Levítico 23:6 - La'aqtaqa Ñim Lo'onatac 'Enauacna 2013

⁶ Qaq da ivireuga ca na'a'q quince que'eca ca'agoxoic, nache qauo'oche qome ca nquia'axac maye qanallec aca nauole maye qaica ca lalegue ỹasheeraxachigui, da yaqto' qaỹo'oxoren Ñim Nataxala'. Qaq nache ivittrec caua siete na'axa'te da qollequiictac acamaye.

Levítico 23:6 Referans Kwoze

Deuteronómio 16:8

Nache seis na'axa'te da qollequiitac aca nauole 'ayiiña maye qaca aca lalecte maye ỹasheeraxachigui, qaq ca na'a'q siete nache qauo'oche ca naponaxac da yaqto' qavio'oxoreñi Ñim Nataxala' maye Qanatamnaxala'ai, qataq que'eca na'a'q saishet da qauo'oche cam camachaqca nam no'onatacpi.

Éxodo 34:18

«Qauo'oche qome ca na'a'q ño'oxonnataxanaxaqui da qaỹo'oxoren da qanallec aca nauole maye qaica na lalegue da ỹasheeraxachigui, qaq nache siete na'axa'te da qollequiitac acamaye. Qataq huetoigui qanqa'eñi ca ca'agoxoic Abib, cha'aye nache vichigui co'ollaq qoquiỹa'ai ye Egipto.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 23:15

Qauo'oche qome ca qarquia'axaqui da qollequi ana nauole 'ayiiña maye sa qaỹauo'o aca lalegue maye ỹasheeraxachigui. Qataq qauloitelec qome da ỹa'aqtac maye qami' sanema, da qollequiitac ana'ana nauole 'ayiiña caua siete na'axa'te. Qaq ca na'a'q maye huetoigui damaye, nacheca ca ca'agoxoic le'enaxat Abib, cha'aye nacheso so ca'agoxoic maye huetoigui co'ollaq qoquiỹa'ai ye Egipto. Qaq da qauanaqui da Aỹem qavio'oxoyiñi nache Aỹem qandoiua'a aca qarachetaqtaxanaqche.

Deuteronómio 16:3

Qaq da qollequi que'eca shiguiỹac maye qaỹa'añiiuo nache lalegue qanqa'eñi aca nauole maye qaica ca lalegue da ỹasheeraxachigui. Qaq nache ivittrec caua siete na'axa'te da qollequiitac aca'aca nauole maye qaica ca lalegue, cha'aye nachaso asom qanallectac co'ollaq qanayeuaigui da que'eenaxac, qataq da nỹalaxa da qanayeca'ai ye Egipto, qataq qom ñaq qanca'alliitauec, nache saishet da qaucouaỹa'ai se'eso na'a'q maye huetoigui co'ollaxa da qoquiỹa'ai ye Egipto.