñiỹapega ca qana'aco'oi qoñiita': ‹Da la'aqtac Ñim Nataxala', 'eeta': Saishet qome da 'añi'iỹa 'enauac nam la'aqtacpi se'eso lamaxashecpi ñi nta'a ye Asiria, da aỹem isheueetac.

2 Reyes 18:37

Huaña nache so Eliaquín, maye ilotague' naxa so nma' lta'araic, qataq so Sebna, som neraxanaxanec maye ỹettapiguiñi 'enauac nam ỹo'otpi so nta'a, qataq so Yoaj, maye leraxanaxanec so nta'a, soomaye ỹataqta daquigoi' co'ollaxa, nache ncolaxata'aisalo soua alogo, nache nqo'ooreua'a so Ezequías da da'aqtaxaarem nam la'aqtacpi so 'amaqtaqai nataxala' maye Asiria le'ec.

2 Reyes 18:35

Qaq ¿negue'to' que'eca natamnaxala' ne'ena ỹotta'a't shiỹaxauapi, maye ishet da nca'alaxateeguesop nam na'alhuapi da la'añaxac ñi nta'a ye Asiria? ¿Qaq ca 'eeteco' da qaupi'itaxañeetega da Ñim Nataxala', ishet da nca'alaxatec ye Jerusalén?»

2 Reyes 18:30

Qaq cam Ezequías da ỹauotaique da qaupi'iỹa'ai Ñim Nataxala', da 'eeta': «Ñim Nataxala', ỹataqta 'eesa qome da qomi' nca'alaxatrec, qataq ne'ena huaqta'a't nỹecpi maye qaralamaxat, saishet qome da ỹashen da loxonec ca nta'a ye Asiria.»

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»

2 Samuel 12:14

Qalaxaye souaxat da ỹataqta 'aunogoqchet Ñim Nataxala', nache yi'iye 'aỹa'alec maye ñaq cheta'ague da ñiguiñi, ileu qome.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Levítico 24:10

Qaq huo'o so shiỹaxaua ỹalectaigui so Israel le'ecpi maye llalec aso 'alo Israel lashe, qalaxaye so lta'a Egipto le'ec, nache se'eso shiỹaxaua ncotaỹapegue' so Israel le'ec huaña ye nanataqa' maye qanayeuta'a.