Levítico 23:7 - La'aqtaqa Ñim Lo'onatac 'Enauacna 2013

⁷ Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Levítico 23:7 Referans Kwoze

Levítico 23:8

Qaq nache 'enauaque que'ecaua siete na'axa'te da qauavigaxacheetac aca nachetaqtaxanaqtepi maye qoỹanot Ñim Nataxala'. Nache da ivireuga ca na'a'q siete, nache qauo'oche ca naponaxac da yaqto' qaỹo'oxoren Ñimaye. Qataq saishet da qauo'oche ca camachaqca nam no'onatacpi.»

Levítico 23:25

Qaq ỹoqo'oye qauavigaxache qome aca qarachetaqtaxanache da qaỹa'añiỹot Ñim Nataxala', qataq saishet da qauo'oche ca camachaqca nam qapa'atta no'onatacpi».

Levítico 23:21

Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Éxodo 12:16

Qaq que'eca la'auaxanec na'a'q qataq nache 'ena'am ca pa'atec na'a'q qom mashe ivi' caua siete na'axa'te, nache huetoiguilo da qaỹo'ot ca lta'araic naponaxac da qavio'oxonnataxañi. Nache que'ecaua na'axa'te qaica ca ishet da do'onataxan. Nachaqrata da iqataxaatai' ca aloq ñi 'oonolec.

Números 29:1

Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.