Levítico 23:8 - La'aqtaqa Ñim Lo'onatac 'Enauacna 2013

⁸ Qaq nache 'enauaque que'ecaua siete na'axa'te da qauavigaxacheetac aca nachetaqtaxanaqtepi maye qoỹanot Ñim Nataxala'. Nache da ivireuga ca na'a'q siete, nache qauo'oche ca naponaxac da yaqto' qaỹo'oxoren Ñimaye. Qataq saishet da qauo'oche ca camachaqca nam no'onatacpi.»

Levítico 23:8 Referans Kwoze

Éxodo 12:16

Qaq que'eca la'auaxanec na'a'q qataq nache 'ena'am ca pa'atec na'a'q qom mashe ivi' caua siete na'axa'te, nache huetoiguilo da qaỹo'ot ca lta'araic naponaxac da qavio'oxonnataxañi. Nache que'ecaua na'axa'te qaica ca ishet da do'onataxan. Nachaqrata da iqataxaatai' ca aloq ñi 'oonolec.

Levítico 23:7

Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Levítico 23:9

Ñim Nataxala' 'enapega so Moisés, 'eeta':

Deuteronómio 16:8

Nache seis na'axa'te da qollequiitac aca nauole 'ayiiña maye qaca aca lalecte maye ỹasheeraxachigui, qaq ca na'a'q siete nache qauo'oche ca naponaxac da yaqto' qavio'oxoreñi Ñim Nataxala' maye Qanatamnaxala'ai, qataq que'eca na'a'q saishet da qauo'oche cam camachaqca nam no'onatacpi.

Ezequiel 45:23

qaq ye 'oonolec na'a'q, que'ecaua siete na'axa'te maye huaiguilo que'eca naponaxac, nache ỹaareuo qome da lachetaqtaxanaxat qaỹavigaxatta da ỹanot Ñim Nataxala' caua siete huaca llalqa, qataq siete qagueta lhuaraiqa, qaq camayepi 'enauac qome qaica ca lque'emaxa. Qaq nataqa'en ye 'oonolec na'a'q, nache ỹaneuo ca 'oonolec quetaq lhuaraic da yaqto' qaỹapalaxat na nasouaxashetpi.

Éxodo 13:6

Qaq ivi' qome naua siete na'axa'te da qollequiitac aca nauole 'ayiiña maye sa qaỹauo'o ana lalecte maye ỹasheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyiñi Ñim Nataxala'.

Números 28:18

Qataq que'eca la'auaxanec na'a'q que'ecaua siete na'axa'te, nache qaỹo'ot ca ỹo'oxoraq naponaxac. Nache que'eca na'a'q qaica ca qaỹo'ot no'onatac.

Números 28:25

Qaq ca na'a'q siete, nache qauo'oche ca ỹataqta ỹo'oxoraq naponaxac. Nache que'eca na'a'q qaica qome ca do'onataxan.

Números 28:26

Qaq ca naponaxac da qantonec ca la'auaxanec ala ca nañiguishec, nache da qaỹa'añiỹot Ñim Nataxala' ca la'auaxanec ala ca nañiguishec, nache qauo'oche qome ca lta'araic naponaxac da qavio'oxonnataxañi. Qataq qaica qome ca qaỹo'ot nam no'onatacpi.